ព្រឹទ្ធាចារ្យចាប៉ីដងវែង គុយ ហ៊ីន ដង្ហោយរកជំនួយទាំងទឹកភ្នែកដើម្បីព្យាបាលជំងឺ

ជាតិ

ព្រឹទ្ធាចារ្យចាប៉ីដងវែង គុយ ហ៊ីន ដង្ហោយរកជំនួយទាំងទឹកភ្នែកដើម្បីព្យាបាលជំងឺ

18, Feb 2016 , 2:05 pm

រូបភាព

លោកតា គុយ ហ៊ីន ក្រោយពេលវះកាត់

ដោយ:

សិល្បករចាប៉ីដងវែងលោកព្រឹទ្ធាចារ្យ គុយ ហ៊ីន បានសម្រាកព្យាបាលជំងឺអស់រយៈពេលជាងកន្លះខែមកហើយនៅមន្ទីរពេទ្យរុស្ស៊ី។ ក្រោយពេលវះកាត់ជំងឺនៅថ្ងៃព្រហស្បតិ៍នេះ សិល្បករចាប៉ីដងវែងទីទ័លក្ររូបនេះ បានដង្ហោយរកជំនួយទាំងទឹកភ្នែក ដើម្បីចំណាយលើការព្យាបាលជំងឺរបស់ខ្លួន។ ក្នុងវ័យ៧០ ឆ្នាំ លោក គុយ ហ៊ីន ដែលមានជំងឺស្ទះតម្រង់នោម និងជំងឺលើសឈាម បានអំពាវនាវដោយសំឡេងខ្សាវៗតាមរយៈសារព័ត៌មានថ្មីៗយ៉ាងនេះថា៖«ខ្ញុំបាទ គុយ ហ៊ីន អ្នកចាប៉ី ដ៏កំសត់ សូមអំពាវនាវឲ្យសប្បុរសជនក្នុងប្រទេសនិងក្រៅប្រទេសជួយឧបត្ថម្ភដល់ខ្ញុំផង»។

ស្តាប់សំឡេងលោកតា គុយ ហ៊ីន ខាងក្រោម៖

លោក គុយ ហ៊ីន ជាសិល្បករចាប៉ីដងវែងដ៏មានទេពកោសល្យមួយរូបនៅកម្ពុជា បន្ទាប់ពីលោកតា ប្រាជ្ញ ឈួន និងលោកតា គង់ ណៃ។ កាលមិនទាន់ធ្លាក់ខ្លួនឈឺអ្នកចាប៉ី មកខេត្តពោធិ៍សាត់រូបនេះ តែងច្រៀងចាប៉ីជាមួយដៃគូមួយចំនួនដូចជា លោកតា គង់ ណៃ និងស្មៀន ប៉េ ជាដើមនៅតាមកម្មវិធីបុណ្យឬទូរទស្សន៍ក្នុងស្រុកមួយចំនួន៕

បើបងប្អូនចង់ឧបត្ថម្ភគាត់ សូមទាក់ទងលេខទូរសព្ទភរិយាគាត់ ០១៧៨៥៦៣៩៦ ឬលេខទូរសព្ទលោក ជា ធីរិទ្ធ ជាអ្នកកាសែត ០១៧៨៨១៥៥០ ។