ជាតិ
×![]()
ដោយ: សារព័ត៌មានថ្មីៗ
ភ្នំពេញ៖ សមាគមរោងចក្រកាត់ដេរនៅកម្ពុជា (GMAC) សម្ដែងការជំទាស់ចំពោះការអំពាវនាវរបស់ ឯកឧត្តម សម រង្ស៊ី កាលពីពេលថ្មីៗ ដែលឲ្យសហគមន៍អឺរ៉ុបបិទទីផ្សារនាំចូលវាយនភណ្ឌរបស់កម្ពុជា។ តំណាង GMAC ឲ្យដឹងថា បើអឺរ៉ុបបន្ថយការនាំចូលសម្លៀកបំពាក់ពីកម្ពុជាមែន នោះនឹងធ្វើឲ្យប៉ះពាល់ដល់កម្មករនិយោជិតមុនគេ។
នៅក្នុងសេចក្ដីប្រកាសដែលចុះថ្ងៃទី២០ខែកក្កដា លោក ខេន លូ អគ្គលេខាធិកា GMAC ថ្លែងថា៖«សហភាពអឺរ៉ុបគឺជាទីផ្សារធំបំផុត សម្រាប់ការនាំចេញសម្លៀកបំពាក់របស់កម្ពុជា ហើយបើសហភាពអឺរ៉ុបចាត់វិធានការណាមួយដើម្បីបន្ថយការនាំចូលមានន័យស្មើនឹងការវាយបំបែកឆ្នាំងបាយរបស់កម្មករយ៉ាងដូច្នោះដែរ»។
លោកបន្ថែមថា៖«កម្មករអាចនឹងបាត់បង់ការងារធ្វើ ខណៈដែលនិយោជកអាចនឹងត្រូវរើអាជីវកម្មរបស់ខ្លួនចេញពីកម្ពុជា ដោយសារតែពួកគេលែងអាចនាំចេញផលិតផលរបស់ខ្លួនទៅសហភាពអឺរ៉ុបបានទៀត»។
អគ្គលេខាធិការ GMAC រូបនេះចាត់ទុកការលើកឡើងរបស់ឯកឧត្តម សម រង្ស៊ី ថានឹងធ្វើឲ្យមានការមិនសប្បាយចិត្តពីកម្មករ និងនិយោជក។
ជាមួយគ្នានេះ GMAC ក៏អំពាវនាវឲ្យមានកិច្ចខិតខំប្រឹងប្រែងរួមគ្នាពីភាគីពាក់ព័ន្ធទាំងអស់ ដើម្បីលើកកម្ពស់ឧស្សាហកម្មវាយនភណ្ឌកម្ពុជា ខណៈមានការប្រកួតប្រជែងទីផ្សារកាន់តែខ្លាំងឡើងក្នុងវិស័យមួយនេះ៕
នៅក្នុងសេចក្ដីប្រកាសដែលចុះថ្ងៃទី២០ខែកក្កដា លោក ខេន លូ អគ្គលេខាធិកា GMAC ថ្លែងថា៖«សហភាពអឺរ៉ុបគឺជាទីផ្សារធំបំផុត សម្រាប់ការនាំចេញសម្លៀកបំពាក់របស់កម្ពុជា ហើយបើសហភាពអឺរ៉ុបចាត់វិធានការណាមួយដើម្បីបន្ថយការនាំចូលមានន័យស្មើនឹងការវាយបំបែកឆ្នាំងបាយរបស់កម្មករយ៉ាងដូច្នោះដែរ»។
លោកបន្ថែមថា៖«កម្មករអាចនឹងបាត់បង់ការងារធ្វើ ខណៈដែលនិយោជកអាចនឹងត្រូវរើអាជីវកម្មរបស់ខ្លួនចេញពីកម្ពុជា ដោយសារតែពួកគេលែងអាចនាំចេញផលិតផលរបស់ខ្លួនទៅសហភាពអឺរ៉ុបបានទៀត»។
អគ្គលេខាធិការ GMAC រូបនេះចាត់ទុកការលើកឡើងរបស់ឯកឧត្តម សម រង្ស៊ី ថានឹងធ្វើឲ្យមានការមិនសប្បាយចិត្តពីកម្មករ និងនិយោជក។
ជាមួយគ្នានេះ GMAC ក៏អំពាវនាវឲ្យមានកិច្ចខិតខំប្រឹងប្រែងរួមគ្នាពីភាគីពាក់ព័ន្ធទាំងអស់ ដើម្បីលើកកម្ពស់ឧស្សាហកម្មវាយនភណ្ឌកម្ពុជា ខណៈមានការប្រកួតប្រជែងទីផ្សារកាន់តែខ្លាំងឡើងក្នុងវិស័យមួយនេះ៕
Tag:
GMAC
សម រង្ស៊ី
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
