ភ្នំពេញ៖ អ្នកដឹកនាំ គឺមិនមែនជាបុគ្គលសាមញ្ញ និងទទួលកិច្ចសាមញ្ញធម្មតានោះទេ។ អ្នកដឹកនាំត្រូវទទួលភារកិច្ចដ៏ធំ ប្រឈមជាមួយប្រជាជន ប្រជាជាតិ ការអភិវឌ្ឍន និងអន់ថយរបស់ជាតិ។ តាមទស្សនៈរបស់ព្រះសម្មាសម្ពុទ្ធ ព្រះអង្គបានសម្ដែងថា អ្នកដឹកនាំត្រូវមានលក្ខណៈសម្បត្តិ១០យ៉ាង ដូចខាងក្រោម៖
១ មានវ័យចាស់ល្មម ប្រកបដោយសុខភាពនិងមានវិជ្ជាច្រើន
២ ជាអ្នកតាំងចិត្តជាកណ្ដាល
៣ ជាអ្នកចេះចាំច្រើន ស្គាល់បញ្ហាសង្គមដែលខ្លួនគ្រប់គ្រង
៤ ជាអ្នកវ័យឆ្លាតខាងរកដំណោះស្រាយបញ្ហាសង្គម
៥ ស្ទាត់ជំនាញពីគោលច្បាប់គ្រប់គ្រង ទាំងច្បាប់ជាតិ និងអន្តរជាតិ
៦ ជាអ្នកស្រឡាញ់ច្បាប់ យកច្បាប់ជាធំ
៧ ជាអ្នកសណ្ដោស មានចិត្តទូលាយ និងជ្រះថ្លា
៨ ជាអ្នកមានចិត្តរឹងប៉ឹង
៩ ជាមនុស្សមានចរិតទៀងត្រង់
១០ ជាមនុស្សមិនជ្រុលនិយម ក្នុងលោកធម៌ទាំង៨៖ មានលាភ និងអត់លាភ, មានយស និងអពយស, សរសើរ និងការស្ដីបន្ទោស, មានសុខ និងទុក្ខ។
ដកស្រង់ពី៖ ប្រវត្តិទស្សនវិជ្ជានយោបាយ, រៀបរៀងដោយលោកគ្រូ ជេត ហុល