ប្លែកៗ
អន្តរជាតិ
×![]()
ដោយ: ធីតា
មន្ត្រីប៉ូលីសអាមេរិកម្នាក់ធ្វើដំណើរជាង១២០០គីឡូម៉ែត្រពីរដ្ឋ Alabama ទៅរដ្ឋ Arkansas ដើម្បីនាំយកសត្វឆ្កែទៅជួបជុំគ្រួសាររបស់នារីម្នាក់ដែលជាម្ចាស់របស់វា ហើយបានស្លាប់ដោយសារគ្រោះថ្នាក់ចរាចរណ៍។
McKenzie Catron និស្សិតអាយុ១៩ឆ្នាំ បានស្លាប់ដោយសារបើករថយន្តខុសផ្លូវនៅក្នុងក្រុង Dothan រដ្ឋ Alabama នាដំណើរកម្សាន្តមួយ។ រថយន្តបានប៉ះទង្គិចជាមួយអ្នកដំណើរម្នាក់ ប៉ុន្តែអ្នកដំណើរនោះគ្រាន់តែរងរបួសប៉ុណ្ណោះ ខណៈ Catron បានស្លាប់បាត់បង់ជីវិតភ្លាម។
បើតាមសារព័ត៌មាន KHBS លោក Jonathon Whaley ដែលមន្ត្រីប៉ូលិសម្នាក់ បានឃើញហេតុការណ៍មុនគេ។ បន្ទាប់ពីបានសង្គ្រោះអ្នកដំណើរទៅមន្ទីរពេទ្យ លោក Whaley បានឃើញសត្វឆ្កែមួយក្បាលរត់ចេញពីរថយន្ត។ នោះជាឆ្កែរបស់និស្សិត Catron ម្ចាស់រថយន្តដែលបានស្លាប់។
«យើងត្រូវតែរកសត្វឆ្កែឲ្យឃើញដើម្បីឲ្យវារស់នៅជួបជុំជាមួយគ្រួសារម្ចាស់របស់វា»។ នេះបើតាមការអះអាងរបស់លោក Whaley ប្រាប់ទៅកាន់សារព័ត៌មាន Fox 5 Atlanta។
លោក Whaley បានបំផុសចលនាតាមស្វែងរកសត្វឆ្កែ ដែលមានឈ្មោះថា «Kai» តាមរយៈការបង្កើតក្រុមក្នុងបណ្តាញសង្គមហ្វេសប៊ុក ហើយការិយាល័យមេធាវីមួយកន្លែងបានប្រកាសផ្តល់ប្រាក់១០០០ដុល្លារអាមេរិក ដល់អ្នកដែលរកឃើញ «Kai»។
ទីបំផុតសមាជិកមេធាវីម្នាក់ឈ្មោះ Benjamin Irwin និងអ្នកស្ម័គ្រចិត្ត៨នាក់ទៀត បានរកឃើញ Kai នៅក្បែរផ្លូវមួយ។ ពួកគេមិនបានយកប្រាក់សារគុណនោះឡើយ ដោយគ្រោងទុកឲ្យអ្នកដែលរើសយក Kai ទៅចិញ្ចឹម។ «ខ្ញុំគ្រាន់ដឹង ប្រសិនបើខ្ញុំជាឆ្កែនោះវិញ ខ្ញុំច្បាស់ជាព្យាយាមរកអ្វីដែលទាក់ទងនឹងមនុស្សជាទីស្រឡាញ់របស់ខ្ញុំ»។ នេះជាការលើកឡើងរបស់ Irwin ប្រាប់ Fox 5 Atlanta។
បន្ទាប់ពីស្រាវជ្រាវដឹងថា គ្រួសារម្ចាស់ឆ្កែស្ថិតនៅក្រុង Bentonville រដ្ឋ Akrkansas លោក Whaley បានសម្រេចចិត្តដឹកនាំឆ្កែឆ្ពោះទៅកាន់ទីនោះក្នុងចម្ងាយផ្លូវប្រមាណ១២០០គីឡូម៉ែត្រ។
ទឹកចិត្តសប្បុរសធម៌នេះ បានធ្វើឲ្យអ្នកស្រី Kendra Mulherin ម្តាយរបស់ Catron និងសមាជិកគ្រួសារដទៃទៀត មានក្តីរំភើបយ៉ាងខ្លាំង។ គាត់បានលើកឡើងយ៉ាងដូច្នេះថា៖ «សម្រាប់យើងទាំងអស់គ្នា Kai ជាផ្នែកមួយរបស់ Catron។ ឥឡូវយើងរីករាយយ៉ាងខ្លាំងចំពោះទឹកចិត្តដ៏សប្បុរសក្នុងនាំយក Kai មកដល់ពួកយើង»៕
McKenzie Catron និស្សិតអាយុ១៩ឆ្នាំ បានស្លាប់ដោយសារបើករថយន្តខុសផ្លូវនៅក្នុងក្រុង Dothan រដ្ឋ Alabama នាដំណើរកម្សាន្តមួយ។ រថយន្តបានប៉ះទង្គិចជាមួយអ្នកដំណើរម្នាក់ ប៉ុន្តែអ្នកដំណើរនោះគ្រាន់តែរងរបួសប៉ុណ្ណោះ ខណៈ Catron បានស្លាប់បាត់បង់ជីវិតភ្លាម។
បើតាមសារព័ត៌មាន KHBS លោក Jonathon Whaley ដែលមន្ត្រីប៉ូលិសម្នាក់ បានឃើញហេតុការណ៍មុនគេ។ បន្ទាប់ពីបានសង្គ្រោះអ្នកដំណើរទៅមន្ទីរពេទ្យ លោក Whaley បានឃើញសត្វឆ្កែមួយក្បាលរត់ចេញពីរថយន្ត។ នោះជាឆ្កែរបស់និស្សិត Catron ម្ចាស់រថយន្តដែលបានស្លាប់។
«យើងត្រូវតែរកសត្វឆ្កែឲ្យឃើញដើម្បីឲ្យវារស់នៅជួបជុំជាមួយគ្រួសារម្ចាស់របស់វា»។ នេះបើតាមការអះអាងរបស់លោក Whaley ប្រាប់ទៅកាន់សារព័ត៌មាន Fox 5 Atlanta។
លោក Whaley បានបំផុសចលនាតាមស្វែងរកសត្វឆ្កែ ដែលមានឈ្មោះថា «Kai» តាមរយៈការបង្កើតក្រុមក្នុងបណ្តាញសង្គមហ្វេសប៊ុក ហើយការិយាល័យមេធាវីមួយកន្លែងបានប្រកាសផ្តល់ប្រាក់១០០០ដុល្លារអាមេរិក ដល់អ្នកដែលរកឃើញ «Kai»។
ទីបំផុតសមាជិកមេធាវីម្នាក់ឈ្មោះ Benjamin Irwin និងអ្នកស្ម័គ្រចិត្ត៨នាក់ទៀត បានរកឃើញ Kai នៅក្បែរផ្លូវមួយ។ ពួកគេមិនបានយកប្រាក់សារគុណនោះឡើយ ដោយគ្រោងទុកឲ្យអ្នកដែលរើសយក Kai ទៅចិញ្ចឹម។ «ខ្ញុំគ្រាន់ដឹង ប្រសិនបើខ្ញុំជាឆ្កែនោះវិញ ខ្ញុំច្បាស់ជាព្យាយាមរកអ្វីដែលទាក់ទងនឹងមនុស្សជាទីស្រឡាញ់របស់ខ្ញុំ»។ នេះជាការលើកឡើងរបស់ Irwin ប្រាប់ Fox 5 Atlanta។
បន្ទាប់ពីស្រាវជ្រាវដឹងថា គ្រួសារម្ចាស់ឆ្កែស្ថិតនៅក្រុង Bentonville រដ្ឋ Akrkansas លោក Whaley បានសម្រេចចិត្តដឹកនាំឆ្កែឆ្ពោះទៅកាន់ទីនោះក្នុងចម្ងាយផ្លូវប្រមាណ១២០០គីឡូម៉ែត្រ។
ទឹកចិត្តសប្បុរសធម៌នេះ បានធ្វើឲ្យអ្នកស្រី Kendra Mulherin ម្តាយរបស់ Catron និងសមាជិកគ្រួសារដទៃទៀត មានក្តីរំភើបយ៉ាងខ្លាំង។ គាត់បានលើកឡើងយ៉ាងដូច្នេះថា៖ «សម្រាប់យើងទាំងអស់គ្នា Kai ជាផ្នែកមួយរបស់ Catron។ ឥឡូវយើងរីករាយយ៉ាងខ្លាំងចំពោះទឹកចិត្តដ៏សប្បុរសក្នុងនាំយក Kai មកដល់ពួកយើង»៕
Tag:
ប្លែកៗ
អាមេរិក
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
