អត្ថបទពាណិជ្ជកម្ម
×![]()
×![]()
ដោយ: ថ្មីៗ
ក្រុមហ៊ុនប្រេងម៉ាសីន Motul និងក្រុមហ៊ុនសំបកយានយន្ត Pirelli បានរៀបការដង្ហែម៉ូតូធន់ធំប្រមាណ៣០០គ្រឿង ដើម្បីរៃអង្គាសថវិកាចូលមូលនិធី សាងសង់សាលារៀន។ កម្មវិធីនេះ រៀចំឡើងនៅឆ្នេរសុខា ខេត្តព្រះសីហនុ កាលពីថ្ងៃទី៩ ខែមករា ម្សិលមិញ។
ក្រុមហ៊ុន Motul និងក្រុមហ៊ុន Pirelli បានចំណាយទឹកប្រាក់ប្រមាណ៦ម៉ឺន ដុល្លារ ដើម្បីប្រារព្ធពិធីដង្ហែម៉ូតូធុនធំជាង៣០០គ្រឿង ពីរាជធានីភ្នំពេញ ទៅកាន់ឆ្នេរសុខា ខេត្តព្រះសីហនុ។ ម៉ូតូជាង ៣០០គ្រឿងនេះ គឺសុទ្ធតែជាប្រភេទម៉ូតូធុនធំ ដែលមានម៉ាស៊ីនចាប់ពី២៥០ cc ឡើងទៅ។
លោក គ្រឿង ហាវ អគ្គនាយកក្រុមហ៊ុន ដេលី នីត (Daily Need ) ជាអ្នកទទួលបន្ទុកក្នុងការរៀបចំកម្មវិធី បានលើកឡើងថា ក្រុហ៊ុនមានគោលបំណងធំមួយគឺ ការរៃអង្គាសថវិកាពីអ្នកជិះម៉ូតូធុនធំ ដែលបានចូលរួមទាំងអស់ ដើម្បីប្រមូលថវិកាយកទៅសាងសង់សាលារៀន ។ លោក បន្ថែមថា អ្នកជិះម៉ូតូធុនធំជាង៣០០នាក់នោះ បានបរិច្ចាគថវិកា៣០ដុល្លារក្នុងមួយនាក់ ហើយក្រុហ៊ុនទាំងពីរនេះ នឹងបានដកថវិកា ១០ដុល្លារ ពីអ្នកបរិចាគ ទៅក្នុងមូនិធីមនុស្សធម៌ ក្នុងគោលដៅសាងសង់សាលារៀន នៅខេត្តពោធិសាត់ ក្នុងឆ្នាំ២០១៦ ។ បើតាមលោក គ្រឿង ហាវ ក្នុងកម្មវិធីនេះក្រុមហ៊ុនបានប្រមូលថវិកាបានប្រមាណជាង៣០០០ដុល្លារហើយ។
អគ្គនាយកក្រុមហ៊ុន ដេលី នីត រូបនេះបញ្ជាក់យ៉ាងដូច្នេះថា«យើងនឹងសន្សំថវិកានឹងទុក រហូតដល់ពេលចំនួនណាមួយណាគ្រប់គ្រាន់ យើងនឹងទៅសាងសង់សាលាបន្ត។ ក្រុមហ៊ុន នឹងបន្តប្រមូលបន្ថែមទៀត ដើម្បីឲ្យគ្រប់ចំនួន យកទៅសាងសង់សាលារៀន។ ពួកយើងយល់ថា សាលាជាកន្លែងបណ្តុះបណ្តាលធនធានមនុស្សមួយដ៏សំខាន់»។
យ៉ាងណាក៏ដោយ លោក មិនទាន់អាចបញ្ជាក់ឲ្យច្បាស់ថា គម្រោងនេះថា នឹងត្រូវចាប់ផ្តើមសាងសង់នៅពេលណានោះទេ។
កន្លងមក ក្រុមហ៊ុនទាំង២នេះ ធ្លាប់កសាងសាលារៀនមួយខ្នង ដែលមានបីបន្ទប់ នៅខេត្តត្បូងឃុំ កាលពីឆ្នាំ២០១៥ ។ ក្រៅពីបំណងខាងលើនេះ កម្មវិធី ក៏ចូលរួមជំរុញការអប់រំប្រជាពលរដ្ឋពីច្បាប់ចរាចរណ៍ ផងដែរ។ លើសពីនេះទៅទៀត អ្នកជំនាញ ក៏បានណែននាំដល់អ្នកមានចំណង់ចំណូលចិត្តជិះម៉ូតូធុនធំទាំងអស់ ឲ្យមានការយល់ដឹងក្នុងបើកបរ ដូចការពាក់ខោអាវ និងម៉ូកការពារឲ្យត្រឹមត្រូវ ជាពិសេសការបង្រៀនពីរបៀបបើកបរនៅតាមកាលៈទេសៈផ្លូវនានា ដើម្បីជាគំរូដល់ប្រជាពរដ្ឋទូទៅទៀតផង៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
