ជាតិ
×![]()
ភ្នំពេញ៖ សហភាពអឺរ៉ុប បានផ្តល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់ក្រោយបណ្ឌិត ដល់និស្សិត និងបុគ្គលិកសិក្សារបស់កម្ពុជាជាង៥០រូប នៅឆ្នាំ២០១៦នេះ។ អាហាររូបករណ៍នេះ គឺជាកម្មវិធីអាហារូបករណ៍ Erasmus+ ដែលឧត្ថម្ភមូលនិធិដោយសភាពអឺរ៉ុប។
និស្សិត និងបុគ្គលិកសិក្សាជាង៥០រូប ទទួលបានអាហារូបករណ៍១០០% របស់សភាពអឺរ៉ុប ក្រោមកម្មវិធីអាហារូបករណ៍ Erasmus+ លើជំនាញចំនួន១៥ រួមមាន៖ កសិកម្ម វិទ្យាសាស្ត្រសត្វនិងអាហារ ធុរៈកិច្ច គីមី ទំនាក់ទំនាក់ អប់រំ សេដ្ឋកិច្ច បរិស្ថាន វិស្វកម្ម ជលផល ព្រៃឈើ ព័ត៌មានវិទ្យា គ្រប់គ្រង រដ្ឋបាលសាធារណៈ និងអភិវឌ្ឍន៍ជនបទ។ ក្នុងនោះ មានប្រទេសចំនួន១៤ ដូចជា ប្រទេសអូទ្រីស ប៊ែលហ្ស៊ិក សាធារណរដ្ឋឆែក អាល្លឺម៉ង បារាំង ហ្វាំងឡង់ អៀរឡង់ អ៊ីតាលី ហុងគ្រី ហូឡង់ ប៉ូឡូញ ព័រទុយហ្កាល់ អេស្ប៉ាញ និងស៊ុយអែត។
លោក George EDGAR ឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា បានមានប្រសាសន៍ថា វិស័យអប់រំ មានតួនាទីយ៉ាងសំខាន់ជាងគេនៅក្នុងប្រទេសកម្ពុជា ដែលបានកែប្រែប្រទេសកម្ពុជា ពីប្រទេសអភិវឌ្ឍន៍តិចតួច ក្លាយជាប្រទេសមានការភិវឌ្ឍន៍ប្រសើរមួយកម្រិតថែមទៀត។ លើសពីនេះ វិស័យអប់រំ បានជួយកសាងជំនាញផ្សេងៗ ដើម្បីអភិវឌ្ឍន៍សេដ្ឋកិច្ចនាសម័យទំនើប និងបានជួយផ្តល់មូលដ្ឋានសម្រាប់ប្រជាជនកម្ពុជា ក្នុងជ្រើសរើសជំនាញដែលខ្លួនពេញចិត្ត ដើម្បីអភិវឌ្ឍន៍ខ្លួនឯង ព្រមទាំងជំរុញពលរដ្ឋ ឲ្យក្លាយជាពលរដ្ឋល្អ ក្នុងការចូលរួមចំណែកអភិវឌ្ឍន៍ប្រទេសជាតិផងដែរ។ «ហេតុនេះហើយ ទើបសភាពអឺរ៉ុប ផ្តោតសំខាន់ជួយជ្រោមជ្រែងប្រទេសកម្ពុជាលើវិស័យអប់រំតាំងពីឆ្នាំ២០០៣មកនេះ ហើយយើងនឹងរំពឹងថា យើងនឹងបន្តជួយវិស័យអប់រំនៅប្រទេសកម្ពុជា » នេះជាការបញ្ជាក់ពីរបស់លោក ចន អេដហ្កា នៅក្នុងសន្និសីទសារព័ត៌មាន នៅការិយាល័យសហភាពអឺរ៉ុបប្រចាំកម្ពុជា ក្នុងរាជធានីភ្នំពេញ កាលពីល្ងាចថ្ងៃទី១៩ កក្កដា ឆ្នាំ២០១៦។ ឯកអគ្គរដ្ឋទូតសភាអឺរ៉ុបប្រចាំនៅកម្ពុជារូបនេះបន្តថា៖«គោលបំណងក្នុងការបង្កើតកម្មវិធីអាហារូបករណ៍ Erasmus+ នេះ គឺដើម្បីបង្កើតផ្សារភ្ជាប់និស្សិតនៅប្រទេសកម្ពុជាឬប្រទេសផ្សេងៗ ជាមួយនិស្សិត ឬបុគ្គិលិកសិក្សានៅសភាពអឺរ៉ុប»។ លោកបន្ថែមទៀតថា គោលបំណង នៃការបង្កើតកម្មវិធីអាហារូបករណ៍នេះ គឺដើម្បីឲ្យនិស្សិតឬបុគ្គលិកសិក្សា ទទួលបានបទពិសោធ និងចំណេះដឹងថ្មីៗ រវាងនិស្សិត ឬបុគ្គលិកសិក្សាអឺរ៉ុប និងកម្ពុជា។
លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងថា កម្មវិធីអាហារូបករណ៍ Erasmus+ បានផ្តល់អាហារូបករណ៍ដល់និស្សិតកម្ពុជាប្រមាណ៥០នាក់ក្នុងមួយឆ្នាំ ហើយក៏មានប្រទេសនៅអឺរ៉ុបដូចជា បារាំង អង់គ្លេសជាដើម តែងតែផ្តល់អាហារូបករណ៍ដោយផ្ទាល់ផងដែរ។ លោកបន្តថា មិនមែនតែនិស្សិតកម្ពុជាទេ ដែលបានទៅសិក្សានៅអឺរ៉ុប តែមាននិស្សិតអឺរ៉ុបនៅឆ្នាំនេះ បានមកសិក្សាផ្នែកអភិវឌ្ឍន៍នៅសាកលវិទ្យាល័យភូមិន្ទភ្នំពេញផងដែរ។ «មាននិស្សិតអឺរ៉ុប គេមករៀននៅកម្ពុជាដែរ ដោយសារគេយល់ឃើញថា ការរៀនពីប្រទេសកំពុងអភិវឌ្ឍន៍នៅអាស៊ី យល់ល្អ គួរមករៀននៅប្រទេសកម្ពុជា ដូច្នេះ យើងមានកម្មវិធីផ្លាស់ប្តូរនិស្សិតឲ្យទៅសិក្សាពីគ្នាទៅវិញទៅមក» នេះការបញ្ជាក់របស់ លោក ហង់ ជួនណារ៉ុន។ ថ្លែងនៅពិធីជូនដំណើរជ័យលាភីអាហារូបករណ៍សហភាពអឺរ៉ុបកាលពីល្ងាចថ្ងៃ១៩ កក្កដា នៅការិយាល័យសហភាពអឺរ៉ុបប្រចាំនៅកម្ពុជា លោក ហង់ ជួនណារ៉ុន បានបន្តថា ក្រៅពីការផ្តល់អាហារូបករណ៍ សហភាពអឺរ៉ុប គឺជាដៃគូអភិវឌ្ឍន៍មួយយ៉ាងសំខាន់សម្រាប់កំណែទម្រង់វិស័យអប់រំ និងកំណែទម្រង់ហិរញ្ញវត្ថុសាធារណៈនៅកម្ពុជាផងដែរ។
គួរបញ្ជាក់ថា ចាប់តាំងពីឆ្នាំ២០០៥ ដល់ឆ្នាំ២០១៥ កម្មវិធីអាហារូបករណ៍ Erasmus+ បានផ្តល់អាហារូបករណ៍ដល់និស្សិតកម្ពុជាប្រមាណជាង៥០០នាក់ ដើម្បីទៅសិក្សា និងបង្រៀននៅបណ្តាប្រទេសនានាក្នុងទ្វីបអឺរ៉ុប៕
និស្សិត និងបុគ្គលិកសិក្សាជាង៥០រូប ទទួលបានអាហារូបករណ៍១០០% របស់សភាពអឺរ៉ុប ក្រោមកម្មវិធីអាហារូបករណ៍ Erasmus+ លើជំនាញចំនួន១៥ រួមមាន៖ កសិកម្ម វិទ្យាសាស្ត្រសត្វនិងអាហារ ធុរៈកិច្ច គីមី ទំនាក់ទំនាក់ អប់រំ សេដ្ឋកិច្ច បរិស្ថាន វិស្វកម្ម ជលផល ព្រៃឈើ ព័ត៌មានវិទ្យា គ្រប់គ្រង រដ្ឋបាលសាធារណៈ និងអភិវឌ្ឍន៍ជនបទ។ ក្នុងនោះ មានប្រទេសចំនួន១៤ ដូចជា ប្រទេសអូទ្រីស ប៊ែលហ្ស៊ិក សាធារណរដ្ឋឆែក អាល្លឺម៉ង បារាំង ហ្វាំងឡង់ អៀរឡង់ អ៊ីតាលី ហុងគ្រី ហូឡង់ ប៉ូឡូញ ព័រទុយហ្កាល់ អេស្ប៉ាញ និងស៊ុយអែត។
លោក George EDGAR ឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា បានមានប្រសាសន៍ថា វិស័យអប់រំ មានតួនាទីយ៉ាងសំខាន់ជាងគេនៅក្នុងប្រទេសកម្ពុជា ដែលបានកែប្រែប្រទេសកម្ពុជា ពីប្រទេសអភិវឌ្ឍន៍តិចតួច ក្លាយជាប្រទេសមានការភិវឌ្ឍន៍ប្រសើរមួយកម្រិតថែមទៀត។ លើសពីនេះ វិស័យអប់រំ បានជួយកសាងជំនាញផ្សេងៗ ដើម្បីអភិវឌ្ឍន៍សេដ្ឋកិច្ចនាសម័យទំនើប និងបានជួយផ្តល់មូលដ្ឋានសម្រាប់ប្រជាជនកម្ពុជា ក្នុងជ្រើសរើសជំនាញដែលខ្លួនពេញចិត្ត ដើម្បីអភិវឌ្ឍន៍ខ្លួនឯង ព្រមទាំងជំរុញពលរដ្ឋ ឲ្យក្លាយជាពលរដ្ឋល្អ ក្នុងការចូលរួមចំណែកអភិវឌ្ឍន៍ប្រទេសជាតិផងដែរ។ «ហេតុនេះហើយ ទើបសភាពអឺរ៉ុប ផ្តោតសំខាន់ជួយជ្រោមជ្រែងប្រទេសកម្ពុជាលើវិស័យអប់រំតាំងពីឆ្នាំ២០០៣មកនេះ ហើយយើងនឹងរំពឹងថា យើងនឹងបន្តជួយវិស័យអប់រំនៅប្រទេសកម្ពុជា » នេះជាការបញ្ជាក់ពីរបស់លោក ចន អេដហ្កា នៅក្នុងសន្និសីទសារព័ត៌មាន នៅការិយាល័យសហភាពអឺរ៉ុបប្រចាំកម្ពុជា ក្នុងរាជធានីភ្នំពេញ កាលពីល្ងាចថ្ងៃទី១៩ កក្កដា ឆ្នាំ២០១៦។ ឯកអគ្គរដ្ឋទូតសភាអឺរ៉ុបប្រចាំនៅកម្ពុជារូបនេះបន្តថា៖«គោលបំណងក្នុងការបង្កើតកម្មវិធីអាហារូបករណ៍ Erasmus+ នេះ គឺដើម្បីបង្កើតផ្សារភ្ជាប់និស្សិតនៅប្រទេសកម្ពុជាឬប្រទេសផ្សេងៗ ជាមួយនិស្សិត ឬបុគ្គិលិកសិក្សានៅសភាពអឺរ៉ុប»។ លោកបន្ថែមទៀតថា គោលបំណង នៃការបង្កើតកម្មវិធីអាហារូបករណ៍នេះ គឺដើម្បីឲ្យនិស្សិតឬបុគ្គលិកសិក្សា ទទួលបានបទពិសោធ និងចំណេះដឹងថ្មីៗ រវាងនិស្សិត ឬបុគ្គលិកសិក្សាអឺរ៉ុប និងកម្ពុជា។
លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងថា កម្មវិធីអាហារូបករណ៍ Erasmus+ បានផ្តល់អាហារូបករណ៍ដល់និស្សិតកម្ពុជាប្រមាណ៥០នាក់ក្នុងមួយឆ្នាំ ហើយក៏មានប្រទេសនៅអឺរ៉ុបដូចជា បារាំង អង់គ្លេសជាដើម តែងតែផ្តល់អាហារូបករណ៍ដោយផ្ទាល់ផងដែរ។ លោកបន្តថា មិនមែនតែនិស្សិតកម្ពុជាទេ ដែលបានទៅសិក្សានៅអឺរ៉ុប តែមាននិស្សិតអឺរ៉ុបនៅឆ្នាំនេះ បានមកសិក្សាផ្នែកអភិវឌ្ឍន៍នៅសាកលវិទ្យាល័យភូមិន្ទភ្នំពេញផងដែរ។ «មាននិស្សិតអឺរ៉ុប គេមករៀននៅកម្ពុជាដែរ ដោយសារគេយល់ឃើញថា ការរៀនពីប្រទេសកំពុងអភិវឌ្ឍន៍នៅអាស៊ី យល់ល្អ គួរមករៀននៅប្រទេសកម្ពុជា ដូច្នេះ យើងមានកម្មវិធីផ្លាស់ប្តូរនិស្សិតឲ្យទៅសិក្សាពីគ្នាទៅវិញទៅមក» នេះការបញ្ជាក់របស់ លោក ហង់ ជួនណារ៉ុន។ ថ្លែងនៅពិធីជូនដំណើរជ័យលាភីអាហារូបករណ៍សហភាពអឺរ៉ុបកាលពីល្ងាចថ្ងៃ១៩ កក្កដា នៅការិយាល័យសហភាពអឺរ៉ុបប្រចាំនៅកម្ពុជា លោក ហង់ ជួនណារ៉ុន បានបន្តថា ក្រៅពីការផ្តល់អាហារូបករណ៍ សហភាពអឺរ៉ុប គឺជាដៃគូអភិវឌ្ឍន៍មួយយ៉ាងសំខាន់សម្រាប់កំណែទម្រង់វិស័យអប់រំ និងកំណែទម្រង់ហិរញ្ញវត្ថុសាធារណៈនៅកម្ពុជាផងដែរ។
គួរបញ្ជាក់ថា ចាប់តាំងពីឆ្នាំ២០០៥ ដល់ឆ្នាំ២០១៥ កម្មវិធីអាហារូបករណ៍ Erasmus+ បានផ្តល់អាហារូបករណ៍ដល់និស្សិតកម្ពុជាប្រមាណជាង៥០០នាក់ ដើម្បីទៅសិក្សា និងបង្រៀននៅបណ្តាប្រទេសនានាក្នុងទ្វីបអឺរ៉ុប៕
Tag:
EU
អាហារូបករណ៍
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
