អន្តរជាតិ
×![]()
សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ ថា កម្ពុជា គាំទ្រប្រទេសទីម័រខាងកើត ក្នុងការក្លាយជាសមាជិកទី១១ នៃសមាគមប្រជាជាតិអាស៊ីអាគ្នេយ៍ ឬអាស៊ាន។
ប្រមុខរដ្ឋាភិបាលកម្ពុជា បានសរសេរនៅក្នុងហ្វេសប៊ុករបស់សម្តេច ថា «ក្នុងនាមរាជរដ្ឋាភិបាលកម្ពុជា ខ្ញុំគាំទ្រប្រទេសទីម័រខាងកើតដើម្បីបានចូលជាសមាជិកអាស៊ានទី១១ ដើម្បីពង្រឹងកិច្ចសហប្រតិបត្តិការ និងបង្កើនសមាជិកបន្ថែមក្នុងការជំរុញ និងថែរក្សាស្ថានភាពក្នុងតំបន់អោយកាន់តែប្រសើរឡើង» ។
ការលើកឡើងរបស់សម្តេចនាយករដ្ឋមន្ត្រី ត្រូវបានធ្វើឡើងក្នុងជំនួបជាមួយនឹងសមភាគី លោក Rul Maria de Aroujo នាយករដ្ឋមន្ត្រីទីម័រខាងកើតនាឱកាសនៃវេទិកាសេដ្ឋកិច្ចដែលប្រារព្ធឡើងក្នុងក្រុងគួឡាឡាំពួរនៃប្រទេសម៉ាឡេស៊ី។
សូមជម្រាបផងដែរថា គឺរយៈពេល៥ឆ្នាំមកហើយដែលទីម័រខាងកើត បានស្នើសុំធ្វើជាសមាជិកអាស៊ាន និងទន្ទឹងរង់ចាំការយល់ព្រមជាឯកច្ឆន្ទពីសមាជិករបស់អាស៊ានទាំងអស់។ ទីម័រខាងកើត បានដាក់ពាក្យស្នើសុំចូលជាសមាជិកអាស៊ាន ២០១១ ហើយសមាជិកអាស៊ាន ក៏បានយល់ព្រមក្នុងការសិក្សាស្រាវជ្រាវពីលទ្ធភាពនៃរដ្ឋថ្មីផងដែរ។
ថ្មីៗនេះ លោក Rahmat Pramono អគ្គរដ្ឋទូតឥណ្ឌូនេស៊ីប្រចាំអាស៊ាន ក៏បានអះអាងដែរ ថា «សាធារ ណរដ្ឋប្រជាធិបតេយ្យទីម័រ ឬទីម័រខាងកើត នឹងក្លាយជាសមាជិកនៃសមាគមប្រជាជាតិអាស៊ីអាគ្នេយ៍នៅឆ្នាំ២០១៧ហើយ»។
អគ្គរដ្ឋទូតរូបនោះ ក៏បានបន្ថែមថា « នាពេលខាងមុខដ៏ខ្លីនេះ តំណាងរបស់អាស៊ានទាំងអស់ នឹងប្រជុំដើម្បីពិភាក្សាពីការចូលរួមរបស់ទីម័រខាងកើត ហើយប្រសិន ទទួលបានការយល់ព្រម នោះ ទីម័រ ខាងកើត នឹងក្លាយជាសមាជិកទី១១របស់អាស៊ាន។ សមាជិកទាំងអស់របស់អាស៊ានបច្ចុប្បន្ន មាន ដូចជា ព្រុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម។
ដូចដែលបានបញ្ញត្តិក្នុងជំពូកទី៣ មាត្រា៦ នៃធម្មនុញ្ញអាស៊ាន ដើម្បីក្លាយជាសមាជិករបស់អាស៊ាន រដ្ឋដែលបានដាក់ស្នើត្រូវបំពេញនូវលក្ខខណ្ឌគ្រឹះមួយចំនួន។ ក្នុងនោះរួមមាន ត្រូវមានទីតាំងភូមិសាស្ត្រក្នុងតំបន់អាស៊ីអាគ្នេយ៍ ការទទួលស្គាល់ពីរដ្ឋអាស៊ានទាំងអស់ គោរពតាមធម្មនុញ្ញអាស៊ាន និងជាពិសេសនោះត្រូវទទួលបានការយល់ព្រមជាឯកច្ឆ័នពីរដ្ឋអាស៊ានក្នុងកិច្ចប្រជុំកំពូលផងដែរ៕
ប្រមុខរដ្ឋាភិបាលកម្ពុជា បានសរសេរនៅក្នុងហ្វេសប៊ុករបស់សម្តេច ថា «ក្នុងនាមរាជរដ្ឋាភិបាលកម្ពុជា ខ្ញុំគាំទ្រប្រទេសទីម័រខាងកើតដើម្បីបានចូលជាសមាជិកអាស៊ានទី១១ ដើម្បីពង្រឹងកិច្ចសហប្រតិបត្តិការ និងបង្កើនសមាជិកបន្ថែមក្នុងការជំរុញ និងថែរក្សាស្ថានភាពក្នុងតំបន់អោយកាន់តែប្រសើរឡើង» ។
ការលើកឡើងរបស់សម្តេចនាយករដ្ឋមន្ត្រី ត្រូវបានធ្វើឡើងក្នុងជំនួបជាមួយនឹងសមភាគី លោក Rul Maria de Aroujo នាយករដ្ឋមន្ត្រីទីម័រខាងកើតនាឱកាសនៃវេទិកាសេដ្ឋកិច្ចដែលប្រារព្ធឡើងក្នុងក្រុងគួឡាឡាំពួរនៃប្រទេសម៉ាឡេស៊ី។
សូមជម្រាបផងដែរថា គឺរយៈពេល៥ឆ្នាំមកហើយដែលទីម័រខាងកើត បានស្នើសុំធ្វើជាសមាជិកអាស៊ាន និងទន្ទឹងរង់ចាំការយល់ព្រមជាឯកច្ឆន្ទពីសមាជិករបស់អាស៊ានទាំងអស់។ ទីម័រខាងកើត បានដាក់ពាក្យស្នើសុំចូលជាសមាជិកអាស៊ាន ២០១១ ហើយសមាជិកអាស៊ាន ក៏បានយល់ព្រមក្នុងការសិក្សាស្រាវជ្រាវពីលទ្ធភាពនៃរដ្ឋថ្មីផងដែរ។
ថ្មីៗនេះ លោក Rahmat Pramono អគ្គរដ្ឋទូតឥណ្ឌូនេស៊ីប្រចាំអាស៊ាន ក៏បានអះអាងដែរ ថា «សាធារ ណរដ្ឋប្រជាធិបតេយ្យទីម័រ ឬទីម័រខាងកើត នឹងក្លាយជាសមាជិកនៃសមាគមប្រជាជាតិអាស៊ីអាគ្នេយ៍នៅឆ្នាំ២០១៧ហើយ»។
អគ្គរដ្ឋទូតរូបនោះ ក៏បានបន្ថែមថា « នាពេលខាងមុខដ៏ខ្លីនេះ តំណាងរបស់អាស៊ានទាំងអស់ នឹងប្រជុំដើម្បីពិភាក្សាពីការចូលរួមរបស់ទីម័រខាងកើត ហើយប្រសិន ទទួលបានការយល់ព្រម នោះ ទីម័រ ខាងកើត នឹងក្លាយជាសមាជិកទី១១របស់អាស៊ាន។ សមាជិកទាំងអស់របស់អាស៊ានបច្ចុប្បន្ន មាន ដូចជា ព្រុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម។
ដូចដែលបានបញ្ញត្តិក្នុងជំពូកទី៣ មាត្រា៦ នៃធម្មនុញ្ញអាស៊ាន ដើម្បីក្លាយជាសមាជិករបស់អាស៊ាន រដ្ឋដែលបានដាក់ស្នើត្រូវបំពេញនូវលក្ខខណ្ឌគ្រឹះមួយចំនួន។ ក្នុងនោះរួមមាន ត្រូវមានទីតាំងភូមិសាស្ត្រក្នុងតំបន់អាស៊ីអាគ្នេយ៍ ការទទួលស្គាល់ពីរដ្ឋអាស៊ានទាំងអស់ គោរពតាមធម្មនុញ្ញអាស៊ាន និងជាពិសេសនោះត្រូវទទួលបានការយល់ព្រមជាឯកច្ឆ័នពីរដ្ឋអាស៊ានក្នុងកិច្ចប្រជុំកំពូលផងដែរ៕
Tag:
ទីម័រខាងកើត
កម្ពុជា
អាស៊ាន
© រក្សាសិទ្ធិដោយ thmeythmey.com
