អន្តរជាតិ
×![]()
យោធាឥណ្ឌូនេស៊ី បានអះអាងថា អាជ្ញាធរបានតាមស្ទាក់ និងឃាត់ទុកទូកនេសាទពីរគ្រឿងរបស់ហ្វីលីពីន និងវៀតណាមដែលបានលួចចូលទៅនេសាទត្រីដោយខុសច្បាប់ក្នុងដែនទឹក Raja Ampat នៃខេត្ត Papua ។
យោធាឥណ្ឌូនេស៊ី នៅថ្ងៃទី៣១ ខែឧសភាកន្លងទៅ បានរឹបអូស និងឃាត់ទុកទូកនេសាទពីរគ្រឿង បន្ទាប់ពីបានប្រតិបត្តិការតានដាន១៣ម៉ោងមក។ ទូកនេសាទពីរគ្រឿងនោះ មានមួយជារបស់ហ្វីលីពីន ដែលមានផ្ទុកនាវិក១០នាក់ និងមួយទៀតជារបស់វៀតណាមដែលមានផ្ទុកនាវិក១៣នាក់។ នេះបើយោងសារព័ត៌មាន Jakarta Globe ។
អ្នកនាំពាក្យកងទ័ពជើងទឹក លោក Maman Sulaeman បានឲ្យដឹងថាទូកដែលមានទម្ងន់១២ និង១៤តោននោះ ត្រូវបានស្ទាក់ទុកក្រោយ ទូកទាំងនោះ មិនគោរពតាមបទបញ្ជាដែលបានបង្គាប់ឲ្យទូកនោះឈប់ ហើយ យោធា ក៏បានបាញ់គំរាមបីគ្រាប់ផងដែរ។
អ្នកនាំពាក្យរូបនោះ ក៏បានបន្ថែមថា ក្រុមទូកទាំងនោះ ដំបូងឡើយមិនមានឆន្ទៈក្នុងការឈប់ដំណើរ នោះទេ និងថែមបានព្យាយាមរុលចូលទៀត។ តែក្រោយពីប្រតិបត្តិការស្វិតស្វាញច្រើនមក ទើបក្រុមទូកទាំងនោះ ព្រមប្រគល់។ យោធា ក៏បានរាប់អូសបានសត្វសមុទ្រមួយចំនួនផងដែរ។
សូមជម្រាបផងដែរថា ឥណ្ឌូនេស៊ីដែលជាប្រទេសមានបណ្តុំកោះធំ និងច្រើនជាងគេរបស់ពិភពលោក បានចាប់ផ្តើមចាត់វិធានការតឹងរ៉ឹង ប្រឆាំងនឹងការនេសាទខុសច្បាប់ ចាប់តាំងពីលោកប្រធានាធិបតី ចូកូ វីដូដូ ឡើងកាន់តំណែងក្នុងឆ្នាំ២០១៤។ វិធានការនេះ ធ្វើឡើងក៏ដោយសារតែការនេសាទខុសច្បាប់ បានធ្វើឲ្យឥណ្ឌូនេស៊ីបាត់បង់ចំណូលជាតិជាច្រើនលានដុល្លារ ។
កាលពីខែកុម្ភៈ និងមេសាកន្លងទៅ អាជ្ញាធរឥណ្ឌូនេស៊ី ក៏បានកម្ទេចទូកនេសាទរបស់ ហ្វីលីពីន វៀតណាម ម៉ាឡេស៊ី និងមីយ៉ាន់ម៉ាសរុប៥០គ្រឿង ដោយចោទថាចូលនេសាទដោយខុសច្បាប់ ក្នុងដែនអធិបតេយ្យរបស់ខ្លួន៕
យោធាឥណ្ឌូនេស៊ី នៅថ្ងៃទី៣១ ខែឧសភាកន្លងទៅ បានរឹបអូស និងឃាត់ទុកទូកនេសាទពីរគ្រឿង បន្ទាប់ពីបានប្រតិបត្តិការតានដាន១៣ម៉ោងមក។ ទូកនេសាទពីរគ្រឿងនោះ មានមួយជារបស់ហ្វីលីពីន ដែលមានផ្ទុកនាវិក១០នាក់ និងមួយទៀតជារបស់វៀតណាមដែលមានផ្ទុកនាវិក១៣នាក់។ នេះបើយោងសារព័ត៌មាន Jakarta Globe ។
អ្នកនាំពាក្យកងទ័ពជើងទឹក លោក Maman Sulaeman បានឲ្យដឹងថាទូកដែលមានទម្ងន់១២ និង១៤តោននោះ ត្រូវបានស្ទាក់ទុកក្រោយ ទូកទាំងនោះ មិនគោរពតាមបទបញ្ជាដែលបានបង្គាប់ឲ្យទូកនោះឈប់ ហើយ យោធា ក៏បានបាញ់គំរាមបីគ្រាប់ផងដែរ។
អ្នកនាំពាក្យរូបនោះ ក៏បានបន្ថែមថា ក្រុមទូកទាំងនោះ ដំបូងឡើយមិនមានឆន្ទៈក្នុងការឈប់ដំណើរ នោះទេ និងថែមបានព្យាយាមរុលចូលទៀត។ តែក្រោយពីប្រតិបត្តិការស្វិតស្វាញច្រើនមក ទើបក្រុមទូកទាំងនោះ ព្រមប្រគល់។ យោធា ក៏បានរាប់អូសបានសត្វសមុទ្រមួយចំនួនផងដែរ។
សូមជម្រាបផងដែរថា ឥណ្ឌូនេស៊ីដែលជាប្រទេសមានបណ្តុំកោះធំ និងច្រើនជាងគេរបស់ពិភពលោក បានចាប់ផ្តើមចាត់វិធានការតឹងរ៉ឹង ប្រឆាំងនឹងការនេសាទខុសច្បាប់ ចាប់តាំងពីលោកប្រធានាធិបតី ចូកូ វីដូដូ ឡើងកាន់តំណែងក្នុងឆ្នាំ២០១៤។ វិធានការនេះ ធ្វើឡើងក៏ដោយសារតែការនេសាទខុសច្បាប់ បានធ្វើឲ្យឥណ្ឌូនេស៊ីបាត់បង់ចំណូលជាតិជាច្រើនលានដុល្លារ ។
កាលពីខែកុម្ភៈ និងមេសាកន្លងទៅ អាជ្ញាធរឥណ្ឌូនេស៊ី ក៏បានកម្ទេចទូកនេសាទរបស់ ហ្វីលីពីន វៀតណាម ម៉ាឡេស៊ី និងមីយ៉ាន់ម៉ាសរុប៥០គ្រឿង ដោយចោទថាចូលនេសាទដោយខុសច្បាប់ ក្នុងដែនអធិបតេយ្យរបស់ខ្លួន៕
Tag:
ឥណ្ឌូនេស៊ី
អាស៊ាន
© រក្សាសិទ្ធិដោយ thmeythmey.com
