កីឡាជាតិ
ជាតិ
សែន រ៉ាឌី, កែ ឡេង, ប៊ុង ហុង, ធិន សេងហុន, ស៊ន សៀវម៉ី និងលោក សុខ ម៉ុងជាប់ជ័យលាភី
×![]()
គណៈកម្មាធិការជាតិអូឡាំពិកកម្ពុជា (NOCC) ក្រោមកិច្ចសហការជាមួយសណ្ឋាគារណាហ្គាវើល បានរៀបចំពិធីចែករង្វាន់ដល់អត្តពលិក គ្រូបង្វឹក និងប្រព័ន្ធផ្សព្វផ្សាយ ដែលត្រូវបានវាយតម្លៃថា មានស្នាដៃឆ្នើមសម្រាប់កីឡាជាតិ នាអំឡុងឆ្នាំ២០១៥ ។ ពិធីចែករង្វាន់ត្រូវបានប្រព្រឹត្តទៅកាលពីល្ងាចថ្ងៃព្រហស្បតិ៍ ទី១៨ ខែកុម្ភៈ នៅសណ្ឋាគារណាហ្គាវើល។
សែន រ៉ាឌី កីឡាករប្រដាល់ និងវ៉ូវីណាម បានជាប់ជាកីឡាករឆ្នើមប្រចាំឆ្នាំ ហើយស្នាដៃធំបំផុតរបស់គេនៅឆ្នាំ២០១៥ គឺការដណ្តើមបានមេដាយមាសពីព្រឹត្តិការណ៍ដណ្តើមជើងឯកពិភពលោកនៅប្រទេសអាល់ហ្សេរី។ ពានកីឡាការិនីឆ្នើម បានទៅលើវីរនារីប៉េតង់កម្ពុជា កែ ឡេង ដែលបានឈ្នះមេដាយមាសពិភពលោកជាលើកទីពីរនៅប្រទេសថៃ និងមេដាយថ្នាក់តំបន់មួយចំនួនទៀត។ សែន រ៉ាឌី និងកែ ឡេង បានប្រាក់រង្វាន់ចំនួន៣០០០ដុល្លារអាមេរិក។
ជាមួយគ្នានេះផងដែរ អត្តពលិកពិការត្រូវបានទទួលការលើកទឹកចិត្តជាលើកដំបូងពីគណៈកម្មាធិការជាតិអូឡាំពិកកម្ពុជា ក្រោមកិច្ចសហការជាមួយសណ្ឋាគារណាហ្គាវើល។ កីឡាករ ប៊ុង ហុង ជាប់ជាកីឡាករជនពិការឆ្នើមប្រចាំឆ្នាំ២០១៥ បន្ទាប់ពីកីឡាកររត់ចម្ងាយរូបនេះ បានឈ្នះមេដាយមាស និងមេដាយសំរឹទ្ធពីការប្រកួតកីឡាអាស៊ីប៉ារ៉ាហ្គេមនៅប្រទេសសឹង្ហបុរី។ កីឡាការិនី ធិន សេងហុន ដែលទទួលបានមេដាយប្រាក់ពីប្រទេសសិង្ហបុរី ដូចគ្នា បានជាប់ជាកីឡាការិនីពិការឆ្នើមប្រចាំឆ្នាំ។ សម្រាប់រង្វាន់អត្តពលិកពិការឆ្នើម ជ័យលាភីទទួលបានប្រាក់រង្វាន់ ១៥០០ដុល្លារអាមេរិក។
លោក សុខ ម៉ុង គ្រូបង្វឹកកីឡាប៉េតង់ ដែលនាំឲ្យកម្ពុជាទទួលបានមេដាយប្រាក់៤ និងសំរឹទ្ធ៥ពីព្រឹត្តិការណ៍កីឡាស៊ីហ្គេមនៅសឹង្ហបុរី កាលពីអំឡុងខែមិថុនា ឆ្នាំ២០១៥ ក្លាយជាគ្រូបង្វឹកឆ្នើមប្រចាំឆ្នាំ ដោយទទួលបានទឹកប្រាក់២០០០ដុល្លារអាមេរិក។ លោក សុខ ម៉ុង ត្រូវបានអះអាងថាទទួលបានការគាំទ្រច្រើនជាងគ្រូបង្វឹក៨រូបផ្សេងរួមមាន គ្រូបង្វឹកសីប៉ាតាក្រ លោក ជាតិ ខេមរា គ្រូបង្វឹកកាយសម្ព័ន្ធ លោក ណយ ផាណា គ្រូបង្វឹកចំបាប់ លោក ហុក ឈាងគីម គ្រូបង្វឹកវ៉ូវីណាម លោក ទេព ជីវសុខុម គ្រូបង្វឹកល្បុក្កតោ លោក សាន គឹមស៊ាន គ្រូបង្វឹកអត្តពលកម្ម លោក ផៃ សុខ គ្រូបង្វឹកហែលទឹក លោក ហែម គីរី និងគ្រូបង្វឹកបាល់ទាត់ លោក ប្រាក់ សុវណ្ណារ៉ា។
ជាមួយគ្នានេះ សណ្ឋាគារណាហ្គាវើល បានប្រើប្រាស់ទំព័រហ្វេសប៊ុកផ្លូវការរបស់ខ្លួន ដើម្បីស្ទង់មតិស្វែងរកអត្តពលិកដែលមានប្រជាប្រិយភាពជាងគេ។ ជាលទ្ធផល កីឡាការិនីតេក្វាន់ដូ ស៊ន សៀវម៉ី ដែលបានឈ្នះមេដាយមាសកីឡាអាស៊ីកាលពីឆ្នាំ២០១៤ នៅប្រទេសកូរ៉េខាងត្បូង នៅតែជាកីឡាការិនីដែលមានប្រជាប្រិយភាពជាងគេ ដោយនាំមុខកីឡាការិនីហែលទឹក ហែមថុន វិទិនី កីឡាករបាល់ទាត់ ចាន់ វឌ្ឍនាកា, ប្រាក់ មុន្នីឧត្តម និងកីឡាការិនីក្បាច់គុនចម្រុះ សំ ថារ័ត្ន។
លទ្ធផលនៃការគាំទ្ររវាងស៊ន សៀវម៉ី និង ហែមថុន វិទិនី មានការប្រកៀកប្រកិតគ្នា ដោយ សៀវម៉ី ប្រើប្រាស់កម្មវិធីផ្សាយផ្ទាល់តាមហ្វេសប៊ុកដើម្បីទាញប្រជាប្រិយភាព ខណៈវិទិនី មានការជួយគាំទ្រ និងជ្រោមជ្រែងពីសំណាក់តារាសម្តែង និងតារាល្បីល្បាញនៅលើហ្វេសប៊ុក មួយចំនួន ដូចជា PeyPey Dy និង Salath Srey Lang ជាដើម។ សម្រាប់ពានអត្តពលិកមានប្រជាប្រិយភាព សៀវម៉ី បានប្រាក់រង្វាន់២០០០ដុល្លារអាមេរិក។
ប្រព័ន្ធផ្សព្វផ្សាយផ្នែកកីឡាក៏ត្រូវលើកទឹកចិត្តជាលើកដំបូងផងដែរតាមរយៈការដាក់ស្នាដៃដើម្បីធ្វើការប្រកួតប្រជែង។ អត្ថបទរបស់អ្នកកាសែតឈ្មោះ ស៊ីង ឡុង ទទួលបានពិន្ទុខ្ពស់ជាងគេ ខណៈរូបថតកីឡាដែលថតដោយលោក តាំង ឈិនសុទ្ធី ក៏ជាប់ចំណាត់ថ្នាក់លេខ១ផងដែរ។ ជ័យលាភីទាំងពីរទទួលប្រាក់រង្វាន់១០០០ដុល្លារអាមេរិក។
នៅក្នុងពិធីប្រគល់ពានរង្វាន់ដល់កីឡាករកម្ពុជាឆ្នើមប្រចាំឆ្នាំ២០១៥ នៅសណ្ឋាគារណាហ្គាវើល ដោយមានការចូលរួមពីសំណាក់ លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា លោក ហ៊ុន ម៉ាណែត ឧត្តមសេនីយ៍ឯកកងទ័ពជើងគោក នៃកងយោធពលខេរភូមិន្ទ លោក អ៊ុក សិទ្ធីជាតិ អគ្គនាយកនៃអគ្គនាយកដ្ឋានកីឡានៃក្រសួងអប់រំយុវជន និងកីឡា លោក នុត សាអាន រដ្ឋលេខាធិការ លោកស្រី ម៉ក់ វ៉ាន់ស៊ីថា អភិបាលរងរាជធានីភ្នំពេញ និងលោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងអនុរដ្ឋលេខាធិការក្រសួងទេសចរណ៍៕
ប្រភពរូបថត៖ ណាហ្គាវើល
សែន រ៉ាឌី កីឡាករប្រដាល់ និងវ៉ូវីណាម បានជាប់ជាកីឡាករឆ្នើមប្រចាំឆ្នាំ ហើយស្នាដៃធំបំផុតរបស់គេនៅឆ្នាំ២០១៥ គឺការដណ្តើមបានមេដាយមាសពីព្រឹត្តិការណ៍ដណ្តើមជើងឯកពិភពលោកនៅប្រទេសអាល់ហ្សេរី។ ពានកីឡាការិនីឆ្នើម បានទៅលើវីរនារីប៉េតង់កម្ពុជា កែ ឡេង ដែលបានឈ្នះមេដាយមាសពិភពលោកជាលើកទីពីរនៅប្រទេសថៃ និងមេដាយថ្នាក់តំបន់មួយចំនួនទៀត។ សែន រ៉ាឌី និងកែ ឡេង បានប្រាក់រង្វាន់ចំនួន៣០០០ដុល្លារអាមេរិក។
ជាមួយគ្នានេះផងដែរ អត្តពលិកពិការត្រូវបានទទួលការលើកទឹកចិត្តជាលើកដំបូងពីគណៈកម្មាធិការជាតិអូឡាំពិកកម្ពុជា ក្រោមកិច្ចសហការជាមួយសណ្ឋាគារណាហ្គាវើល។ កីឡាករ ប៊ុង ហុង ជាប់ជាកីឡាករជនពិការឆ្នើមប្រចាំឆ្នាំ២០១៥ បន្ទាប់ពីកីឡាកររត់ចម្ងាយរូបនេះ បានឈ្នះមេដាយមាស និងមេដាយសំរឹទ្ធពីការប្រកួតកីឡាអាស៊ីប៉ារ៉ាហ្គេមនៅប្រទេសសឹង្ហបុរី។ កីឡាការិនី ធិន សេងហុន ដែលទទួលបានមេដាយប្រាក់ពីប្រទេសសិង្ហបុរី ដូចគ្នា បានជាប់ជាកីឡាការិនីពិការឆ្នើមប្រចាំឆ្នាំ។ សម្រាប់រង្វាន់អត្តពលិកពិការឆ្នើម ជ័យលាភីទទួលបានប្រាក់រង្វាន់ ១៥០០ដុល្លារអាមេរិក។
លោក សុខ ម៉ុង គ្រូបង្វឹកកីឡាប៉េតង់ ដែលនាំឲ្យកម្ពុជាទទួលបានមេដាយប្រាក់៤ និងសំរឹទ្ធ៥ពីព្រឹត្តិការណ៍កីឡាស៊ីហ្គេមនៅសឹង្ហបុរី កាលពីអំឡុងខែមិថុនា ឆ្នាំ២០១៥ ក្លាយជាគ្រូបង្វឹកឆ្នើមប្រចាំឆ្នាំ ដោយទទួលបានទឹកប្រាក់២០០០ដុល្លារអាមេរិក។ លោក សុខ ម៉ុង ត្រូវបានអះអាងថាទទួលបានការគាំទ្រច្រើនជាងគ្រូបង្វឹក៨រូបផ្សេងរួមមាន គ្រូបង្វឹកសីប៉ាតាក្រ លោក ជាតិ ខេមរា គ្រូបង្វឹកកាយសម្ព័ន្ធ លោក ណយ ផាណា គ្រូបង្វឹកចំបាប់ លោក ហុក ឈាងគីម គ្រូបង្វឹកវ៉ូវីណាម លោក ទេព ជីវសុខុម គ្រូបង្វឹកល្បុក្កតោ លោក សាន គឹមស៊ាន គ្រូបង្វឹកអត្តពលកម្ម លោក ផៃ សុខ គ្រូបង្វឹកហែលទឹក លោក ហែម គីរី និងគ្រូបង្វឹកបាល់ទាត់ លោក ប្រាក់ សុវណ្ណារ៉ា។
ជាមួយគ្នានេះ សណ្ឋាគារណាហ្គាវើល បានប្រើប្រាស់ទំព័រហ្វេសប៊ុកផ្លូវការរបស់ខ្លួន ដើម្បីស្ទង់មតិស្វែងរកអត្តពលិកដែលមានប្រជាប្រិយភាពជាងគេ។ ជាលទ្ធផល កីឡាការិនីតេក្វាន់ដូ ស៊ន សៀវម៉ី ដែលបានឈ្នះមេដាយមាសកីឡាអាស៊ីកាលពីឆ្នាំ២០១៤ នៅប្រទេសកូរ៉េខាងត្បូង នៅតែជាកីឡាការិនីដែលមានប្រជាប្រិយភាពជាងគេ ដោយនាំមុខកីឡាការិនីហែលទឹក ហែមថុន វិទិនី កីឡាករបាល់ទាត់ ចាន់ វឌ្ឍនាកា, ប្រាក់ មុន្នីឧត្តម និងកីឡាការិនីក្បាច់គុនចម្រុះ សំ ថារ័ត្ន។
លទ្ធផលនៃការគាំទ្ររវាងស៊ន សៀវម៉ី និង ហែមថុន វិទិនី មានការប្រកៀកប្រកិតគ្នា ដោយ សៀវម៉ី ប្រើប្រាស់កម្មវិធីផ្សាយផ្ទាល់តាមហ្វេសប៊ុកដើម្បីទាញប្រជាប្រិយភាព ខណៈវិទិនី មានការជួយគាំទ្រ និងជ្រោមជ្រែងពីសំណាក់តារាសម្តែង និងតារាល្បីល្បាញនៅលើហ្វេសប៊ុក មួយចំនួន ដូចជា PeyPey Dy និង Salath Srey Lang ជាដើម។ សម្រាប់ពានអត្តពលិកមានប្រជាប្រិយភាព សៀវម៉ី បានប្រាក់រង្វាន់២០០០ដុល្លារអាមេរិក។
ប្រព័ន្ធផ្សព្វផ្សាយផ្នែកកីឡាក៏ត្រូវលើកទឹកចិត្តជាលើកដំបូងផងដែរតាមរយៈការដាក់ស្នាដៃដើម្បីធ្វើការប្រកួតប្រជែង។ អត្ថបទរបស់អ្នកកាសែតឈ្មោះ ស៊ីង ឡុង ទទួលបានពិន្ទុខ្ពស់ជាងគេ ខណៈរូបថតកីឡាដែលថតដោយលោក តាំង ឈិនសុទ្ធី ក៏ជាប់ចំណាត់ថ្នាក់លេខ១ផងដែរ។ ជ័យលាភីទាំងពីរទទួលប្រាក់រង្វាន់១០០០ដុល្លារអាមេរិក។
នៅក្នុងពិធីប្រគល់ពានរង្វាន់ដល់កីឡាករកម្ពុជាឆ្នើមប្រចាំឆ្នាំ២០១៥ នៅសណ្ឋាគារណាហ្គាវើល ដោយមានការចូលរួមពីសំណាក់ លោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា លោក ហ៊ុន ម៉ាណែត ឧត្តមសេនីយ៍ឯកកងទ័ពជើងគោក នៃកងយោធពលខេរភូមិន្ទ លោក អ៊ុក សិទ្ធីជាតិ អគ្គនាយកនៃអគ្គនាយកដ្ឋានកីឡានៃក្រសួងអប់រំយុវជន និងកីឡា លោក នុត សាអាន រដ្ឋលេខាធិការ លោកស្រី ម៉ក់ វ៉ាន់ស៊ីថា អភិបាលរងរាជធានីភ្នំពេញ និងលោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងអនុរដ្ឋលេខាធិការក្រសួងទេសចរណ៍៕
ប្រភពរូបថត៖ ណាហ្គាវើល
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
