អត្ថបទពាណិជ្ជកម្ម
×![]()
ដោយ: ថ្មីៗ
នាព្រឹកថ្ងៃទី ១១ ខែ កុម្ភៈ ឆ្នាំ ២០១៦ សកលវិទ្យាល័យពុទ្ធិសាស្ត្រ និងសកលវិទ្យាល័យកូរ៉េ បានរៀបចំសន្និសីទអន្តរជាតិ ស្តីអំពី គម្រោងស្រាវជ្រាវរួមលើប្រធានបទ យុទ្ធសាស្ត្ររដ្ឋជាស្ពានតភា្ជប់Bridging State Statergy ( BSS ) នៅសកលវិទ្យាល័យពុទ្ធិសាស្ត្រដើម្បីធ្វើការចែករំលែក និងផ្សព្វផ្សាយអំពីលទ្ធផលនៃការស្រាវជ្រាវជូនដល់ស្ថាប័នជាតិដែលពាក់ព័ន្ធដល់ការបង្កើតគោលនយោបាយនិងការស្រាវជ្រាវ សហគម៍អ្នកស្រាវជ្រាវនិងអប់រំនិងភាគីពាក់ព័ន្ធផ្សេងៗ។ គម្រោងស្រាវជ្រាវរួម យុទ្ធសាស្ត្ររដ្ឋជាស្ពានតភា្ជប់ មានគោលបំណងសិក្សាស្រាវជ្រាវដោយផ្តោតលើការផ្តួចផ្តើមគំនិត យុទ្ធសាស្ត្រ ចក្ខុវិស័យ ព្រមទាំងគោលនយោបាយ ដែលជម្រុញប្រទេសកម្ពុជាឱ្យក្លាយជាមជ្ឈមណ្ឌលសេដ្ឋកិច្ចនិងវប្បធម៌នៅក្នុងតំបន់អាស៊ាន បន្ទាប់ពីការបង្កើតសហគម៍សេដ្ឋកិច្ចអាស៊ាន។ គម្រោងស្រាវជ្រាវរួមនេះមាន ត្រូវបានឧបត្ថម្ភមូលនិធិដោយទីភ្នាក់ងារសហប្រតិបតិ្តការអន្តរជាតិកូរ៉េហៅកាត់ថា KOICA និងសហការគាំទ្រដោយ សហភាពសហព័ន្ធយុវជនកម្ពុជា UYFC និងក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ CARD ។
នៅក្នុងសន្នីសីទអន្តរជាតិនេះក៏មានការអញ្ជើញចូលរួមជាអធិបតី ពីសំណាក់ ឯកឧត្តម Won-Jin Kim ឯកអគ្គរដ្ឋទូតនៃសារធារណរដ្ឋកូរ៉េប្រចាំកម្ពុជា ឯកឧត្តម ហ៊ុន ម៉ានី ប្រធានគណៈអចិន្ត្រៃគណៈកម្មាធិការកណ្តាលសហភាពសហព័ន្ធយុវជនកម្ពុជា លោក សុខ ពុទ្ធីវុធ ប្រធានក្រុមប្រឹក្សាភិបាល នៃសកលវិទ្យាល័យ ពុទ្ធិសាស្ត្រ ឯកឧត្តមបណ្ឌិត សុខ ស៊ីឡូ អគ្គលេខាធិការរងនៃក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទនិងលោកស្រី Hyang-Rye Song នាយិការងនៃទីភ្នាក់ងារសហប្រតិបត្តិការអន្តរជាតិកូរ៉េ ព្រមទាំងមានការចូលរួមជាកិត្តិយស ពីក្រុមអ្នកស្រាវជ្រាវ សាស្ត្រចារ្យ ថ្នាក់ដឹកនាំសាកលវិទ្យាល័យ និងវិទ្យាស្ថាននានា។
សូមបញ្ជក់ថា គម្រោងស្រាវជ្រាវរួម យុទ្ធសាស្ត្ររដ្ឋជាស្ពានតភា្ជប់ នេះ បានចាប់ផ្តើមតាំងពីខែមេសា ឆ្នាំ ២០១៥ ដោយផ្តល់ឱកាសស្រាវជ្រាវ ដល់ក្រុមអ្នកស្រាវជ្រាវកម្ពុជា ដើម្បីពង្រឹងនិង ពង្រីកសមត្ថភាពស្រាវជ្រាវរបស់ខ្លួន និងដើម្បីចូលរួមផលិតឯកសារមូលដ្ឋានសម្រាប់គាំទ្រដល់ការបង្កើតគោលនយោបាយរបស់រាជរដ្ឋាភិបាលកម្ពុជា។ គម្រោងស្រាវជ្រាវមួយនេះបានផ្តោតលើការសិក្សាក្នុងតំបន់មួយចំនួនដោយតភ្ជាប់ពីខេត្តព្រះសីហនុ រាជធានីភ្នំពេញ និងខេត្តសៀមរាម ដែលជាតំបន់យុទ្ធសាស្ត្រស្នូលដើម្បីអភិវឌ្ឍន៍សេដ្ឋកិច្ចកម្ពុជានិងអាចធ្វើឱ្យកម្ពុជាដើរតួនាទីជាស្ពានតភ្ជាប់ក្នុងតំបន់អាស៊ីអាគ្នេយ៍។ គម្រោងស្រាវជ្រាវមួយនេះបានផ្តោតលើការវិភាគកត្តាភូមិសាស្ត្រសេដ្ឋកិច្ច ការបង្កើតរចនាសម្ព័ន្ធICT ឧស្សាហូបនីយកម្ម ទេសចរណ៍ និងវប្បធម៌ ដែលធ្វើឡើងដោយការសហការគ្នា រវាងក្រុមអ្នកស្រាវជ្រាវជនជាតិកូរ៉េ និងជនជាតិខ្មែរ ។
( អត្ថបទពាណិជ្ជកម្ម )
នៅក្នុងសន្នីសីទអន្តរជាតិនេះក៏មានការអញ្ជើញចូលរួមជាអធិបតី ពីសំណាក់ ឯកឧត្តម Won-Jin Kim ឯកអគ្គរដ្ឋទូតនៃសារធារណរដ្ឋកូរ៉េប្រចាំកម្ពុជា ឯកឧត្តម ហ៊ុន ម៉ានី ប្រធានគណៈអចិន្ត្រៃគណៈកម្មាធិការកណ្តាលសហភាពសហព័ន្ធយុវជនកម្ពុជា លោក សុខ ពុទ្ធីវុធ ប្រធានក្រុមប្រឹក្សាភិបាល នៃសកលវិទ្យាល័យ ពុទ្ធិសាស្ត្រ ឯកឧត្តមបណ្ឌិត សុខ ស៊ីឡូ អគ្គលេខាធិការរងនៃក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទនិងលោកស្រី Hyang-Rye Song នាយិការងនៃទីភ្នាក់ងារសហប្រតិបត្តិការអន្តរជាតិកូរ៉េ ព្រមទាំងមានការចូលរួមជាកិត្តិយស ពីក្រុមអ្នកស្រាវជ្រាវ សាស្ត្រចារ្យ ថ្នាក់ដឹកនាំសាកលវិទ្យាល័យ និងវិទ្យាស្ថាននានា។
សូមបញ្ជក់ថា គម្រោងស្រាវជ្រាវរួម យុទ្ធសាស្ត្ររដ្ឋជាស្ពានតភា្ជប់ នេះ បានចាប់ផ្តើមតាំងពីខែមេសា ឆ្នាំ ២០១៥ ដោយផ្តល់ឱកាសស្រាវជ្រាវ ដល់ក្រុមអ្នកស្រាវជ្រាវកម្ពុជា ដើម្បីពង្រឹងនិង ពង្រីកសមត្ថភាពស្រាវជ្រាវរបស់ខ្លួន និងដើម្បីចូលរួមផលិតឯកសារមូលដ្ឋានសម្រាប់គាំទ្រដល់ការបង្កើតគោលនយោបាយរបស់រាជរដ្ឋាភិបាលកម្ពុជា។ គម្រោងស្រាវជ្រាវមួយនេះបានផ្តោតលើការសិក្សាក្នុងតំបន់មួយចំនួនដោយតភ្ជាប់ពីខេត្តព្រះសីហនុ រាជធានីភ្នំពេញ និងខេត្តសៀមរាម ដែលជាតំបន់យុទ្ធសាស្ត្រស្នូលដើម្បីអភិវឌ្ឍន៍សេដ្ឋកិច្ចកម្ពុជានិងអាចធ្វើឱ្យកម្ពុជាដើរតួនាទីជាស្ពានតភ្ជាប់ក្នុងតំបន់អាស៊ីអាគ្នេយ៍។ គម្រោងស្រាវជ្រាវមួយនេះបានផ្តោតលើការវិភាគកត្តាភូមិសាស្ត្រសេដ្ឋកិច្ច ការបង្កើតរចនាសម្ព័ន្ធICT ឧស្សាហូបនីយកម្ម ទេសចរណ៍ និងវប្បធម៌ ដែលធ្វើឡើងដោយការសហការគ្នា រវាងក្រុមអ្នកស្រាវជ្រាវជនជាតិកូរ៉េ និងជនជាតិខ្មែរ ។
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
