អន្តរជាតិ
អាល់ហ្សេរី ៖ កូនកម្លោះប្តឹងកូនក្រមុំពីបទឆបោក ក្រោយពីឃើញមុខគ្មានម្សៅតុបតែង
×![]()
ដោយ: ធីតា
នៅអាល់ហ្សេរី បុរសម្នាក់បានប្តឹងប្រពន្ធថ្មីថ្មោងរបស់ខ្លួន បន្ទាប់ពីភិតភ័យនៅពេលឃើញមុខពិតប្រាកដរបស់ប្រពន្ធដែលគ្មានគ្រឿងសម្អាងតុបតែង ជាលើកទីមួយ។
នៅពេលភ្ញាក់ពីដំណេក បន្ទាប់ពីក្រេបទឹកឃ្មុំដ៏ផ្អែមល្អែមជាមួយគ្នានៅយប់ដំបូងមក បុរសជាស្វាមីស្រាប់តែភ្ញាក់ផ្អើលយ៉ាងខ្លាំងនឹងមុខមាត់របស់ប្រពន្ធខ្លួន។ ប៉ុន្តែមិនមែនដោយសារសម្រស់របស់នាងទេ គឺដោយសារតែមិនស្មានថា ស្ត្រីដែលខ្លួននែបនិត្យពេញមួយយប់នោះ គឺជាស្ត្រីតែមួយដែលស្ថិតនៅចំពោះមុខខ្លួននៅព្រឹកនេះ។ ស្វាមីនេះភិតភ័យយ៉ាងខ្លាំង ស្មានថា ស្ត្រីនោះគឺជាចោរដែលបន្លំមកដេកក្បែរខ្លួនជំនួសប្រពន្ធរបស់ខ្លួន។
លុះពិនិត្យច្បាស់បន្តិចទើបដឹងថា នាងពិតជាប្រពន្ធរបស់ខ្លួនមែន។ ប្រភពមួយបានប្រាប់បណ្តាញព័ត៌មាន Emirates 247 ថា៖ « បុរសនោះបាននិយាយថា ខ្លួនត្រូវស្ត្រីជាប្រពន្ធនោះបោកប្រាស់ ដោយនៅមុនពេលរៀបការ នាងតែងតែតុបតែងមុខមាត់ជាប្រចាំ ហើយមើលទៅ នាងស្រស់ស្អាត និងគួរឲ្យទាក់ទាញណាស់ »។
បុរសនេះប្តឹងប្រពន្ធរបស់ខ្លួនពីបទឆបោក និងទាមទារប្រាក់សងជំងឺចិត្តជាង ២ ម៉ឺនដុល្លារ៕
Tag:
ប្លែក
© រក្សាសិទ្ធិដោយ thmeythmey.com
