បុរសកំសត់ ថៃ ធីម
១/សម័យស្មាតហ្វូនអង្រួនសង្គម
រឿងរ៉ាវតូចធំបានលាតត្រដាង
រឿងល្អអាក្រក់ឃើញទាំងសងខាង
គិតទៅដែរម្យ៉ាងសម័យស្មាតហ្វូន។
២/សម័យស្មាតហ្វូនអង្រួនយុវវ័យ
ក្មេងជំនាន់ថ្មីវក់ឡើងភ្លេចខ្លួន
លែងខ្វល់រៀនសូត្រលែងខ្វល់ច្បាប់ក្បួន
ម្នាក់ៗជាប់ជួនសែលហ្វីហ្គែមល្បែង។
៣/អ្នកខ្លះហ្វេកបុកសម្រុកសែលហ្វី
ដោនឡូតខ្ទេចខ្ទីបញ្ជីហ្គែមលេង
សំកុកជាហ្វូងម្នាក់ៗសំញែង
Cookingចំបែង Rail Rustពេញខ្លួន។
៤/ខ្លះលេងCondy crush clas of clans
សប្បាយមែនទែនmine crufe អង្រួន
លែងខ្វល់សិក្សាzombieជាប់ជួន
ផុងកាយវក់ខ្លួននឹង temple run។
៥/Hayday crazy រួមហ្គែម scoote
Cooking fever zombie a run
Angry Birds New year ជាក់ស្បាន់
Pirate king run jump fly ជក់ចិត្ត។
៦/Sunbway surf town ship sleepងោកងុយ
Make up ដូរលុយម្នាក់ៗប្រៀងប្រឹត
D.R driverជួបជុំម៉ាកមិត្ត
Roomboodភ្លេចគិតដល់ការសិក្សា។
៧/មើលចុះប្អូនៗមិត្តយុវវ័យ
មួយថ្ងៃៗចាយពេលឥតការ
បំផ្លាញខ្លួនឯងវង្វេងអច្ចារ្យ
ទុកចោលសិក្សាវក់នឹងស្មាតហ្វូន។
៨/ក្នុងនាមគ្រូក្រសូមក្រើនរំឭក
ល្មមឈប់វរវឹករឭកកែខ្លួន
នៅទាន់វេលាទេណាមាសស្ងួន
ឈប់វក់កែខ្លួនងាកមកខំរៀន។
ដំរីជាន់ខ្លា ១៤ ០៣ ២០១៦