ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
ស្ថានទូតបារាំងនឹងបន្តការគាំទ្រដល់រដ្ឋាករទឹកស្វយ័តក្រុងភ្នំពេញបន្ថែមទៀត
13, Jun 2016 ,
5:48 pm
រូបភាព
×
ដោយ:
ញឹក ស្រីល័ក្ខ (Nhek Sreyleak)
ភ្នំពេញ៖ នៅព្រឹកថ្ងៃចន្ទ ទី១៣ ខែមិថុនា ស្ថានទូតបារាំងប្រចាំកម្ពុជា លោកហ្សង់-ក្លូដ ពាំបឺហ្វ ឯកអគ្គរដ្ឋទូតបារាំងប្រចាំកម្ពុជា អមដំណើរដោយលោក ហ្វីលីព ស្ដាំងម៉េ នាយកទីភ្នាក់ងារអភិវឌ្ឍន៍បារាំងប្រចាំកម្ពុជា និងឡាវ បានអញ្ជើញទៅពិនិត្យដំណើរការកសាងសង់រោងចក្រផលិតទឹកស្អាតនិរោធ ជំហានទី២ ដែលទទួលការស្វាគមន៍ដោយ លោក ស៊ឹម ស៊ីថា អគ្គនាយករដ្ឋាករទឹកស្វយ័តក្រុងភ្នំពេញ។
រោងចក្រផលិតទឹកស្អាតនិរោធ ត្រូវបានសាងសង់ឡើងជាពីរដំណាក់កាលក្រោមជំនួយពីដៃគូអន្តរជាតិ ក្នុងនោះមានទីភ្នាក់ងារអភិវឌ្ឍន៍បារាំង(AFD) និងទីភ្នាក់ងារសហប្រតិបត្តិការអន្តរជាតិជប៉ុន(JICA)។ ការសាងសង់ក្នុងជំហានទី១ទទួលបានសហហរិញ្ញប្បទានចំនួន១៦លានអឺរ៉ូ ពីទីភ្នាក់ងារអភិវឌ្ឍន៍បារាំង (លើការចំណាយសរុបជាង៩០លានដុល្លារ) ដែលអាចផលិតទឹកស្អាតបានចំនួន ១៣ម៉ឺនម៉ែត្រគូបក្នុងមួយថ្ងៃ បន្ទាប់ពីបានដាក់ឲ្យដំណើរការតាំងពីខែមករា ឆ្នាំ២០១៣មក។
លោក ស៊ឹម ស៊ីថា អគ្គនាយករដ្ឋាករទឹកស្វយ័តក្រុងភ្នំពេញ បានបញ្ជាក់ថា រដ្ឋាករទឹកស្វយ័តក្រុងភ្នំពេញ មានរោងចក្រផលិតទឹកស្អាតក្នុងរាជនីភ្នំពេញអាចមានសមត្ថភាពផ្គត់ផ្គង់ត្រឹមតែ៤៥ម៉ឺនម៉ែត្រគូបក្នុងមួយថ្ងៃប៉ុណ្ណោះ តែសេចក្តីត្រូវការមានរហូតដល់ ៥៤ម៉ឺនម៉ែត្រគូបក្នុងមួយថ្ងៃ។ នៅពេលដែលរោងចក្រនិរោធទី២ បានសាងសង់រួចហើយ នឹងបានទឹកស្អាតបន្ថែម១៣ម៉ឺនម៉ែត្រគូបទៀត។ ក្រោយពីសាងសង់រោងចក្រនិរោធ រដ្ឋាករទឹកស្វយ័តក្រុងភ្នំពេញ នឹងពង្រីកសមត្ថភាពរោងចក្រទឹកស្អាតចំការម៉ន ៥២០០០ម៉ែត្រគូបបន្ថែមទៀត ដែលបំពេញតម្រូវការរហូតដល់ឆ្នាំ២០១៨។ បច្ចុប្បន្នរាជធានីភ្នំពេញ មានរោងចក្រផលិតទឹកស្អាត មានបួនទីតាំង ជ្រោយចង្វារ ចំការម៉ន និរោធទី១ និងនិរោធទី២ ។
លោក ស៊ឹម ស៊ីថា បានបន្តថា៖«រដ្ឋាករទឹកស្វយ័តក្រុងភ្នំពេញ បានផ្ដល់សេវាកម្មបានប្រមាណជា៨៥% ដែលនៅក្នុងនោះមានតម្លៃទាបបំផុតចំពោះពេលបច្ចុប្បន្ន ដែលរដ្ឋាករទឹកបានកែប្រែតម្លៃទឹកជាលើកដំបូងក្នុងឆ្នាំ២០០១ មកដល់សព្វថ្ងៃនេះ បើទោះបីអគ្គិសនីកម្ពុជាបានឡើងថ្លៃក៏ដោយ ក៏រដ្ឋាករពុំបានឡើងថ្លៃជាង១០ឆ្នាំមកហើយ»។រដ្ឋាករទឹក បានបញ្ចុះតម្លៃទឹកដល់ផ្ទះជួលកម្មកររោងចក្រ និងសិស្សនិស្សិត ដែលបានប្រមាណជាង៤០ម៉ឺននាក់។
ម្យ៉ាងវិញទៀត រោងចក្រនេះនឹងបំពាក់ដោយបច្ចេកវិទ្យាកម្រិតខ្ពស់ដើរដោយប្រព័ន្ធបញ្ជាស្វ័យប្រវត្តិ ដែលនឹងជួយឲ្យរដ្ឋាករទឹករក្សាបាននូវតំណែងជាអ្នកផលិតនិងចែកចាយទឹកស្អាតក្នុងតំបន់។លោកឯកអគ្គរដ្ឋទូតបារាំងបានថ្លែងកោតសរសើរដល់គុណភាពទឹកដែលផលិតដោយរដ្ឋាករទឹកក្រុងភ្នំពេញ ដែលស្របតាមស្តង់ដាអន្តរជាតិ ជាមួយអត្រាបាត់បង់ទឹកប្រមាណតែ៧%ប៉ុណ្ណោះ ខណៈដែលនៅប្រទេសបារាំងអត្រាបាត់បង់ទឹកមានរហូតដល់១៥%។
លោក ហ្សង់-ក្លូដ ពាំបឺហ្វ ឯកអគ្គរដ្ឋទូតបារាំងប្រចាំកម្ពុជា បានបញ្ជាក់ថា៖ វិស័យទឹកនេះ ជាវិស័យអត្ថិភាពមួយនៃកិច្ចសហប្រតិបត្តិការរវាងកម្ពុជា នឹងទីភ្នាក់ងារអភិវឌ្ឍន៍បារាំង(AFD)។នេះជាជំនួយមួយដែលសំខាន់ក្នុងវិស័យហេដ្ឋារចនាសម្ព័ន្ធនៅប្រទេសកម្ពុជា ហើយជំនួយរបស់បារាំងភាគច្រើនគឺផ្ដោតទៅលើវិស័យទឹកនៅរាជធានីភ្នំពេញ ហើយក៏បានត្រៀមជួយដល់ខេត្តផ្សេងៗទៀត។ជាពិសេសមានជំនួយមួយក្នុងគម្រោងនៅខេត្តសៀមរាប តែបើសិនខេត្តផ្សេងៗមានសំណើរមកប្រទេសបារាំង នឹងបារាំងទទួលសំណើរនោះដោយយកចិត្តទុកដាក់។សម្រាប់នៅភ្នំពេញបានទទួលបានជោគជ័យរួចហើយ ក្នុងកិច្ចសហប្រតិបត្តិការជាមួយរដ្ឋាករទឹកភ្នំពេញ ដែលជាគំរូក្នុងការអភិវឌ្ឍបន្ថែមទៀតក្នុងប្រទេសកម្ពុជា។
ជាមួយគ្នាដែរ ចាប់តាំងពីឆ្នាំ១៩៩២មក ប្រទេសបារាំងបានបន្តជួយកម្ពុជាក្នុងការស្ដារនិងកសាងបណ្ដាញទឹកស្អាតតាមរយៈការផ្ដល់ហិរញ្ញប្បទានពីសំណាក់រតនាគារបារាំង បន្ទាប់មកទៀតតាមរយៈជំនួយរបស់ទីភ្នាក់ងារ ដែលបានផ្ដល់កម្ចីគ្មានការធានាពីរដ្ឋដំបូងគេចំនួន ១១,១លានអឺរ៉ូ ដល់រដ្ឋាករទឹកស្វយ័តក្រុងភ្នំពេញកាលពីឆ្នាំ២០០៦ ដើម្បីបង្កើនទ្វេដងនូវសមត្ថភាពរោងចក្រផលិតទឹកស្អាតជ្រោយចង្វារ។ហិរញ្ញប្បទានផ្ដល់ជាបន្តបន្ទាប់ដោយទីភ្នាក់ងារអភិវឌ្ឍន៍បារាំង ដែលមានចំនួនសរុបជាង៦១លានអឺរ៉ូ ចាប់ពីឆ្នាំ២០០២មក ក៏បានជួយរដ្ឋាករទឹកបង្រីកបណ្ដាញចែកចាយទឹកប្រមាណ៨២៥គីឡូម៉ែត្រផងដែរ។
សូមបញ្ជាក់ផងដែរថា លោក ហ្សង់-ក្លូដ ពាំបឺហ្វ បានគូសបញ្ជាក់ថា នឹងប្ដេជ្ញាចិត្តរបស់ប្រទេសបារាំងក្នុងការបន្តគាំទ្រដល់រដ្ឋាករទឹកស្វយ័តក្រុងភ្នំពេញ លើគម្រោងវិនិយោគធំៗរបស់ស្ថាប័ននេះ ដើម្បីឆ្លើយតបទៅនឹងតម្រូវការទឹកស្អាតដែលកាន់តែកើនឡើងជាលំដាប់របស់ប្រជាជនរស់នៅក្នុងរាជធានីភ្នំពេញ៕
Save
Save
Save
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
«ទាយជ្ជទាន»មានន័យដូចម្តេច?
1 សប្តាហ៍
Dave Leduc ទារថ្លៃខ្លួន១លានដុល្លារ ក្នុងការត្រឡប់មកសង្វៀនប្រដាល់ និងផ្ដួលកីឡាករមួយថៃ
2 ថ្ងៃ
«ចរិត,ចារឹក និងចារិក» មានន័យខុសគ្នាដូចម្តេច?
6 ថ្ងៃ
កាឡកិណី ឬ កាឡកណ្ណី មានន័យថា មនុស្សឥតបុណ្យ, មនុស្សចង្រៃ
5 ថ្ងៃ
អាជ្ញាធរ សម្រេចបញ្ឈប់អាជីវកម្មទូកទេសចរណ៍ បុប្ផាអង្គរ ក្រោយបោះសំរាមចូលក្នុងទន្លេ
5 ថ្ងៃ
អត្ថបទពេញនិយមបន្ថែម