អន្តរជាតិ
×
JOHOR-ម៉ាឡេស៊ី៖ អាណាចក្រនៃស្រមោល (THE REAL OF SHADOWS LIVE) គឺជាការសម្តែងភាពយន្តបែបផ្សងព្រេងសម្រាប់កុមារ។ ខ្សែភាពយន្តនេះសម្តែងឡើងដោយមនុស្សពិត តុបតែខ្លួនជានិនចារជប៉ុន (Ninja) ពណ៌ខ្មៅ ជាមួយនឹងរូបតុក្កតាមានច្រើនប្រភេទ នៅក្រោមពន្លឺភ្លើងពណ៌ព្រាលៗ ។ Ninja ពណ៌ខ្មៅ ត្រូវបញ្ជាររូបតុក្កតាឲ្យមានចលនាតាមសាច់រឿងដែលនិយាយជាភាសារអង់គ្លេស នៅពីមុខផ្ទាំងទេសភាព 4-D (Effects 4-D)។ ភាពយន្តនេះត្រូវបានសម្តែងឡើងនៅរមណីដ្ឋាន LEGOLAND ដែលជាកន្លែងកម្សាន្តសម្រាប់កុមារធំលំដាប់ទី៦ នៅលើពិភពលោក និងលំដាប់ទី១ នៅអាស៊ី។ LEGOLAND មានទីតាំងស្ថិតនៅចម្ងាយប្រមាណ ២៥គីឡូម៉ែត្រ ពីរដ្ឋ JOHOR BAHRU ក្នុងប្រទេសម៉ាឡេស៊ី បើគេចង់ទៅទីនោះគេត្រូវចំណាយពេល ៣០នាទី។ យ៉ាងណាក៏ដោយ ការសម្តែងភាពយន្ត «អាណាចក្រនៃស្រមោល» មិនមែងទាក់ទាញបានតែកុមារនោះទេ សូម្បីតែមនុស្សវ័យចំណាស់ក៏ស្ងើចសរសើរ ក្រោយពីពួកគេបានទស្សនាផងដែរ។ (សារព័ត៌មានថ្មីៗ នឹងចុះផ្សាយព័ត៌មានលម្អិតពីសួនកម្សាន្ត LEGOLAND នៅពេលក្រោយ)។
សូមទស្សនាវីដេអូ ការសម្តែងភាពយន្ត «អាណាចក្រនៃស្រមោល» (THE REAL OF SHADOWS LIVE) ដែលសារព័ត៌មានថ្មីៗ បានផ្តិតយករូបភាពដោយផ្ទាល់ពីរមណីដ្ឋា LEGOLAND ដូចតទៅ៖
VIDEO
Tag:
ទេចរណ៍
JOHOR
ម៉ាឡេស៊ី
THE REAL OF SHADOWS LIVE
LEGOLAND
© រក្សាសិទ្ធិដោយ thmeythmey.com