ពីនេះ ពីនោះ
សំដីពីរោះនាំឲ្យគ្រួសាររីករាយ? ![](https://image.thmeythmey.com/pictures/2016/03/06/health_evening-02.jpg)
×![]()
បញ្ហាមួយចំនួន មិនមានតម្លៃ សម្រាប់អ្នកលើកយកមកពិភាក្សាគ្នានោះទេ ប៉ុន្តែ ជាការពិត ជីវិតគូ ត្រូវការបង្ហាញមតិយោបល់ ដើម្បីស្វែងរកដំណោះស្រាយ។ បើសិនជាអ្នក តែងតែរករឿង នៅពេលស្វាមីរបស់អ្នក ភ្លេចបិទភ្លើង ក្រោយពេលចេញពីបន្ទប់ទឹករួចនោះ វាល្មមដល់ពេល ឈប់ស្រែកដាក់ប្តីទៀតហើយ ពីព្រោះ វាជារឿងធម្មតាៗ នោះទេ ហើយក៏មិនធំដុំដែរ។ ពេលមានរឿងចាំបាច់ ឬមានបញ្ហាធំណាមួយកើតឡើង ច្បាស់ណាស់ ប្តីរបស់អ្នកលែងសូវស្តាប់អ្នកទៀតហើយ។
ការជេរ ឬស្រែកលឺៗ អាចនឹងបំផ្លាញជីវិតគូរបស់អ្នក។ ការនិយាយមិនពិរោះពិសារ ក៏ជាដើមចមនៃបញ្ហាដែរ។ ឧទាហរណ៍ ពេលប្តីធ្វើបែកចាន តើអ្នកនឹងនិយាយថាម៉េច? “យ៉ាប់ណាស់! ធ្វើបែកទៀតហើយ! ចេញទៅ ចាំខ្ញុំធ្វើ”។ អ្នកមិនគួរនិយាយបែបនេះទេ ហើយអ្នកគួរតែនៅឲ្យស្ងៀម ទុកឲ្យគាត់រើស និងបោសវាដោយខ្លួនឯងទៅ ហើយបំភ្លេចចោលទៅ គិតថា គ្មានរឿងអីកើតឡើងទៅចុះ ពីព្រោះ វាជារឿងតូចណាស់ ហើយគ្មានតម្លៃអ្វី ដែលអ្នកត្រូវលើកយកវាមកនិយាយនោះទេ។
ចៀសវាងការនិយាយណែនាំ ឬរិះគន់ប្តីរបស់អ្នក។ អ្នកត្រូវចងចាំថា មនុស្សមិនអាចគ្រប់ដប់នោះទេ ហើយអ្នកក៏អញ្ចឹងដែរ។ ពេលដែលអ្នករិះគន់ ឬស្តីឲ្យដៃគូរបស់អ្នក ច្បាស់ណាស់ គេក៏នឹងធ្វើអញ្ចឹង ដាក់អ្នកវិញដែរ។
អ្នកគួរតែសរសើរពីចំណុចល្អ ដែលប្តីរបស់អ្នកបានធ្វើ ចំពោះគ្រួសារ និងចំពោះអ្នក ជាជាងចាប់កំហុសតិចតួច ដែលគាត់បានធ្វើ ហើយវានឹងធ្វើឲ្យគាត់សប្បាយចិត្ត និងស្រឡាញ់អ្នកកាន់តែខ្លាំង៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com