ជាតិ
×![]()
សៀមរាប៖ រាជរដ្ឋាភិបាលបានប្រកាសថា ខ្លួនសម្រេចដកសិទ្ធិគ្រប់គ្រងភ្នំគូលេនពីក្រុមហ៊ុនឯកជន មកគ្រប់គ្រងខ្លួនឯងវិញ។ ការប្រកាសនេះ គឺចាប់តាំងពីចុងឆ្នាំ២០១៥មក ហើយរដ្ឋាភិបាលបានប្រគល់សិទ្ធិដល់ក្រសួងបរិស្ថានក្នុងការរៀបចំរមណីយដ្ឋានប្រវត្តិសាស្ត្រមួយនេះ។ ដំណឹងចំពោះការអភិវឌ្ឍនេះ ក៏បានបញ្ជាក់ថា ប្រជាពលរដ្ឋដែលចូលទៅតាំងទីខុសច្បាស់ រួមនិងគ្រួសារកងទ័ពផងនោះ នឹងត្រូវផ្ទេរចុះពីលើភ្នំ ឲ្យទៅរស់នៅកន្លែងអភិវឌ្ឍន៍ថ្មី។ យ៉ាងណា វានៅគ្រាន់តែជាដំណឹង តែវិធានការ ឫដំណោះស្រាយជាក់ស្តែង នៅមិនទាន់មានពិតប្រាកដនោះទេ។
អាជ្ញាធរពាក់ព័ទ្ធ និងប្រជាពលរដ្ឋរស់នៅលើភ្នំគូលេន បានត្រឹមតែឮតាមសារព័ត៌មាន និងពាក្យសំដីនិយាយតគ្នា ជុំវិញបញ្ហាផ្ទេរប្រជាពលរដ្ឋចុះពីភ្នំគូលេន។ ពួកគេហាក់កំពុងរង់ចាំ ព័ត៌មានច្បាស់ការចំពោះការផ្ទេរចុះនេះ ព្រោះរហូតមកដល់ថ្ងៃនេះ ពុំទាន់មានឯកសារ ឫការនិយាយដោយផ្ទាល់ពីអាជ្ញាធរក្នុងភូមិស្រុកនោះទេ។
អ្នកស្រី លី ចាន់សុគន្ធារី អ្នកលក់បាយនៅព្រះអង្គភ្នំ លើភ្នំគូលេន បានបដិសេដចំពោះគម្រោងផ្ទេរគ្រួសារអ្នកស្រីពីលើភ្នំ។ អ្នកស្រីបន្តថា គ្រួសារអ្នកស្រីពឹងអាស្រ័យលើវិស័យទេសចរណ៍នៅលើភ្នំ ហើយអ្នកស្រីព្រួយបារម្ភចំពោះទីតាំងថ្មី។ ទីតាំងថ្មីដែលអ្នកស្រី សុគន្ធារី ចង់សំដៅ គឺគ្មានទឹក គ្មានភ្លើង គ្មានផ្ទះ ជាពិសេសគ្មានកន្លែងប្រកបមុខរបរដូចសព្វថ្ងៃ។
គ្រួសារអ្នកស្រី សុគន្ធារី បានចូលមករស់នៅលើភ្នំគូលេនតាំងពីឆ្នាំ១៩៩៨មក។ អ្នកស្រីបាននិយាយក្នុងនាមប្រជាពលរដ្ឋទូទៅដែលជំទាស់ចំពោះគម្រោងអភិវឌ្ឍន៍របស់រដ្ឋាភិបាលថា នឹងពិចារណា ប្រសិនណាបើមានសំណងសមរម្យ។ «បើឲ្យគេទៅចេញស្រួលៗមិនបានទេ។ គេធ្វើផ្ទះអស់រាប់ម៉ឺន។ បើឲ្យទៅកន្លែងថ្មី មានដី២០ ឫ៣០ម៉ែត្រអត់ផ្ទះ អត់ទឹក អត់មុខរបរ យើងមិនទៅជាដាច់ខាត»។ នេះជាការលើកឡើងរបស់អ្នកស្រីអ្នកបាយនៅជាប់ព្រះអង្គធំ។
ទាំងប្រជាពលរដ្ឋ និងមេឃុំ សុទ្ធសឹងបញ្ជាក់ថា ពុំទាន់មានចុះសួរនាំចំពោះគម្រោងអភិវឌ្ឍន៍ភ្នំគូលេននៅឡើយ។ មេឃុំខ្នងភ្នំ លោក ឈឿម តាំង បានប្រាប់សារព័ត៌មានថ្មីៗនៅថ្ងៃទី១៥ កក្កដាថា ពលរដ្ឋភាគច្រើនមានមុខរបរជាមួយវិស័យទេសចរណ៍ ហើយពួកគេពុំព្រមតាមសំណើរចុះពីលើភ្នំឡើយ។ លោក ឈឿម តាំងបន្តថា លោកនៅពុំទាន់ទទួលបានឯកសារពាក់ព័ន្ធណាមួយចំពោះបញ្ហានេះនៅឡើយ។ លោកបន្ថែមថា៖« ឮតែគេនិយាយដូចគ្នា តែអត់មានអ្នកណាចុះមកនិយាយជាមួយពលរដ្ឋនៅឡើយ»។
ទោះជាមកដល់ពេលនេះ ប្រជាពលរដ្ឋមិនទាន់ទទួលដំណឹង និងខ្លះបានបដិសេធចំពោះការផ្តាស់ប្តូរទីលំនៅពីលើភ្នំក៏ពិតមែន ប៉ុន្តែលោក ឈឿម តាំងបញ្ជាក់ថា លោកនឹងសហការជាមួយរដ្ឋាភិបាល។
ឧទ្យានជាតិព្រះជ័យវរ្ម័ន-នរោត្តម មានផ្ទៃដីប្រមាណ ៣៧៥០០ ហិកតា ដែលបច្ចុប្បន្ន ក្រុមហ៊ុន នគរគោកធ្លក របស់លោក សៀង ណាំ និងទាហានភូមិភាគ៤ កំពុងគ្រប់គ្រងយកថ្លៃសំបុត្រទស្សនា។
អ្នកនាំពាក្យក្រសួងបរិស្ថាន លោក សៅ សុភាព បាននិយាយថា គម្រោងអភិវឌ្ឍន៍ភ្នំគូលេន ត្រូវការប្រើពេលច្រើន។ លោកបន្តថា អាជ្ញាធរនឹងរៀបចំទីតាំងសមរម្យដល់ពួកគេ អាចនៅជើងភ្នំគូលេនតែម្តង។ លោក សុភាពបញ្ជាក់ថាគ្រួសារដែលត្រូវផ្ទេរចេញ មានគ្រួសារកងទ័ព និងគ្រួសារចំណូលថ្មី ដែលចូលទៅតាំងទីខុសច្បាប់ ចំណែកប្រជាជនចាស់ ពួកគេនឹងត្រូវរៀបចំឲ្យអភិវឌ្ឍន៍នៅនឹងកន្លែង។
ទាក់ទងនឹងបញ្ហានេះ កាលពីថ្ងៃទី២៣ ឧសភា អនុគណៈកម្មការមួយត្រូវបានបង្កើតឡើង។ អនុគណៈកម្មការនេះ គឺបង្កើតឡើងតាមសំណើររបស់ក្រសួងបរិស្ថាន ដែលមានសមាជិកចំនួន២៣រូប ដែលមានអភិបាលខេត្តសៀមរាបលោក ឃឹម ប៊ុនសុងជាប្រធាន។ យោងតាមការបង្កើត អនុគណៈកម្មការនេះ មានតួនាទី សហការជាមួយគណៈកម្មការគ្រប់គ្រង និងដោះស្រាយបញ្ហាប្រឈមនៅក្នុងឧទ្យានជាតិព្រះជ័យវរ័ន្ម-នរោត្តម ភ្នំគូលេន។ ត្រូវធ្វើជំរឿនស្ថិតិប្រជាពលរដ្ឋ និងលំនៅដ្ឋានរបស់ប្រជាជន ដើម្បីធ្វើការវាយតម្លៃ និងដោះស្រាយការផ្ទេរចុះពីលើភ្នំនូវកងទ័ព គ្រួសារកងទ័ព និងប្រជាជនទាំងអស់ ដែលកំពុងតាំងលំនៅថ្មី និងរស់នៅជាលក្ខណៈអាណាធិបតេយ្យ។ កំណត់ទីតាំងសម្រាប់ដោះស្រាយ ធ្វើរបាយការណ៍ពីលទ្ធផលការងារ និងលើកយោបល់ទៅថ្នាក់ដឹកនាំ។ល៕
អាជ្ញាធរពាក់ព័ទ្ធ និងប្រជាពលរដ្ឋរស់នៅលើភ្នំគូលេន បានត្រឹមតែឮតាមសារព័ត៌មាន និងពាក្យសំដីនិយាយតគ្នា ជុំវិញបញ្ហាផ្ទេរប្រជាពលរដ្ឋចុះពីភ្នំគូលេន។ ពួកគេហាក់កំពុងរង់ចាំ ព័ត៌មានច្បាស់ការចំពោះការផ្ទេរចុះនេះ ព្រោះរហូតមកដល់ថ្ងៃនេះ ពុំទាន់មានឯកសារ ឫការនិយាយដោយផ្ទាល់ពីអាជ្ញាធរក្នុងភូមិស្រុកនោះទេ។
អ្នកស្រី លី ចាន់សុគន្ធារី អ្នកលក់បាយនៅព្រះអង្គភ្នំ លើភ្នំគូលេន បានបដិសេដចំពោះគម្រោងផ្ទេរគ្រួសារអ្នកស្រីពីលើភ្នំ។ អ្នកស្រីបន្តថា គ្រួសារអ្នកស្រីពឹងអាស្រ័យលើវិស័យទេសចរណ៍នៅលើភ្នំ ហើយអ្នកស្រីព្រួយបារម្ភចំពោះទីតាំងថ្មី។ ទីតាំងថ្មីដែលអ្នកស្រី សុគន្ធារី ចង់សំដៅ គឺគ្មានទឹក គ្មានភ្លើង គ្មានផ្ទះ ជាពិសេសគ្មានកន្លែងប្រកបមុខរបរដូចសព្វថ្ងៃ។
គ្រួសារអ្នកស្រី សុគន្ធារី បានចូលមករស់នៅលើភ្នំគូលេនតាំងពីឆ្នាំ១៩៩៨មក។ អ្នកស្រីបាននិយាយក្នុងនាមប្រជាពលរដ្ឋទូទៅដែលជំទាស់ចំពោះគម្រោងអភិវឌ្ឍន៍របស់រដ្ឋាភិបាលថា នឹងពិចារណា ប្រសិនណាបើមានសំណងសមរម្យ។ «បើឲ្យគេទៅចេញស្រួលៗមិនបានទេ។ គេធ្វើផ្ទះអស់រាប់ម៉ឺន។ បើឲ្យទៅកន្លែងថ្មី មានដី២០ ឫ៣០ម៉ែត្រអត់ផ្ទះ អត់ទឹក អត់មុខរបរ យើងមិនទៅជាដាច់ខាត»។ នេះជាការលើកឡើងរបស់អ្នកស្រីអ្នកបាយនៅជាប់ព្រះអង្គធំ។
ទាំងប្រជាពលរដ្ឋ និងមេឃុំ សុទ្ធសឹងបញ្ជាក់ថា ពុំទាន់មានចុះសួរនាំចំពោះគម្រោងអភិវឌ្ឍន៍ភ្នំគូលេននៅឡើយ។ មេឃុំខ្នងភ្នំ លោក ឈឿម តាំង បានប្រាប់សារព័ត៌មានថ្មីៗនៅថ្ងៃទី១៥ កក្កដាថា ពលរដ្ឋភាគច្រើនមានមុខរបរជាមួយវិស័យទេសចរណ៍ ហើយពួកគេពុំព្រមតាមសំណើរចុះពីលើភ្នំឡើយ។ លោក ឈឿម តាំងបន្តថា លោកនៅពុំទាន់ទទួលបានឯកសារពាក់ព័ន្ធណាមួយចំពោះបញ្ហានេះនៅឡើយ។ លោកបន្ថែមថា៖« ឮតែគេនិយាយដូចគ្នា តែអត់មានអ្នកណាចុះមកនិយាយជាមួយពលរដ្ឋនៅឡើយ»។
ទោះជាមកដល់ពេលនេះ ប្រជាពលរដ្ឋមិនទាន់ទទួលដំណឹង និងខ្លះបានបដិសេធចំពោះការផ្តាស់ប្តូរទីលំនៅពីលើភ្នំក៏ពិតមែន ប៉ុន្តែលោក ឈឿម តាំងបញ្ជាក់ថា លោកនឹងសហការជាមួយរដ្ឋាភិបាល។
ឧទ្យានជាតិព្រះជ័យវរ្ម័ន-នរោត្តម មានផ្ទៃដីប្រមាណ ៣៧៥០០ ហិកតា ដែលបច្ចុប្បន្ន ក្រុមហ៊ុន នគរគោកធ្លក របស់លោក សៀង ណាំ និងទាហានភូមិភាគ៤ កំពុងគ្រប់គ្រងយកថ្លៃសំបុត្រទស្សនា។
អ្នកនាំពាក្យក្រសួងបរិស្ថាន លោក សៅ សុភាព បាននិយាយថា គម្រោងអភិវឌ្ឍន៍ភ្នំគូលេន ត្រូវការប្រើពេលច្រើន។ លោកបន្តថា អាជ្ញាធរនឹងរៀបចំទីតាំងសមរម្យដល់ពួកគេ អាចនៅជើងភ្នំគូលេនតែម្តង។ លោក សុភាពបញ្ជាក់ថាគ្រួសារដែលត្រូវផ្ទេរចេញ មានគ្រួសារកងទ័ព និងគ្រួសារចំណូលថ្មី ដែលចូលទៅតាំងទីខុសច្បាប់ ចំណែកប្រជាជនចាស់ ពួកគេនឹងត្រូវរៀបចំឲ្យអភិវឌ្ឍន៍នៅនឹងកន្លែង។
ទាក់ទងនឹងបញ្ហានេះ កាលពីថ្ងៃទី២៣ ឧសភា អនុគណៈកម្មការមួយត្រូវបានបង្កើតឡើង។ អនុគណៈកម្មការនេះ គឺបង្កើតឡើងតាមសំណើររបស់ក្រសួងបរិស្ថាន ដែលមានសមាជិកចំនួន២៣រូប ដែលមានអភិបាលខេត្តសៀមរាបលោក ឃឹម ប៊ុនសុងជាប្រធាន។ យោងតាមការបង្កើត អនុគណៈកម្មការនេះ មានតួនាទី សហការជាមួយគណៈកម្មការគ្រប់គ្រង និងដោះស្រាយបញ្ហាប្រឈមនៅក្នុងឧទ្យានជាតិព្រះជ័យវរ័ន្ម-នរោត្តម ភ្នំគូលេន។ ត្រូវធ្វើជំរឿនស្ថិតិប្រជាពលរដ្ឋ និងលំនៅដ្ឋានរបស់ប្រជាជន ដើម្បីធ្វើការវាយតម្លៃ និងដោះស្រាយការផ្ទេរចុះពីលើភ្នំនូវកងទ័ព គ្រួសារកងទ័ព និងប្រជាជនទាំងអស់ ដែលកំពុងតាំងលំនៅថ្មី និងរស់នៅជាលក្ខណៈអាណាធិបតេយ្យ។ កំណត់ទីតាំងសម្រាប់ដោះស្រាយ ធ្វើរបាយការណ៍ពីលទ្ធផលការងារ និងលើកយោបល់ទៅថ្នាក់ដឹកនាំ។ល៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
