ជាតិ
សង្គមជាតិ
×![]()
ដោយ: សារព័ត៌មានថ្មីៗ
សៀមរាប៖ អគ្គនាយកដ្ឋានកាំកុងត្រូល នៃក្រសួងពាណិជ្ជកម្ម បានចុះពិនិត្យការដាក់លក់ម្រេច នៅលើទីផ្សារ ក្នុងក្រុងសៀមរាប។ ការពិនិត្យបានរកឃើញថា ម្ចាស់អាជីវកម្មមួយចំនួន បានក្លែងបន្លំយីហោម្រេចកំពត ដែលជាដើមហេតុ ធ្វើឲ្យម្រេចកំពតប្រឈម នឹងការបាត់ឈ្មោះនៅលើទីផ្សារ។
ម្រេចកំពត មានឈ្មោះបោះសំឡេងនៅលើទីផ្សារជាតិ និងអន្តរជាតិ ថាជាប្រភេទម្រេចល្អបំផុតរបស់កម្ពុជា។ ដោយសារគុណភាពនេះហើយ បានធ្វើឲ្យតម្លៃរបស់ម្រេចកំពត មានតម្លៃខ្ពស់ជាងម្រេច ដែលដាំនៅខេត្តកំពង់ចាម ឫតំបន់ផ្សេងៗ។ ឈ្មួញមួយចំនួន បានបន្លំស្លាកយីហោរបស់ម្រេចកំពត ដើម្បីដាក់តម្លៃខ្ពស់នៅលើទីផ្សារ។ បញ្ហានេះ កំពុងធ្វើឲ្យម្រេចកំពត កំពុងជួបវិបត្តិ បាត់ឈ្មោះនៅលើទីផ្សារផងដែរ។
កាលពីរសៀលថ្ងៃទី២៨ ខែធ្នូកន្លងទៅ អគ្គនាយកដ្ឋានកាំកុងត្រូលរាជធានីភ្នំពេញ បានចុះធ្វើសកម្មភាពត្រួតពិនិត្យម្រេចកំពត ដែលដាក់លក់នៅលើទីផ្សារ ក្នុងក្រុងសៀមរាប។ ការចុះពិនិត្យនេះ ដោយសារមានការលើកឡើងរបស់ភ្ញៀវមួយចំនួន ដែលថា មានអ្នកលក់មួយចំនួន លក់ម្រេចកំពតមិនសុទ្ធ។
សកម្មភាពពិនិត្យបានចុះទៅតំបន់ផ្សារចាស់ និងបានរកឃើញហាងលក់មួយចំនួន កំពុងបន្លំខ្លួនជ្រកក្រោមយីហោរបស់ម្រេចកំពត។ ម្ចាស់អាជីវកម្មទាំងនោះអះអាង ពួកគេមិនបានដឹងពីបញ្ហានេះទេ ព្រោះម្រេចទាំងនោះ ពួកគេទិញតពីឈ្មួញដទៃដែរ។ យ៉ាងណា បើមើលទៅលើការវេចខ្ចប់ ម្ចាស់ហាងមួយចំនួន មិនមានភាពស្មោះត្រង់ ឫមានចេតនាលក់របស់ក្លែងក្លាយតែម្តង ព្រោះដបដែលវេចខ្ចប់នោះ មានបោះឡូហ្គោហាងជាប់តែម្តង និងជាក់លាក់បំផុត។
លោក ម៉ក់ ពេជ្ជរិទ្ធ អគ្គនាយក នៃអគ្គនាយកដ្ឋានកាំកុងត្រូល បានប្រាប់ក្រុមសារព័ត៌មានថា ការចុះពិនិត្យនៅពេលនេះ គឺគ្រាន់ជាការដាស់តឿនដល់អាជីវករតែប៉ុណ្ណោះ។ កាំកុងត្រូល នឹងមានវិធានតាមផ្លូវច្បាប់ ប្រសិបើអាជីវករទាំងនោះ នៅតែបន្តក្លែងបន្លំយីហោរបស់ម្រេចកំពតតទៀត។ ម្រេចកំពត ប្រឈមនឹងការបាត់បង់ទីផ្សារនៅពេលអនាគត។ នេះជាអះអាងរបស់លោគ ពេជ្ជរិទ្ធ មុននឹងលោកបញ្ជាក់ថា មានម្រេចដែលជ្រកក្រោមយីហោ ម្រេចកំពត ប្រមាណ៩០ភាគរយ កំពុងចរាចរណ៍នៅតំបន់ផ្សារចាស់ ដែលជាទីគាប់ចិត្តរបស់ភ្ញៀវទេសចរបរទេស។ អគ្គនាយក កាំកុងត្រូល ស្នើឲ្យអាជីវករទាំងអស់ មានភាពស្មោះត្រង់ចំពោះអតិថិជនខ្លួន។
គួរបញ្ជាក់ថា ក្នុងខេត្តទេសចរណ៍សៀមរាប ម្រេចកំពតជាប្រភេទគ្រឿងទេសមួយយ៉ាងសំខាន់ ដែលភ្ញៀវទេសចរនិយមចូលចិត្ត។ ភ្ញៀវទេសចរបរទេស ពេញចិត្តចំពោះការវេចខ្ចប់របស់ម្រេចកំពត ដែលពួកគេតែងទិញសម្រាប់ជាវត្ថុអនុស្សាវរីយ៍ជាដើម។ ក្នុងមួយប្រអប់តូច ម្រេចដែលមានយីហោថា «ម្រេចកំពត» នោះ អាចលក់បានក្នុងតម្លៃចាប់ពី ៥ឫ៦ដុល្លារ ឫអាចលើសពីនេះ ទៅតាមទំហំ និងបរិមាណរបស់វា៕
ម្រេចកំពត មានឈ្មោះបោះសំឡេងនៅលើទីផ្សារជាតិ និងអន្តរជាតិ ថាជាប្រភេទម្រេចល្អបំផុតរបស់កម្ពុជា។ ដោយសារគុណភាពនេះហើយ បានធ្វើឲ្យតម្លៃរបស់ម្រេចកំពត មានតម្លៃខ្ពស់ជាងម្រេច ដែលដាំនៅខេត្តកំពង់ចាម ឫតំបន់ផ្សេងៗ។ ឈ្មួញមួយចំនួន បានបន្លំស្លាកយីហោរបស់ម្រេចកំពត ដើម្បីដាក់តម្លៃខ្ពស់នៅលើទីផ្សារ។ បញ្ហានេះ កំពុងធ្វើឲ្យម្រេចកំពត កំពុងជួបវិបត្តិ បាត់ឈ្មោះនៅលើទីផ្សារផងដែរ។
កាលពីរសៀលថ្ងៃទី២៨ ខែធ្នូកន្លងទៅ អគ្គនាយកដ្ឋានកាំកុងត្រូលរាជធានីភ្នំពេញ បានចុះធ្វើសកម្មភាពត្រួតពិនិត្យម្រេចកំពត ដែលដាក់លក់នៅលើទីផ្សារ ក្នុងក្រុងសៀមរាប។ ការចុះពិនិត្យនេះ ដោយសារមានការលើកឡើងរបស់ភ្ញៀវមួយចំនួន ដែលថា មានអ្នកលក់មួយចំនួន លក់ម្រេចកំពតមិនសុទ្ធ។
សកម្មភាពពិនិត្យបានចុះទៅតំបន់ផ្សារចាស់ និងបានរកឃើញហាងលក់មួយចំនួន កំពុងបន្លំខ្លួនជ្រកក្រោមយីហោរបស់ម្រេចកំពត។ ម្ចាស់អាជីវកម្មទាំងនោះអះអាង ពួកគេមិនបានដឹងពីបញ្ហានេះទេ ព្រោះម្រេចទាំងនោះ ពួកគេទិញតពីឈ្មួញដទៃដែរ។ យ៉ាងណា បើមើលទៅលើការវេចខ្ចប់ ម្ចាស់ហាងមួយចំនួន មិនមានភាពស្មោះត្រង់ ឫមានចេតនាលក់របស់ក្លែងក្លាយតែម្តង ព្រោះដបដែលវេចខ្ចប់នោះ មានបោះឡូហ្គោហាងជាប់តែម្តង និងជាក់លាក់បំផុត។
លោក ម៉ក់ ពេជ្ជរិទ្ធ អគ្គនាយក នៃអគ្គនាយកដ្ឋានកាំកុងត្រូល បានប្រាប់ក្រុមសារព័ត៌មានថា ការចុះពិនិត្យនៅពេលនេះ គឺគ្រាន់ជាការដាស់តឿនដល់អាជីវករតែប៉ុណ្ណោះ។ កាំកុងត្រូល នឹងមានវិធានតាមផ្លូវច្បាប់ ប្រសិបើអាជីវករទាំងនោះ នៅតែបន្តក្លែងបន្លំយីហោរបស់ម្រេចកំពតតទៀត។ ម្រេចកំពត ប្រឈមនឹងការបាត់បង់ទីផ្សារនៅពេលអនាគត។ នេះជាអះអាងរបស់លោគ ពេជ្ជរិទ្ធ មុននឹងលោកបញ្ជាក់ថា មានម្រេចដែលជ្រកក្រោមយីហោ ម្រេចកំពត ប្រមាណ៩០ភាគរយ កំពុងចរាចរណ៍នៅតំបន់ផ្សារចាស់ ដែលជាទីគាប់ចិត្តរបស់ភ្ញៀវទេសចរបរទេស។ អគ្គនាយក កាំកុងត្រូល ស្នើឲ្យអាជីវករទាំងអស់ មានភាពស្មោះត្រង់ចំពោះអតិថិជនខ្លួន។
គួរបញ្ជាក់ថា ក្នុងខេត្តទេសចរណ៍សៀមរាប ម្រេចកំពតជាប្រភេទគ្រឿងទេសមួយយ៉ាងសំខាន់ ដែលភ្ញៀវទេសចរនិយមចូលចិត្ត។ ភ្ញៀវទេសចរបរទេស ពេញចិត្តចំពោះការវេចខ្ចប់របស់ម្រេចកំពត ដែលពួកគេតែងទិញសម្រាប់ជាវត្ថុអនុស្សាវរីយ៍ជាដើម។ ក្នុងមួយប្រអប់តូច ម្រេចដែលមានយីហោថា «ម្រេចកំពត» នោះ អាចលក់បានក្នុងតម្លៃចាប់ពី ៥ឫ៦ដុល្លារ ឫអាចលើសពីនេះ ទៅតាមទំហំ និងបរិមាណរបស់វា៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
