ពីនេះ ពីនោះ
សំបកជ័របាញ់, ជ័រឆក់ បងប្អូនខ្មែរលើ យកទៅធ្វើសំលៀកបំពាក់ ![](https://image.thmeythmey.com/pictures/2016/03/04/antiaristoxicariamacrophylla.jpg)
×![]()
សណ្ឋានរុក្ខជាតិ៖ ដើមជ័របាញ់ គឺជាដើមឈើម្យ៉ាងដែលមានសំបក ស រលើប កម្ពស់ ២ទៅ២០ម៉ែត ដុះក្នុងព្រៃធំ ឬព្រៃស្រោងនៃប្រទេសជ្វា និងឥណ្ឌូចិន។
អត្ថប្រយោជន៍រុក្ខជាតិនេះ៖ សំបកជ័របាញ់ បងប្អូនខ្មែរលើ យកទៅធ្វើសំលៀកបំពាក់បាន។ ចំណែកជ័ររបស់រុក្ខជាតិនេះ គេប្រើសម្រាប់លាបក្បាលព្រួញ ដើម្បីបាញ់សត្វធំៗ ដូចជាខ្លាំ ដំរី ។ល។ នៅឥណ្ឌូចិន គេច្រើនយកជ័ររបស់លាយវត្ថុជាច្រើន ដូចជាម្ទេស ម្រេច រំដេង ខ្ទឹមស ដើម្បីសម្លាបសត្វមួយចំនួនដែលចូលចិត្តស៊ីរបស់ទាំងនេះ។ ពួកជ្វា គេនិយមបាញ់សត្វជារឿយៗ ដោយប្រើជ័រនេះ។ ជ័រនេះពេលផឹកឥតធ្វើឲ្យពុលទេ តែបើគេចាក់ចូលឈាមគឺធ្វើឲ្យស្លាបភ្លាមៗ៕
[ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]
© រក្សាសិទ្ធិដោយ thmeythmey.com