ជាតិ
ទូតបារាំងនឹងរៀបចំពិធីកាន់មរណទុក្ខ នៅម៉ោង ៦ល្ងាចនេះ
× ភ្នំពេញ៖ ស្ថានទូតបារាំងប្រកាសអញ្ជើញជនជាតិបារាំង និងប្រទេសជាមិត្តទាំងអស់ចូលរួមគោរពនិងរម្លឹកវិញ្ញាណក្ខន្ធជនរងគ្រោះក្នុងព្រឹត្តិការណ៍នៅទីក្រុង Nice នៅវេលាម៉ោង៦ល្ងាចនេះ នាវិទ្យាស្ថានភាសាបារាំង។ នេះបើតាមសេចក្តីជូនដំណឹងរបស់ស្ថានទូតបារាំងប្រចាំកម្ពុជា។
ស្ថានទូតបារាំងនឹងរៀបចំពិធីស្មិងស្មាធិ៍រម្លឹកដល់ជនរងគ្រោះក្នុងព្រឹត្តិការណ៍នៅទីក្រុង Nice ដែលបាននាំឲ្យបារាំងស្ថិតក្នុងមរណទុក្ខសាជាថ្មី នៅថ្ងៃនេះ។
«សូមជនជាតិបារាំង និងមិត្តនៃប្រទេសបារាំងទាំងអស់អញ្ជើញទៅវិទ្យាស្ថានបារាំងនៅកម្ពុជាវេលាម៉ោង៦ល្ងាច ថ្ងៃទី១៥ ខែកក្កដានេះ ដើម្បីស្មិងស្មាធិ៍រម្លឹកដល់ជនរងគ្រោះ»។ នេះជាសារជូនដំណឹងរបស់ស្ថានទូតរបស់ស្ថានទូតបារាំងប្រចាំកម្ពុជា។
ប្រធានាធិបតីបារាំង លោក ហ្វ្រង់ស្វ័រ ហូឡង់ ដែលបានទៅដល់ទីក្រុងនេះភ្លាមៗ បន្ទាប់ពីការ ប្រហារនៅទីក្រុង Nice ពុំអាចបដិសេធថា ករណីនេះ ពុំមែនជាសកម្មភាពភេរវកម្មឡើយ។ លោក ហូឡង់ ប្រកាសថា បារាំងនឹងវាយបកលើលើក្រុមភេរវករវិញ ដើម្បីជួយជនរងគ្រោះ និងពង្រឹងសន្តិសុខបន្ថែម។ ករណីនេះ លោក ហូឡង់ បានប្រកាសដាក់ប្រទេសក្នុងស្ថានភាពមានអាសន្ន រយៈពេលបីខែដែរ៕
© រក្សាសិទ្ធិដោយ thmeythmey.com