អត្ថបទពាណិជ្ជកម្ម
ការប្រយុទ្ធប្រឆាំងនិងជំងឺមហារីកស្បូននៅកម្ពុជា
× តាមស្ថិតិរបស់អង្គការសុខភាពពិភពលោកប្រទេសកម្ពុជាមានអត្រាកើតនិងស្លាប់ដោយជំងឺមហារីកស្បូនច្រើនជាងគេបំផុតនៅក្នុងតំបន់អាស៊ីអាគ្នេយ៍។ចំនួនស្ត្រីដែលកើតមហារីកមាត់ស្បូនមានប្រហែល ១៥០០នាក់ក្នុងមួយឆ្នាំដែលក្នុងនោះស្រីប្រហែល ៦០%បានស្លាប់ទៅវិញដោយសារជំងឺដ៏កាចសាហាវនេះ។មូលហេតុនៃអត្រាមរណះភាពខ្ពស់នេះបណ្តាលមកពីការរុករកឃើញជំងឺមហារីកមាត់ស្បូននេះនៅដំណាក់កាលយឺតពេលដែលធ្វើអោយគ្រូពេទ្យឯកទេសពុំមានលទ្ធភាពជួយសង្គ្រោះទាន់ពេលវេលា។ហើយកាលដែលស្ត្រីមករកគ្រូពេទ្យនៅដំណាក់កាលជំងឺធ្ងន់ធ្ងរទៅហើយនោះគឺដោយសារស្ត្រីមិនទាន់មានការយល់ដឹងអំពីរោគសញ្ញា និងវិធីសាស្ត្រក្នុងការបង្ការជំងឺមហារីកស្បូននៅឡើយ។
ដោយមើលឃើញនូវអត្រាកើតនិងស្លាប់ដ៏គួរអោយបារម្មណ៍របស់ជំងឺនេះមន្ទីរពេទ្យកាល់ម៉ែតបានសហការជាមួយសហភាពសហព័ន្ធ និងសមាគមនាវាយុវជនអាស៊ីអាគ្នេយ៍កម្ពុជា និងដោយមានការគាំទ្រពីក្រសួងសុខាភិបាលបង្កើតនូវយុទ្ធនាការប្រយុទ្ធប្រឆាំងនឹងជំងឺមហារីកមាត់ស្បូននេះឡើងនៅក្នុងខែ ឧសភា ឆ្នាំ២០១៣នៅក្នុងគោលបំណងជំរុញអោយយុវជនក៏ដូចជាមហាជននានាធ្វើការស្វែងយល់អោយបានទូលំទូលាយអំពីវិធីបង្ការជំងឺមហារីកមាត់ស្បូន និងជួយអប់រំផ្សព្វផ្សាយបន្ត។
ការរួមចំណែកពីច្រើនស្ថាប័នក្នុងយុទ្ធនាការប្រឆាំងនឹងជឹងឺមហារីកស្បូននិងធ្វើអោយការផ្សព្វផ្សាយ ព័ត៌មានអំពីវិធីបង្ការជំងឺមហារីកមាត់ស្បូននេះកាន់តែមានលក្ខណះទូលំទូលាយ និងប្រកបដោយប្រសិទ្ធភាពខ្ពស់ជាពិសេសមានការចូលរួមចំណែកពីយុវជនព្រោះយុវជនមានទាំងកំលាំងកាយចំណេះដឹង និងឆន្ទះខ្ពស់ក្នុងការចែករំលែក។
លទ្ធផលរបស់យុទ្ធនាការប្រយុទ្ធប្រឆាំងនឹងជំងឺមហារីកមាត់ស្បូនបានអប់រំដោយផ្ទាល់ពីការបង្ការជំងឺមហារីកមាត់ស្បូនដល់សិស្ស និស្សិត យុវជនយុវនារី និងមហាជនទូទៅចំនួនជិត ១ម៉ឺន នាក់បានផ្តល់សេវាពិនិត្យមាត់ស្បូនជូនស្ត្រី ១២៥១នាក់ និងរុករកឃើញករណីមាត់ស្បូនមិនធម្មតា ១១៤ ករណី ត្រូវនឹង ៩,១៧%។
ទិសដៅនាពេលអនាគតក្រសួងសុខាភិបាលបាននឹងកំពុងអនុវត្តគម្រោងគំរូមួយនៅតាមបណ្តាស្រុកនិងខេត្តនានាស្តីពីការផ្តល់សេវាពិនិត្យមាត់ស្បូនដោយមិនគិតថ្លៃ (pilot screening project) ដោយមានសហការជាមួយអង្គការដៃគូរមួយចំនួន។ក្រសួងសុខាភិបាលនឹងធ្វើការអនុវត្តគម្រោងគំរូមួយ ស្តីពីការផ្ដល់ថ្នាំបង្ការមេរោគ HPV ដោយមិនគិតថ្លៃ ( pilot vaccination project ) ។ លទ្ធផលពីការអនុវត្តគម្រោងគំរូនេះនឹងត្រូវបានប្រើប្រាស់ជាជំនួយក្នុងការ រៀបចំដាក់បញ្ចូលថ្នាំបង្ការមេរោគ HPV នេះទៅក្នុងកម្មវិធីជាតិផ្តល់ថ្នាំបង្ការ ( National Immunization Program ) ។មន្ទីរពេទ្យកាល់ម៉ែត និង សហភាពសហព័ន្ធយយុវជនកម្ពុជា ក៏ដូចជាដៃគូដទៃទៀត មានគម្រោងពង្រីកសកម្មភាពអប់រំផ្សព្វផ្សាយពីការបង្ការជំងឺមហារីកមាត់ស្បូន និងការផ្ដល់សេវាពិនិត្យមាត់ស្បូនដោយមិនគិតថ្លៃនេះ ទៅតាមបណ្ដាខេត្តនានា នៅឆ្នាំខាងមុខ។
បញ្ហាប្រឈម
• ក្រសួងគ្មានថវិកាគ្រប់គ្រាន់ដើម្បីទៅបង្រៀនបុគ្គលិកនៅមណ្ឌលសុខភាព។
• កង្វះខាតផ្នែកធនធានមនុស្ស ជាពិសេសផ្នែកបច្ចេកទេស និងគ្រូពេទ្យជំនាញ។
• ការយល់ដឹងរបស់ប្រជាជននៅមានកម្រិតទាប។
• កង្វះការលើកទឹកចិត្តពីប្ដី និង ក្រុមគ្រួសារ។
• ប្រជាជនមិនមានពេលវេលា និងថវិកាគ្រប់គ្រាន់សម្រាប់ការមកពិនិត្យនិងព្យាបាល។
• ករណីពេលពិនិត្យឃើញមានមហារីក ប្រជាជនតែងសម្រេចចិត្តមិនស្វែងរកការព្យាបាលដោយសារកង្វះថវិកា។
ដំណោះស្រាយ
• ក្រសួងគ្រោងនឹងបណ្ដុបណ្ដាលគិលានុប្បដ្ឋាយិកានិងឆ្មបដើម្បីអោយពួកគាត់អាចសម្រួលការងាររបស់វេជ្ជបណ្ឌិតបានមួយចំណែក។
• ការជូនជាប្រាក់ឧបត្ថមលើកទឹកចិត្តទៅដល់បុគ្គលិកសុខាភិបាល។
• យុទ្ធនាការប្រយុទ្ធប្រឆាំងជំងឺមហារីកនាពេលអនាគត គ្រោងនឹងចុះទៅសហគមន៍ផ្ទាល់។
• គម្រោងបង្កើតអោយមាននូវក្រុមពិនិត្យគុណភាព ( Quality Control Team ) ដើម្បីចុះទៅពិនិត្យនិងតាមដានជារៀងរាល់ឆ្នាំ៕
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com