ជាតិ
បទវិភាគ
×![]()
ភ្នំពេញ៖ បញ្ហាអំណាច បញ្ហានយោបាយ បញ្ហាពូជសាសន៍ បញ្ហាទឹកដី បញ្ហាជំនឿសាសនា បញ្ហាមនោគមវិជ្ជានយោបាយ អំពើពុករលួយ ហើយធំជាងគេបំផុតនោះគឺជម្លោះបណ្ដាល់មកពីភាពអវិជ្ជារបស់ប្រជាពលរដ្ឋ សុទ្ធតែជាមូលហេតុសំខាន់ៗដែលរាំងស្ទះដល់ការអភិវឌ្ឍជាតិ។ សេដ្ឋកិច្ចជាតិដើរទៅមុខមិនបានលឿន ក៏ព្រោះតែការរៀបចំសង្គម នៅមានភាពខ្វះចន្លោះច្រើន ដែលមិនទាន់បានកែប្រែ និងការជាប់នូវកំអែលជ្រុលនិយមមួយចំនួន។
រឿងរ៉ាវនានានៅក្នុងសង្គមជាច្រើនដែលកន្លងទៅ កម្ពុជាមិនទាន់បានដោះស្រាយឲ្យបានមុនសមាហរណកម្មសេដ្ឋកិច្ចសេដ្ឋកិច្ចអាស៊ាន។ បញ្ហាមួយចំនួនត្រូវបានដោះស្រាយ ប៉ុន្តែបញ្ហាមួយចំនួនធំបានកំពុងតែរីករាលដាល់ ដែលត្រូវដោះស្រាយជាចាំបាច់។
បញ្ហាឧត្ដមគតិនយោបាយ បានបន្ថែមទៅលើប្រភពទំនាស់ដែលកំពុងកើតមាន។ ចំណែកការទាមទារឲ្យមានការឲ្យតម្លៃបុគ្គល កម្រិតជីវិតរស់នៅសមរម្យ សន្តិសុខ សីលធម៌សង្គម ដែលគេមើលឃើញ សុទ្ធតែជាបញ្ហាដែលត្រូវដោះស្រាយ។ ចំណែកការអប់រំសីលធម៌ក្នុងស្ថាប័នអប់រំមិនសូវយកចិត្តទុកដាក់ ស្ថាប័នសង្ឃត្រូវបានជាន់ឈ្លីដោយបុគ្គលអាក្រក់ ធ្វើឲ្យតម្លៃសាសនាធ្លាក់ចុះ ដែលនាំឲ្យមនុស្សរស់នៅមិនស្គាល់ពីតម្លៃមនុស្ស នោះក៏ជាបញ្ហាដ៏ធំសម្រាប់ជាតិ។
ទាក់ទងភាពមិនស៊ីសង្វាក់គ្នារវាងអ្នកដឹកនាំ និងអ្នកទទួលដឹកនាំ អ្នកកាន់ការងារគ្រប់ជាន់ថ្នាក់នៅក្នុងរដ្ឋដែលបានផលប្រយោជន៍ខុសៗគ្នា តែងតស៊ូដណ្ដើមកាន់កាប់ផ្នែកណាមួយនៃស្ថាប័នរដ្ឋ ថវិការរបស់រដ្ឋ ព្រោះម្នាក់ៗចង់មានបានតាមរយៈមុខដំណែងតួនាទីខ្លួន។ នោះគឺមិនមែនជាទង្វើររបស់មន្ត្រីរាជកាល្អ។
នៅក្នុងនយោបាយ អ្នកធ្វើនយោបាយប្រឹងធ្វើ ប្រឹងបង្កើតព្រឹត្តិការណ៍គ្រប់បែបយ៉ាង ដើម្បីទៅយកអំណាចទាំងមិនខ្វល់ថា រាល់ព្រឹត្តិការណ៍ រាល់សកម្មភាព រាល់សារនយោបាយរបស់ខ្លួនបានកំពុងជះឥទ្ធិពលដល់ស្មារតីប្រជាពលរដ្ឋ និងអនាគតជាតិកម្រិតណា? សំខាន់គឺដើម្បីបង្ហាញឥទ្ធិពលរបស់ខ្លួន និងអំណាចរបស់ខ្លួន ទៅលើភាគីប្រកួតរបស់ខ្លួន ធ្វើយ៉ាងណាឲ្យតែអាចធ្វើឲ្យខ្លួនឈ្នះ បង្ករជាទំនាស់នយោបាយ។ ប្រភពទំនាស់នយោបាយនេះគឺ បណ្ដាលមកពី ឧត្ដមគតិនយោបាយ និន្នាការនយោបាយជ្រុលនិយម មិនគិតជាតិឲ្យពិតប្រាកដ។ ដែលទាំងនេះមិនមែនជារបៀបនៃការធ្វើនយោបាយបែបសុចរិតនោះទេ។
តាមធម្មតាលក្ខណៈធម្មជាតិរបស់មនុស្ស មានជម្លោះនឹងគ្នាគឺបណ្ដាលមកពីការប្រកួតប្រជែងគ្នា ចង់ចំណេញតែម្នាក់ឯង។ ការមិនទុកចិត្តគ្នា ការមានមហិច្ឆតាចង់សុខសប្បាយតែម្នាក់ឯង ឬចង់ខ្ពស់តែម្នាក់ឯងវាពិតជាមិនចម្លែកនោះទេនៅក្នុងសារជាតិមនុស្ស។
រឿងរ៉ាវ បញ្ហានានានៅចំពោះមុខ ទោះមិននិយាយក៏ដឹងថាបច្ចុប្បន្នភាពសង្គមកំពុងមានបញ្ហាអ្វី ត្រូវដោះស្រាយអ្វីដែរ។ ដំណោះស្រាយជាចាំបាច់ត្រូវបែងចែកឲ្យច្បាស់លាស់រវាងឥរិយាបថ ឬតម្រូវការរបស់មនុស្ស ទាក់ទងបញ្ហាសេដ្ឋកិច្ច បញ្ហានយោបាយ បញ្ហាសង្គម ត្រូវធ្វើឲ្យមានទំនាក់ទំនងល្អរវាង អ្នកកាន់អំណាចគ្រប់ជាន់ថ្នាក់ ដើម្បីឈានទៅសម្របសម្រួលជម្លោះ ដោះស្រាយបញ្ហាប្រកបដោយប្រសិទ្ធភាព។
ចំណែកការវិភាគឲ្យបានស៊ីជម្រៅ រកឲ្យឃើញពីប្រភពបញ្ហានៅក្នុងសង្គម តម្រូវការរបស់ប្រជារាស្ត្រ តម្រូវការរបស់រដ្ឋ តួនាទីរបស់ប្រជារាស្ត្រ តួនាទីរបស់រដ្ឋ និងដំណោះស្រាយគឺតួនាទីដ៏សំខាន់របស់មន្ត្រីគ្រប់ៗរូប។
មិនតែប៉ុណ្ណោះ ក្នុងនាមជាអ្នកគ្រប់គ្រងសង្គមត្រូវចេះលើកយកគំនិត ទស្សនៈ វិធីសាស្ត្រ មធ្យោបាយ កង្វល់ សេចក្ដីត្រូវការ របស់ប្រជារាស្ត្រ ក្រុមអ្នកប្រឆាំងរដ្ឋាភិបាល មកពិចារណា ដើម្បីរកដំណោះស្រាយ និងគ្រប់គ្រងទៅអ្នកទាំងនោះវិញប្រកបដោយទង្វើភក្ដីភាពក្នុងនាមជាអ្នកកាន់ចង្កូតសង្គម។ ជាជាងឆ្លើយតបទៅប្រជារាស្ត្រខ្លួនឯង អ្នកប្រឆាំង សង្គមស៊ីវិល តាមរយៈប្រតិកម្មបែបអវិជ្ជមាននានា និងខ្វះការពិចារណាក្រោមឥទ្ធិពលប្រយោជន៍បុគ្គលណាមួយ។
ចំពោះការធ្វើសកម្មភាព តវារបស់រាស្ត្រ គឺដើម្បីតែម្យ៉ាងគត់ នោះគឺចង់បានជីវិតមួយដែលរស់នៅមានតម្លៃក្នុងនាមជាមនុស្ស។ តម្លៃដែលកំណត់ថាជាតម្លៃមនុស្សបាន លុះត្រាមានការហូបចុកបានគ្រប់គ្រាន់ ទីកន្លែងស្នាក់នៅច្បាស់លាស់ មានការងារធ្វើ មានសំលៀកបំពាក់សមរម្យ ទទួលបានការអប់រំ ទទួលបានសេវាសុខភាព មានសិទ្ធិ មានសេរីភាព ក្នុងការដឹកនាំជីវិតប្រចាំថ្ងៃ ដែលមិនមានការគាប់សង្កត់ណាមួយ ប៉ុន្តែស្ថិតនៅក្រោមសំណាញ់ច្បាប់ដ៏ត្រឹមត្រូវ។
រីឯចលនា អ្នកប្រឆាំងធ្វើការទាមទារកែប្រែ ផ្លាស់ប្ដូរសង្គម ក៏ជាចេតនាចង់ឃើញសង្គមមានការរីកចម្រើនលូតលាស់ ដើម្បីមានមុខមានមាត់កាន់តែល្អ មានឥទ្ធិពលលើប្រទេសក្នុងតំបន់ ក្នុងចេតនាបង្ហាញពិភពលោកពីតម្លៃរបស់ជាតិ ឲ្យសមទៅនិងករ្តិ៍ឈ្មោះរបស់ជាតិក្នុងប្រវត្តិសាស្ត្រ។ ចំណែករដ្ឋព្យាយាមការពារប្រទេសគ្រប់បែបយ៉ាង ក៏ព្រោះតែចង់ឲ្យជាតិមានស្ថេរភាព មានសន្ដិសុខ ប្រជាជនរស់នៅសុខសាន្ត មានការអភិវឌ្ឍ។ រដ្ឋ បានធ្វើកិច្ចការគ្រប់បែបយ៉ាងដើម្បីជួយធ្វើយ៉ាងណាដើម្បីឲ្យជាតិមានការរីកចម្រើន នោះគឺជាកិច្ចការដ៏ល្អបំផុតក្នុងនាមជាអ្នកមើលការខុសត្រូវជាតិ។ ក៏ប៉ុន្តែនៅពេលប្រតិបត្តិកិច្ចការ មានការប៉ះពាល់ដល់ប្រជារាស្ត្រ ប៉ះពាល់ដល់ប្រយោជន៍ជាតិ ប៉ះពាល់ដល់ក្រុមមតិភាគតិច នោះក៏ជារឿងពិតដែលកើតកើតមាននៅក្នុងសង្គមមែន។ ហេតុនេះរដ្ឋក៏ត្រូវតែថ្លឹងថ្លែងឲ្យបានហ្មត់ចត់ក្នុងការអនុវត្តកិច្ចការអភិវឌ្ឍជាតិរបស់ខ្លួនដែរ។
ប្រជាជនក្រីក្រក៏ព្រោះតែប្រជាជននៅមានការយល់ដឹងទាប មិនបានរៀនសូត្រឲ្យបានជ្រៅជ្រះ មិនបានទទួលបានសេវាព័ត៌មានពិតឲ្យបានគ្រប់គ្រាន់ ចំណែកសេវាបណ្ដុះបណ្ដាលប្រជាជនក្រីក្រ ឲ្យចេះរកស៊ីចិញ្ចឹមជីវិតទៅតាមជំនាញបច្ចេកទេស ក៏រដ្ឋនៅមិនទាន់បានបំពេញដល់ប្រជាពលរដ្ឋឲ្យបានគ្រប់គ្រាន់ ជាពិសេសនៅតាមស្រុកស្រែចំការ។
ហេតុនេះក្នុងនាមជាមន្ត្រីរាជការ ធ្វើការងារត្រូវតែបម្រើទាំងរាជការ បម្រើទាំងប្រជារាស្ត្រ។ ជាមន្ត្រីរាជការព្យាយាមធ្វើយ៉ាងណាឲ្យរាជកាដើរ មានស្ថេរភាព មានការអភិវឌ្ឍ និងធ្វើយ៉ាងណាដោះស្រាយបញ្ហាជូនប្រជារាស្ត្រ ដើម្បីឲ្យប្រជាជនរស់នៅមានការហូបចុកបានគ្រប់គ្រាន រស់នៅសមរម្យ ទទួលបានការសិក្សារៀនសូត្រ សេវាសុខភាពជាដើម។ ចំណែកអ្នកប្រឆាំង សកម្មជន ប្រជាជនទូទៅ ត្រូវចូលរួមដោយស្មារតីទទួលខុសត្រូវចំពោះជាតិ មិនមែនជាសកម្មភាពរិៈគន់គ្មានព្រំដែន។
ជារួមចង់បានជាតិខ្លាំង ត្រូវការមេដឹកនាំល្អ មន្ត្រីមានសមត្ថភាព រាស្ត្រមានការយល់ដឹង ធ្វើការសហការគ្នាក្នុងទិសដៅកសាងជាតិ ដោះស្រាយបញ្ហាជាតិ កសាងប្រវត្តិសាស្ត្រ ធ្វើយ៉ាងណាឲ្យជាតិរឹងមាំ ដែលពិភពលោកទទួលស្គាល់៕
រឿងរ៉ាវនានានៅក្នុងសង្គមជាច្រើនដែលកន្លងទៅ កម្ពុជាមិនទាន់បានដោះស្រាយឲ្យបានមុនសមាហរណកម្មសេដ្ឋកិច្ចសេដ្ឋកិច្ចអាស៊ាន។ បញ្ហាមួយចំនួនត្រូវបានដោះស្រាយ ប៉ុន្តែបញ្ហាមួយចំនួនធំបានកំពុងតែរីករាលដាល់ ដែលត្រូវដោះស្រាយជាចាំបាច់។
បញ្ហាឧត្ដមគតិនយោបាយ បានបន្ថែមទៅលើប្រភពទំនាស់ដែលកំពុងកើតមាន។ ចំណែកការទាមទារឲ្យមានការឲ្យតម្លៃបុគ្គល កម្រិតជីវិតរស់នៅសមរម្យ សន្តិសុខ សីលធម៌សង្គម ដែលគេមើលឃើញ សុទ្ធតែជាបញ្ហាដែលត្រូវដោះស្រាយ។ ចំណែកការអប់រំសីលធម៌ក្នុងស្ថាប័នអប់រំមិនសូវយកចិត្តទុកដាក់ ស្ថាប័នសង្ឃត្រូវបានជាន់ឈ្លីដោយបុគ្គលអាក្រក់ ធ្វើឲ្យតម្លៃសាសនាធ្លាក់ចុះ ដែលនាំឲ្យមនុស្សរស់នៅមិនស្គាល់ពីតម្លៃមនុស្ស នោះក៏ជាបញ្ហាដ៏ធំសម្រាប់ជាតិ។
ទាក់ទងភាពមិនស៊ីសង្វាក់គ្នារវាងអ្នកដឹកនាំ និងអ្នកទទួលដឹកនាំ អ្នកកាន់ការងារគ្រប់ជាន់ថ្នាក់នៅក្នុងរដ្ឋដែលបានផលប្រយោជន៍ខុសៗគ្នា តែងតស៊ូដណ្ដើមកាន់កាប់ផ្នែកណាមួយនៃស្ថាប័នរដ្ឋ ថវិការរបស់រដ្ឋ ព្រោះម្នាក់ៗចង់មានបានតាមរយៈមុខដំណែងតួនាទីខ្លួន។ នោះគឺមិនមែនជាទង្វើររបស់មន្ត្រីរាជកាល្អ។
នៅក្នុងនយោបាយ អ្នកធ្វើនយោបាយប្រឹងធ្វើ ប្រឹងបង្កើតព្រឹត្តិការណ៍គ្រប់បែបយ៉ាង ដើម្បីទៅយកអំណាចទាំងមិនខ្វល់ថា រាល់ព្រឹត្តិការណ៍ រាល់សកម្មភាព រាល់សារនយោបាយរបស់ខ្លួនបានកំពុងជះឥទ្ធិពលដល់ស្មារតីប្រជាពលរដ្ឋ និងអនាគតជាតិកម្រិតណា? សំខាន់គឺដើម្បីបង្ហាញឥទ្ធិពលរបស់ខ្លួន និងអំណាចរបស់ខ្លួន ទៅលើភាគីប្រកួតរបស់ខ្លួន ធ្វើយ៉ាងណាឲ្យតែអាចធ្វើឲ្យខ្លួនឈ្នះ បង្ករជាទំនាស់នយោបាយ។ ប្រភពទំនាស់នយោបាយនេះគឺ បណ្ដាលមកពី ឧត្ដមគតិនយោបាយ និន្នាការនយោបាយជ្រុលនិយម មិនគិតជាតិឲ្យពិតប្រាកដ។ ដែលទាំងនេះមិនមែនជារបៀបនៃការធ្វើនយោបាយបែបសុចរិតនោះទេ។
តាមធម្មតាលក្ខណៈធម្មជាតិរបស់មនុស្ស មានជម្លោះនឹងគ្នាគឺបណ្ដាលមកពីការប្រកួតប្រជែងគ្នា ចង់ចំណេញតែម្នាក់ឯង។ ការមិនទុកចិត្តគ្នា ការមានមហិច្ឆតាចង់សុខសប្បាយតែម្នាក់ឯង ឬចង់ខ្ពស់តែម្នាក់ឯងវាពិតជាមិនចម្លែកនោះទេនៅក្នុងសារជាតិមនុស្ស។
រឿងរ៉ាវ បញ្ហានានានៅចំពោះមុខ ទោះមិននិយាយក៏ដឹងថាបច្ចុប្បន្នភាពសង្គមកំពុងមានបញ្ហាអ្វី ត្រូវដោះស្រាយអ្វីដែរ។ ដំណោះស្រាយជាចាំបាច់ត្រូវបែងចែកឲ្យច្បាស់លាស់រវាងឥរិយាបថ ឬតម្រូវការរបស់មនុស្ស ទាក់ទងបញ្ហាសេដ្ឋកិច្ច បញ្ហានយោបាយ បញ្ហាសង្គម ត្រូវធ្វើឲ្យមានទំនាក់ទំនងល្អរវាង អ្នកកាន់អំណាចគ្រប់ជាន់ថ្នាក់ ដើម្បីឈានទៅសម្របសម្រួលជម្លោះ ដោះស្រាយបញ្ហាប្រកបដោយប្រសិទ្ធភាព។
ចំណែកការវិភាគឲ្យបានស៊ីជម្រៅ រកឲ្យឃើញពីប្រភពបញ្ហានៅក្នុងសង្គម តម្រូវការរបស់ប្រជារាស្ត្រ តម្រូវការរបស់រដ្ឋ តួនាទីរបស់ប្រជារាស្ត្រ តួនាទីរបស់រដ្ឋ និងដំណោះស្រាយគឺតួនាទីដ៏សំខាន់របស់មន្ត្រីគ្រប់ៗរូប។
មិនតែប៉ុណ្ណោះ ក្នុងនាមជាអ្នកគ្រប់គ្រងសង្គមត្រូវចេះលើកយកគំនិត ទស្សនៈ វិធីសាស្ត្រ មធ្យោបាយ កង្វល់ សេចក្ដីត្រូវការ របស់ប្រជារាស្ត្រ ក្រុមអ្នកប្រឆាំងរដ្ឋាភិបាល មកពិចារណា ដើម្បីរកដំណោះស្រាយ និងគ្រប់គ្រងទៅអ្នកទាំងនោះវិញប្រកបដោយទង្វើភក្ដីភាពក្នុងនាមជាអ្នកកាន់ចង្កូតសង្គម។ ជាជាងឆ្លើយតបទៅប្រជារាស្ត្រខ្លួនឯង អ្នកប្រឆាំង សង្គមស៊ីវិល តាមរយៈប្រតិកម្មបែបអវិជ្ជមាននានា និងខ្វះការពិចារណាក្រោមឥទ្ធិពលប្រយោជន៍បុគ្គលណាមួយ។
ចំពោះការធ្វើសកម្មភាព តវារបស់រាស្ត្រ គឺដើម្បីតែម្យ៉ាងគត់ នោះគឺចង់បានជីវិតមួយដែលរស់នៅមានតម្លៃក្នុងនាមជាមនុស្ស។ តម្លៃដែលកំណត់ថាជាតម្លៃមនុស្សបាន លុះត្រាមានការហូបចុកបានគ្រប់គ្រាន់ ទីកន្លែងស្នាក់នៅច្បាស់លាស់ មានការងារធ្វើ មានសំលៀកបំពាក់សមរម្យ ទទួលបានការអប់រំ ទទួលបានសេវាសុខភាព មានសិទ្ធិ មានសេរីភាព ក្នុងការដឹកនាំជីវិតប្រចាំថ្ងៃ ដែលមិនមានការគាប់សង្កត់ណាមួយ ប៉ុន្តែស្ថិតនៅក្រោមសំណាញ់ច្បាប់ដ៏ត្រឹមត្រូវ។
រីឯចលនា អ្នកប្រឆាំងធ្វើការទាមទារកែប្រែ ផ្លាស់ប្ដូរសង្គម ក៏ជាចេតនាចង់ឃើញសង្គមមានការរីកចម្រើនលូតលាស់ ដើម្បីមានមុខមានមាត់កាន់តែល្អ មានឥទ្ធិពលលើប្រទេសក្នុងតំបន់ ក្នុងចេតនាបង្ហាញពិភពលោកពីតម្លៃរបស់ជាតិ ឲ្យសមទៅនិងករ្តិ៍ឈ្មោះរបស់ជាតិក្នុងប្រវត្តិសាស្ត្រ។ ចំណែករដ្ឋព្យាយាមការពារប្រទេសគ្រប់បែបយ៉ាង ក៏ព្រោះតែចង់ឲ្យជាតិមានស្ថេរភាព មានសន្ដិសុខ ប្រជាជនរស់នៅសុខសាន្ត មានការអភិវឌ្ឍ។ រដ្ឋ បានធ្វើកិច្ចការគ្រប់បែបយ៉ាងដើម្បីជួយធ្វើយ៉ាងណាដើម្បីឲ្យជាតិមានការរីកចម្រើន នោះគឺជាកិច្ចការដ៏ល្អបំផុតក្នុងនាមជាអ្នកមើលការខុសត្រូវជាតិ។ ក៏ប៉ុន្តែនៅពេលប្រតិបត្តិកិច្ចការ មានការប៉ះពាល់ដល់ប្រជារាស្ត្រ ប៉ះពាល់ដល់ប្រយោជន៍ជាតិ ប៉ះពាល់ដល់ក្រុមមតិភាគតិច នោះក៏ជារឿងពិតដែលកើតកើតមាននៅក្នុងសង្គមមែន។ ហេតុនេះរដ្ឋក៏ត្រូវតែថ្លឹងថ្លែងឲ្យបានហ្មត់ចត់ក្នុងការអនុវត្តកិច្ចការអភិវឌ្ឍជាតិរបស់ខ្លួនដែរ។
ប្រជាជនក្រីក្រក៏ព្រោះតែប្រជាជននៅមានការយល់ដឹងទាប មិនបានរៀនសូត្រឲ្យបានជ្រៅជ្រះ មិនបានទទួលបានសេវាព័ត៌មានពិតឲ្យបានគ្រប់គ្រាន់ ចំណែកសេវាបណ្ដុះបណ្ដាលប្រជាជនក្រីក្រ ឲ្យចេះរកស៊ីចិញ្ចឹមជីវិតទៅតាមជំនាញបច្ចេកទេស ក៏រដ្ឋនៅមិនទាន់បានបំពេញដល់ប្រជាពលរដ្ឋឲ្យបានគ្រប់គ្រាន់ ជាពិសេសនៅតាមស្រុកស្រែចំការ។
ហេតុនេះក្នុងនាមជាមន្ត្រីរាជការ ធ្វើការងារត្រូវតែបម្រើទាំងរាជការ បម្រើទាំងប្រជារាស្ត្រ។ ជាមន្ត្រីរាជការព្យាយាមធ្វើយ៉ាងណាឲ្យរាជកាដើរ មានស្ថេរភាព មានការអភិវឌ្ឍ និងធ្វើយ៉ាងណាដោះស្រាយបញ្ហាជូនប្រជារាស្ត្រ ដើម្បីឲ្យប្រជាជនរស់នៅមានការហូបចុកបានគ្រប់គ្រាន រស់នៅសមរម្យ ទទួលបានការសិក្សារៀនសូត្រ សេវាសុខភាពជាដើម។ ចំណែកអ្នកប្រឆាំង សកម្មជន ប្រជាជនទូទៅ ត្រូវចូលរួមដោយស្មារតីទទួលខុសត្រូវចំពោះជាតិ មិនមែនជាសកម្មភាពរិៈគន់គ្មានព្រំដែន។
ជារួមចង់បានជាតិខ្លាំង ត្រូវការមេដឹកនាំល្អ មន្ត្រីមានសមត្ថភាព រាស្ត្រមានការយល់ដឹង ធ្វើការសហការគ្នាក្នុងទិសដៅកសាងជាតិ ដោះស្រាយបញ្ហាជាតិ កសាងប្រវត្តិសាស្ត្រ ធ្វើយ៉ាងណាឲ្យជាតិរឹងមាំ ដែលពិភពលោកទទួលស្គាល់៕
Tag:
ទស្សនៈ
© រក្សាសិទ្ធិដោយ thmeythmey.com
