អន្តរជាតិ
ក្មេងប្រុសម្នាក់ទូរសព្ទទៅ ៩១១ ប្តឹងថា ឪពុកខ្លួនបានបើកឆ្លងកាត់ភ្លើងស្តុបក្រហម
×![]()
ដោយ: ធីតា
ស្ថានីយ៍ប៉ូលិសនៃទីក្រុង Quincy នៃរដ្ឋម៉ាសាឆូសេត សហរដ្ឋអាមេរិក បានបង្ហោះសារជាសំឡេងរបស់ក្មេងប្រុសម្នាក់ដែលបានទូរស័ព្ទទៅកាន់លេខ ៩១១ នៅលើហ្វេសប៊ុក ដោយរាយការណ៍ថា ឪពុករបស់ខ្លួនបានបើកបរឆ្លងកាត់ភ្លើងស្តុបពណ៌ក្រហម។
ក្មេងប្រុសអាយុ ៥ ឆ្នាំនេះបានពិពណ៌នាពីភិនភាគរថយន្ត រួចនិយាយបន្ថែមថា៖ « វាគឺជាឡានស៊េរីថ្មី។ តាមពិត គឺជាឡានរបស់ម៉ាក់ទេ »។ ក្មេងប្រុសរូបនេះមិនបានបញ្ជាក់អ្វីពីអត្តសញ្ញាណរបស់ខ្លួនឡើយ។ នៅពេលដែលភ្នាក់ងារ ៩១១ សួរទីកាន់ក្មេងប្រុសពីអ្វីដែលកើតឡើងបន្ទាប់មកទៀត ក្មេងប្រុសបានឆ្លើយថា ពួកគាត់កំពុងបើកទៅកាន់កន្លែងលាងរថយន្តហើយ។ រំពេចនោះ គេបានឮសូរសំឡេងរបស់ឪពុកក្មេងបន្លឺឡើងថា៖ « ទេ! កុំធ្វើអ៊ីចឹងអី! »។ ឪពុកក៏បានសុំអភ័យទោសចំពោះការហៅទូរសព្ទរបស់កូនប្រុសគាត់៕
ប្រភព៖ abcnews
Tag:
ប្លែក
© រក្សាសិទ្ធិដោយ thmeythmey.com
