ជាតិ
វៀតណាមដោះលែងអ្នកទោសជិត២ម៉ឺននាក់រួមទាំងពលរដ្ឋកម្ពុជាម្នាក់មុនថ្ងៃបុណ្យជាតិ
×![]()
ដោយ: ថ្មីៗ
រដ្ឋាភិបាលវៀតណាម សម្រេចលើកលែងទោសដល់អ្នកទោសជិត២ម៉ឺននាក់មុនថ្ងៃបុណ្យជាតិខាងមុខនេះ។ ក្នុងចំណោមអ្នកត្រូវដោះលែងនោះក៏មានអ្នកទោសជនជាតិកម្ពុជាម្នាក់ផងដែរ។ នេះបើយោងតាមទីភ្នាក់ងារព័ត៌មានចិន Xinhua។ 
នៅថ្ងៃសុក្រនេះ ប្រធានាធិបតីវៀតណាម បានសម្រេចប្រកាសលើកលែងទោសដល់ទោសសរុប ១៨២៩៨នាក់ ។ ការលើកលែងទោសដល់អ្នកទោសច្រើននាក់បែបនេះ ធ្វើឡើងដើម្បីជាការអបអរថ្ងៃ បុណ្យឯករាជ្យជាតិលើកទី៧០ ដែលនឹងត្រូវធ្វើឡើងនៅថ្ងៃទី២ ខែកញ្ញាខាងមុខនេ។
យោងតាមសេចក្តីប្រកាស អ្នកទោសទាំងនេះ នឹងត្រូវបានគេចាប់ផ្តើមដោះលែងចាប់ថ្ងៃចន្ទ័ សប្តាហ៍ ក្រោយ ពោលគឺមុនថ្ងៃនៃបុណ្យជាតិវៀតណាម។ តាមការបញ្ជាក់របស់លោកអនុរដ្ឋមន្ត្រីសន្តិសុខ សាធារណៈ Le Quy Vuong នៅក្នុងសន្និសីទថ្ងៃនេះ ក្នុងចំណោមបញ្ជីលើកលែងទោស មានអ្នកទោស ប្រមាណ១៥០០នាក់ជាប់បទចោទប្រព្រឹត្តបទល្មើសទាក់ទងថ្នាំញៀន និង ប្រហែល ២២០០នាក់ ជាប់ទោសពីបទឃាតកម្ម និងបទល្មើសផ្សេងៗទៀត។
អ្វីដែលគួរកត់សម្គាល់នោះ ក្នុងចំណោមអ្នកទោសជិត២ម៉ឺននាក់ ក៏មានអ្នកទោសជនជនបរទេស ៣៤នាក់ផងដែរ។ ក្នុងនោះរួមមានអ្នកទោសជនជាតិ ឡាវ៦នាក់ កម្ពុជា១នាក់ ថៃ១នាក់ អូស្ត្រាលី២ នាក់ ចិន១៦នាក់ ម៉ាឡេស៊ី៦នាក់ និង ហ្វីលីពីន២នាក់៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
