ជាតិ
កម្ពុជា ថៃ និងវៀតណាម បន្តរួមគ្នាជំរុញវិស័យទេសចរណ៍តាមសមុទ្រ
×
ក្រុមមន្ត្រីទេសចរណ៍នៃប្រទេសកម្ពុជា ថៃ និងប្រទេសវៀតណាម បានព្រមព្រៀងគ្នា ក្នុងការបង្កើតកម្មវិធីកញ្ចប់ទេសចរណ៍តាមសមុទ្រមួយ ដោយភ្ជាប់ទៅនឹងតំបន់ទេសចរណ៍នានា នៅភាគខាងត្បូងបំផុតនៃប្រទេសទាំង៣ ។
បើតាមការចុះផ្សាយនៅក្នុងគេហទំព័ររបស់ក្រសួងមហាផ្ទៃ កិច្ចព្រមព្រៀងនេះត្រូវបានធ្វើឡើងនៅក្នុងកិច្ចប្រជុំរបៀងទេសចរណ៍ភាគខាងត្បូងលើកទី២ ដែលបានធ្វើឡើងនៅក្នុងខេត្តកោះកុង កាលពីថ្ងៃទី២៤ខែ សីហា កន្លងទៅ។
កិច្ចប្រជុំរបៀងទេសចរណ៍ភាគខាងត្បូងធ្វើឡើងក្នុងបំណងជំរុញកិច្ចអភិវឌ្ឍន៍វិស័យទេសចរណ៍ នៅតាមតំបន់សមុទ្រភាគខាងត្បូងរបស់ប្រទេសទាំង៣ ដែលរួមមានខេត្តចំនួន៥ ស្ថិតនៅក្នុងប្រទេសកម្ពុជា ខេត្ត៥ខេត្តក្រុង នៅក្នុងប្រទេសវៀតណាម និងចំនួន៤ទៀតនៅក្នុងប្រទេសថៃ។
សូមបញ្ជាក់ថា កិច្ចប្រជុំរបៀងទេសចរណ៍ភាគខាងត្បូងលើកទី៣ គ្រោងនឹងធ្វើកោះភូគក់ របស់ប្រទេសវៀតណាម នៅឆ្នាំ២០១៦ខាងមុខ៕
© រក្សាសិទ្ធិដោយ thmeythmey.com