ជាតិ
សេដ្ឋកិច្ច
លោក ភូ ពុយ ស្នើរដ្ឋាភិបាលកំណត់កូតាអង្ករនាំចូល ដើម្បីឲ្យស្រូវក្នុងស្រុកមានតម្លៃខ្ពស់
លោក សុខ ពុទ្ធីវុធ ប្រធានសហព័ន្ធស្រូវអង្ករកម្ពុជា
×![]()
ភ្នំពេញ៖ លោក ភូ ពុយ ប្រធានសមាគមរោងម៉ាស៊ីនកិនស្រូវកម្ពុជា បានស្នើដល់រាជរដ្ឋាភិបាលឲ្យរឹតត្បិតការនាំចូលអង្ករពីប្រទេសជិតខាងកម្ពុជា ដើម្បីអាចឲ្យកសិករលក់ផលិតផលរបស់ខ្លួនបានតម្លៃខ្ពស់។ លោក មានប្រសាសន៍ថា បើមិនមានការរឹតត្បិតការនាំចូលអង្ករនោះទេ ខាងភាគីម៉ាស៊ីនកិនស្រូវ ដែលប្រមូលទិញស្រូវពីប្រជាកសិករ នឹងជួបវិបត្តិគ្មានទីផ្សារ ហើយលទ្ធផលចុងក្រោយវានឹងប៉ះពាល់ដល់តម្លៃស្រូវរបស់ប្រជាពលរដ្ឋ។
រដ្ឋាភិបាលគួរតែរឹតត្បិតការនាំចូលអង្ករពីប្រទេសជិតខាង ដើម្បីស្រោចស្រង់ដំណើរការប្រមូលទិញស្រូវក្នុងប្រទេសកម្ពុជាឡើងវិញ ដែលយន្តការនេះនឹងនាំឲ្យប្រជាកសិករលក់ផលិតផលរបស់ខ្លួនបានតម្លៃខ្ពស់។ នេះបើតាមការថ្លែងរបស់លោក ភូ ពុយ ប្រធានសមាគមរោងម៉ាស៊ីនកិនស្រូវកម្ពុជា និងជាសមាជិកក្រុមប្រឹក្សាភិបាលសហព័ន្ធស្រូវអង្ករកម្ពុជា ក្នុងសន្និសីទសារព័ត៌មានស្តីពីផែនការដោះស្រាយបញ្ហាប្រឈមក្នុងវិស័យស្រូវអង្ករ នៅថ្ងៃទី៩ខែមីនា។ លោក មានប្រសាសន៍យ៉ាងដូច្នេះថា៖«ខាងម៉ាស៊ីនកិនស្រូវទាំងអស់ជួយប្រមូលទិញស្រូវពីកសិករទាំងប្រភេទស្រូវនាំចេញ ទាំងប្រភេទស្រូវមិនអាចនាំចេញ។ ហើយប្រភេទស្រូវមិនអាចនាំចេញបាន យើងត្រូវការទីផ្សារក្នុងស្រុក។ តែបើមានការហូរចូលអង្ករពីប្រទេសជិតខាង នោះធ្វើឲ្យម៉ាស៊ីនកិនស្រូវអត់មានទីផ្សារលក់ចេញទេ»។
លោក ភូ ពុយ អះអាងថា បើរាជរដ្ឋាភិបាលអាចកម្រិតការនាំចូលអង្ករពីក្រៅប្រទេសបាន នោះជាឱកាសសម្រាប់អ្នកប្រមូលទិញមានទីផ្សារលក់អង្ករ ហើយអ្នកប្រមូលទិញក៏ហ៊ានទិញស្រូវពីប្រជាពលរដ្ឋក្នុងតម្លៃខ្ពស់ផងដែរ។
អ្នកជំនាញខាងវិស័យស្រូវអង្កររូបនេះ បានបញ្ជាក់ថា ប្រទេសទីផ្សារសេរីផ្សេងទៀត ក៏គេបើកចំហរឲ្យនាំចូលតែផលិតផលណាដែលប្រទេសរបស់គេខ្វះខាតតែប៉ុណ្ណោះ។ លោក បន្តលើកឡើងពីករណី ប្រទេសថៃ ដែលមិនអនុញ្ញាតឲ្យនាំចូលផលិតផលណា ដែលប៉ះពាល់ដល់ទីផ្សារក្នុងស្រុករបស់គេ។ ដូច្នេះហើយ លោក ភូ ពុយ ស្នើដល់រាជរដ្ឋាភិបាលឲ្យរឹតត្បិតការនាំចូលអង្ករពីប្រទេសជិតខាង តាមរយៈការតំឡើងពន្ធ និងការកំណត់បរិមាណនាំចូល។
ដោយឡែកលោក សុខ ពុទ្ធីវុធ ប្រធានសហព័ន្ធស្រូវអង្ករកម្ពុជា បានថ្លែងថា កម្ពុជាជាប្រទេសទីផ្សារសេរី យើងមិនអាចហាមឃាត់ការនាំចូលអង្ករពីក្រៅប្រទេសបានទេ។ លោក បន្ថែមទៀតថា យើងបើកឲ្យមានការនាំចូលដោយសេរីក៏ពិតមែន តែការនាំចូលនោះត្រូវតែអនុវត្តតាមនីតិវិធីច្បាប់ត្រឹមត្រូវ ហើយមានការបង់ពន្ធច្បាស់លាស់។
បើតាមលោក គឹម សាវុធ អនុប្រធានសហព័ន្ធស្រូវអង្ករកម្ពុជា បានអះអាងថា គេមិនអាចដឹងពីបរិមាណជាក់លាក់នៃអង្ករនាំចូលពីប្រទេសជិតខាងកម្ពុជាបានឡើយ ដោយសារមានការនាំចូលអង្ករយ៉ាងអាណាធិបតេយ្យតាមច្រករបៀងនានា។ តែលោក បញ្ជាក់ថា បរិមាណអង្ករនាំចូលអាចច្រើនជាង១លានតោន បើយោងតាមរបាយការណ៍ក្រៅផ្លូវការរបស់អ្នកស្រាវជ្រាវ។
រដ្ឋាភិបាលគួរតែរឹតត្បិតការនាំចូលអង្ករពីប្រទេសជិតខាង ដើម្បីស្រោចស្រង់ដំណើរការប្រមូលទិញស្រូវក្នុងប្រទេសកម្ពុជាឡើងវិញ ដែលយន្តការនេះនឹងនាំឲ្យប្រជាកសិករលក់ផលិតផលរបស់ខ្លួនបានតម្លៃខ្ពស់។ នេះបើតាមការថ្លែងរបស់លោក ភូ ពុយ ប្រធានសមាគមរោងម៉ាស៊ីនកិនស្រូវកម្ពុជា និងជាសមាជិកក្រុមប្រឹក្សាភិបាលសហព័ន្ធស្រូវអង្ករកម្ពុជា ក្នុងសន្និសីទសារព័ត៌មានស្តីពីផែនការដោះស្រាយបញ្ហាប្រឈមក្នុងវិស័យស្រូវអង្ករ នៅថ្ងៃទី៩ខែមីនា។ លោក មានប្រសាសន៍យ៉ាងដូច្នេះថា៖«ខាងម៉ាស៊ីនកិនស្រូវទាំងអស់ជួយប្រមូលទិញស្រូវពីកសិករទាំងប្រភេទស្រូវនាំចេញ ទាំងប្រភេទស្រូវមិនអាចនាំចេញ។ ហើយប្រភេទស្រូវមិនអាចនាំចេញបាន យើងត្រូវការទីផ្សារក្នុងស្រុក។ តែបើមានការហូរចូលអង្ករពីប្រទេសជិតខាង នោះធ្វើឲ្យម៉ាស៊ីនកិនស្រូវអត់មានទីផ្សារលក់ចេញទេ»។
លោក ភូ ពុយ អះអាងថា បើរាជរដ្ឋាភិបាលអាចកម្រិតការនាំចូលអង្ករពីក្រៅប្រទេសបាន នោះជាឱកាសសម្រាប់អ្នកប្រមូលទិញមានទីផ្សារលក់អង្ករ ហើយអ្នកប្រមូលទិញក៏ហ៊ានទិញស្រូវពីប្រជាពលរដ្ឋក្នុងតម្លៃខ្ពស់ផងដែរ។
អ្នកជំនាញខាងវិស័យស្រូវអង្កររូបនេះ បានបញ្ជាក់ថា ប្រទេសទីផ្សារសេរីផ្សេងទៀត ក៏គេបើកចំហរឲ្យនាំចូលតែផលិតផលណាដែលប្រទេសរបស់គេខ្វះខាតតែប៉ុណ្ណោះ។ លោក បន្តលើកឡើងពីករណី ប្រទេសថៃ ដែលមិនអនុញ្ញាតឲ្យនាំចូលផលិតផលណា ដែលប៉ះពាល់ដល់ទីផ្សារក្នុងស្រុករបស់គេ។ ដូច្នេះហើយ លោក ភូ ពុយ ស្នើដល់រាជរដ្ឋាភិបាលឲ្យរឹតត្បិតការនាំចូលអង្ករពីប្រទេសជិតខាង តាមរយៈការតំឡើងពន្ធ និងការកំណត់បរិមាណនាំចូល។
ដោយឡែកលោក សុខ ពុទ្ធីវុធ ប្រធានសហព័ន្ធស្រូវអង្ករកម្ពុជា បានថ្លែងថា កម្ពុជាជាប្រទេសទីផ្សារសេរី យើងមិនអាចហាមឃាត់ការនាំចូលអង្ករពីក្រៅប្រទេសបានទេ។ លោក បន្ថែមទៀតថា យើងបើកឲ្យមានការនាំចូលដោយសេរីក៏ពិតមែន តែការនាំចូលនោះត្រូវតែអនុវត្តតាមនីតិវិធីច្បាប់ត្រឹមត្រូវ ហើយមានការបង់ពន្ធច្បាស់លាស់។
បើតាមលោក គឹម សាវុធ អនុប្រធានសហព័ន្ធស្រូវអង្ករកម្ពុជា បានអះអាងថា គេមិនអាចដឹងពីបរិមាណជាក់លាក់នៃអង្ករនាំចូលពីប្រទេសជិតខាងកម្ពុជាបានឡើយ ដោយសារមានការនាំចូលអង្ករយ៉ាងអាណាធិបតេយ្យតាមច្រករបៀងនានា។ តែលោក បញ្ជាក់ថា បរិមាណអង្ករនាំចូលអាចច្រើនជាង១លានតោន បើយោងតាមរបាយការណ៍ក្រៅផ្លូវការរបស់អ្នកស្រាវជ្រាវ។
Tag:
សេដ្ឋកិច្ច
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
