ជាតិ
សេចក្ដីណែនាំពីការជ្រើសរើសជំនាញ «សេដ្ឋកិច្ចព័ត៌មានវិទ្យា » សិក្សាថ្នាក់ឧត្ដមសិក្សា
×
យោងតាមសៀវភៅ «មគ្គុទេសក៍ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្តការសិក្សានៅកម្រិតឧត្ដមសិក្សា» របស់ក្រសួងអប់រំ យុវជននិងកីឡាបានផ្ដល់ការណែនាំដល់យុវជនដែលមានបំណងចង់សិក្សា ជំនាញសេដ្ឋកិច្ចព័ត៌មានវិទ្យា ដូចខាងក្រោម៖
ដើម្បីសិក្សាជំនាញសេដ្ឋកិច្ចព័ត៌មានវិទ្យា យុវជនត្រូវមានចំណេះដឹងមូលដ្ឋានលើមុខវិជ្ជាគណិតវិទ្យា និងសីលធម៌ពលរដ្ឋវិជ្ជា។ ក្នុងនោះផងដែរ ដើម្បីទទួលបានសញ្ញាបត្រថ្នាក់បរិញ្ញាបត្រលើកមុខជំនាញនេះនិស្សិតត្រូវសិក្សារយៈពេលបួនឆ្នាំ ស្មើនឹង១៣៧ក្រេឌីត។
ពេលបញ្ចប់បរិញ្ញាបត្រលើមុខជំនាញនេះ និស្សិតនឹងទទួលបានចំណេះដឹងទូទៅអំពីទ្រឹស្ដីវិទ្យាសាស្ត្រកំព្យូទ័រ និងសេដ្ឋកិច្ច ចេះប្រើប្រាស់ និងអនុវត្តជាក់ស្ដែងផ្នែកបច្ចេកទេសវិទ្យាកុំព្យូទ័រ។
និស្សិតដែលសិក្សាជំនាញសេដ្ឋកិច្ចពត៌មានវិទ្យា ឬបរិញ្ញាបត្រសេដ្ឋកិច្ចពត៌មានវិទ្យា នេះអាចទៅបម្រើការងារនៅតាមអង្គភាពឬមុខនាទីនៅក្រសួងពាក់ព័ន្ធនៅធនាគារជាតិ និងធនាគារឯកជន ស្ថាប័នមីក្រូហិរញ្ញវត្ថុ អង្គការ និងក្រុមហ៊ុនឯកជន។
ប្រភព៖ សៀវភៅ «មគ្គុទេសក៍ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្តការសិក្សានៅកម្រិតឧត្ដមសិក្សា», មីនា.២០១៥. នាយកដ្ឋានឧត្ដមសិក្សា៕
© រក្សាសិទ្ធិដោយ thmeythmey.com