ព័ត៍មានសុខភាព
×![]()
ដោយ: ថ្មីៗ
ក្នុងចំណោមជំងឺ ដែលអាចនឹងកើតឡើង ក្នុងរដូវវស្សានេះ ជំងឺរលាកសួត ជាពិសេស ចំពោះក្មេងៗ អាចជាបញ្ហាចំបងមួយ ដែលគួរឲ្យព្រួយបារម្ភ។ ប្រសិនបើបងប្អូនក្តៅខ្លួន ក្អក (មានស្លេស) ពិបាកដកដង្ហើម ឈឺក្នុងទ្រូង ជីពចរលោតលឿនជាងធម្មតា នោះប្រហែលជាសញ្ញា នៃជំងឺរលាកសួតហើយ ដូច្នេះ អ្នកគួរតែមានការប្រុងប្រយ័ត្ន ហើយប្រញាប់ទៅជួបគ្រូពេទ្យជាបន្ទាន់។
យ៉ាងណាមិញ ខាងក្រោមនេះ គឺជាវិធីសាស្ត្រធម្មជាតិចំនួនបី ដែលអាចជួយព្យាបាល ឬកាត់បន្ថយផលប៉ះពាល់ នៃជំងឺរលាកសួត ៖
ស្លឹកជីអង្កាម
ចូរយកស្លឹកជីអង្កាមពីរបីមែក រួចសង្កត់យកតែទឹក ដើម្បីលាយជាមួយនឹង ទឹកឃ្មុំមួយស្លាបព្រាកាហ្វេ។ អ្នកគួរតែញ៉ាំវា រាល់បីបួនម៉ោងម្តង។
ខ្ទឹម
ខ្ទឹម អាចជួយកាត់បន្ថយសីតុណ្ហភាព ហើយក៏មានប្រសិទ្ធភាពខ្ពស់ ក្នុងការព្យាបាលជំងឺរលាកសួតដែរ។ អ្នកអាចយកខ្ទឹមពីរបីមើម ទៅកិនឲ្យម៉ត់ រួចយកមកបិទនៅពីលើទ្រូង។
ល្មៀត
វាត្រូវបានគេចាត់ទុកថា ជាវិធីបុរាណដ៏មានប្រសិទ្ធភាព ក្នុងការទប់ទល់ នឹងជំងឺរលាកសួតដោយអ្នកគ្រាន់តែដាក់ល្មៀត ទៅក្នុងទឹកក្តៅឧណ្ហៗ ហើយយកក្រណាត់ស្អាតមកជ្រលក់ រួចយកទៅជូតទ្រូង ដើម្បីរំញោចទ្រូង និងកាត់បន្ថយបញ្ហានានា ដែលបណ្តាលមកពីជំងឺរលាកសួត៕
ត្រួតពិនិត្យដោយ www.health.com.kh
Tag:
សុខភាព
© រក្សាសិទ្ធិដោយ thmeythmey.com
