អន្តរជាតិ
ភ្លេងអាស៊ានមានន័យយ៉ាងដូចម្តេច?
×
ដូចដែលបញ្ញតិ្តនៅក្នុងមាត្រា៤០នៃធម្មនុញ្ញរបស់សមាគមប្រជាជាតិអាស៊ីអាគ្នេយ៍ឬហៅកាត់ថាអាស៊ាន អាស៊ានត្រូវមានភ្លេងមួយរួមផ្លូវការដើម្បីសម្គាល់ពីស្ថាប័នខ្លួន និង ប្រើប្រាស់នៅក្នុងពិធីការពាក់ពន្ធ័ផ្សេង។ ជុំវិញនៃភេ្លងរបស់ប្រជាជាតិនេះដែរ តើអាស៊ានបានកំណត់យ៉ាងដូចម្តេចដើម្បីឲ្យស្របទៅនឹងសមាគមដែលមានភាពចម្រុះគ្នាទាំងជាតិសាសន៍ នយោបាយ និងវប្បធម៌ជាដើម?
សំឡេង៖
ភ្លេងអាស៊ាន ដែលមានឈ្មោះថា « មាគ៌ាអាស៊ាន » ត្រូវបាននិពន្ធដោយជនជាតិថៃបីរូប ហើយ ត្រូវបានអនុម័តក្នុងឆ្នាំ២០១០ ក្នុងក្រុងហាណូយនៃប្រទេសវៀតណាម។ ភ្លេងនេះ ក្នុងន័យជារួម គឺដើម្បីបង្ហាញពីការរួបរួមគ្នាតែមួយរបស់ប្រជាជាតិអាស៊ីអាគ្នេយ៍។ ជាមួយគ្នានេះដែរ វា គឺជាភ្លេងមួយដើម្បីបង្ហាញពីអត្តសញ្ញាណរបស់អាស៊ាននិងភាពជាកម្មសិទ្ធិរវាងគ្នារបស់ប្រជាជននៅក្នុងតំបន់តែមួយ។
ភ្លេងអាស៊ាន គឺមិនត្រូវបានអនុញ្ញាតឲ្យប្រើប្រាស់គ្រប់ស្ថានភាពនោះទេ ពោលគឺ ភ្លេងនេះ ស្ថិតក្រោមការការពារសិទ្ធិកម្មសិទ្ធិបញ្ញារបស់អគ្គលេខាអាស៊ាន។ នេះក៏មានន័យថា ភ្លេងអាស៊ាន ត្រូវ បានកំណត់ឲ្យប្រើប្រាស់ឲ្យបានត្រឹមត្រូវ និង ប្រកបដោយភាពថ្លៃថ្នូរ។ រាល់ពេលនៃភេ្លងនេះ ត្រូវបានបន្លឺឡើងមេដឹកនាំ និង អ្នកចូលរួមក្នុងកិច្ចប្រជុំត្រូវតែក្រោកឈរ។ ផ្ទុយទៅវិញភ្លេងអាស៊ាន មិនត្រូវបានអនុញ្ញត្តឲ្យយកទៅប្រើប្រាស់ក្នុងគោលបំណងពាណិជ្ជកម្ម និងការឃោសនានយោបាយនោះទេ។
កន្លងមក ភ្លេងអាស៊ាន ត្រូវបានចាក់នៅពេលមានកិច្ចប្រជុំផ្លូវការនិង សកម្មភាពពាក់ពន្ធ័ផ្សេងៗទៀតដែលរាប់បញ្ចូលរាល់កិច្ចប្រជុំអាស៊ានជាមួយនិងដៃគូសន្ទនារបស់ខ្លួន។ ជាមួយគ្នានេះ គេក៏អាចចាក់នៅក្នុងឱកាសខួបរម្លឹកការបង្កើតអាស៊ានឬកម្មវិធីផ្សេងៗដែលលើកកម្ពស់ផលប្រយោជន៍របស់អាស៊ានផងដែរ។
សូមរមឹ្លកផងដែរថា រយៈពេល៤៨ឆ្នាំហើយដែលអាស៊ាន ត្រូវបានបង្កើតឡើងដោយមានសមាជិក សរុប១០រដ្ឋ រួមមាន ឥណ្ឌូនេស៊ី ម៉ាឡេស៊ី ហ្វីលីពីន ថៃ និង សិង្ហបុរី (ស្ថាបនិកចាស់) និង ព្រុយណេ វៀតណាម ឡាវ មីយ៉ាន់ម៉ា និង កម្ពុជា (សមាជិកថ្មីដែលបានចូលក្រោយ)។ កន្លងមកក្រោមគោលការណ៍ នៃមាគ៌ាអាស៊ាន រដ្ឋនីមួយៗ បានប្រកាន់យ៉ាងខ្ជាប់ខ្ជួនដោយមិនមានការជ្រៀតជ្រែកគ្នា តែបន្តការដោះស្រាយបញ្ហាប្រឈមរួមជាមួយគ្នា៕
ខាងក្រោយនេះ គឺជាទំនុកច្រៀងនៅក្នុងភ្លេងរបស់អាស៊ាន៖
« Raise our flag high, sky high
Embrace the pride in our heart
ASEAN we are bonded as one
Look-in out to the world.
For peace, our goal from the very start
And prosperity to last.
We dare to dream we care to share.
Together for ASEAN
we dare to dream,
we care to share for it's the way of ASEAN.
© រក្សាសិទ្ធិដោយ thmeythmey.com