អន្តរជាតិ
លោក Duterte ប្រាប់ចិនឲ្យចាត់ទុកហ្វីលីពីនជា«បងប្អូនប្រុសមិនមែនជាសត្រូវឡើយ»
ប្រធានាធិបតីហ្វីលីពីន លោក Rodrigo Duterte ចាប់ដៃជាមួយទូតចិនប្រចាំហ្វីលីពីន លោក Zhao Jianhua។ រូបថត PPD
×![]()
រយៈពេលជាងមួយខែហើយដែលតុលាការអន្តរជាតិក្រុងឡាអេ បានប្រកាសសាលក្រមស្ថាពរសមុទ្រចិនខាងត្បូង តែ មិនទាន់មានភាគីណាមួយអនុវត្តនៅឡើយនោះទេ ដ្បិតសាលក្រមនោះ បានទទួលស្គាល់ត្រឹមតែជាលក្ខណៈឯកតោភាគីប៉ុណ្ណោះ។ ហ្វីលីពីនដែលជាដើមបណ្តឹងដែលឈ្នះក្តីសំណុំរឿងនេះផងដែរនោះ មិនទាន់ហ៊ានប្រើសម្តីធ្ងន់ៗទៅលើចិននោះទេរួមទាំការលើកឡើងពីសាលក្រមផងដែរ។ តែរដ្ឋាភិបាលក្រុង ម៉ានីល ប្រាប់ឲ្យចិនយល់ពីផលលំបាកខ្លួន និងសម្បទានឲ្យខ្លួនលើតំបន់មួយចំនួននៃតំបន់ជម្លោះសមុទ្រចិនខាងត្បូង។
«ខ្ញុំ សង្ឃឹមថា ចិន បើកបេះដូងដោយស្វែងរកកន្លែងមួយសម្រាប់ហ្វីលីពីន។ ខ្ញុំ សង្ឃឹមថា អ្នកចាត់ទុកយើងដូចជាបងប្អូនប្រុស ដែលមិនមែនជាគូសត្រូវ ហើយអ្នកក៏គួរតែកត់សម្គាល់ពីផលលំបាករបស់យើងផងដែរ»។ នេះ គឺសេចក្តីថ្លែងការណ៍បែបតវ៉ារបស់ប្រធានាធិបតីហ្វីលីពីនលោក Rodrigo Duterte នៅចំមុខអគ្គរដ្ឋទូតចិនប្រចាំក្រុងម៉ានីលលោក Zhao Jinhua ដែលបានចូលរួមថ្ងៃរម្លឹកវីរៈបុរសហ្វីលីពីននៅថ្ងៃទី២៩ខែសីហាម្សិលមិញ ដែលបានស្រង់សម្តីដោយសារព័ត៌មាន The Jakarta Post។
នៅចំមុខមន្ត្រីការទូតជាន់ខ្ពស់នោះដែរ លោក Duterte ក៏បានបញ្ជាក់ជាថ្មីពីគោលជំហររបស់លោកក្នុងការចរចាទ្វេភាគីជាមួយនឹងចិន តែលោក មិនទាន់និយាយស៊ីជម្រៅពីសាលក្រមសមុទ្រចិនខាងត្បូងនោះទេ។ លោក សង្កត់ធ្ងន់ថា លោក មិននាំយកបញ្ហា(សាលក្រម) ដោយ លោក គិតថា វា អាចនឹងមិនល្អ និងធ្វើឲ្យការសន្ទនាជាមួយនឹងចិនជួបរឿងរកាំរកូស។
ដូចសព្វមួយដង លោកប្រធានាធិបតី ក៏បានលើកឡើងជាថ្មីថា « ខ្ញុំ មិនចង់ធ្វើសង្គ្រាមជាមួយនឹងចិននោះទេ។ តែសង្គ្រាម និងសន្តិភាព តែងតែដើរទន្ទឹមគ្នា។ ខ្ញុំ មិនទាន់ត្រៀមលក្ខណៈរួចជាស្រេចក្នុងការធ្វើសង្គ្រាមនៅឡើយនោះទេ ដូច្នេះ សន្តិភាពគឺជម្រើសតែមួយគត់»។ នេះបើយោងតាមប្រភពព័ត៌មានដដែលបានដែលបានបន្ថែមដែរថា ប្រមុខរដ្ឋហ្វីលីពីន ក៏បានឆ្លៀតនិយាយក្នុងន័យកំប្លែងពាក់ព័ន្ធនឹងសង្គ្រាមទៅកាន់មន្ត្រីទូតជាន់ខ្ពស់នោះថា «លោកអគ្គរដ្ឋទូត ខ្ញុំចង់និយាយជាមួយនឹងអ្នកបន្តិច។ សូមទុកពេលឲ្យយើងដើម្បីកសាងសមត្ថភាពសិន ព្រោះអ្នក មានប្រៀបលើយើងច្រើនណាស់»។
ជុំវិញសេចក្តីថ្លែងការណ៍នេះ លោកអគ្គរដ្ឋទូតចិន Zhao Jinhua បានថ្លែងនៅក្រៅនៃកម្មវិធីនោះថា ចិន កំពុងទន្ទឹងរង់ចាំការជជែកជាមួយនឹងហ្វីលីពីនជាលក្ខណៈទ្វេភាគីលើបញ្ហាសមុទ្រចិនខាងត្បូង តែ លោក ក៏ផ្ញើសារទៅកាន់ហ្វីលីពីនដែរថា ចិន មិនស្វាគមន៍ឡើយ បើសិនជាការចរចានោះ ភ្ជាប់ជាមួយនឹងសាលក្រមតុលាការអន្តរជាតិក្រុងឡាអេ។
សូមជម្រាបផងដែរថា នៅថ្ងៃទី១២ ខែកក្កដា កន្លងទៅ តុលាការមជ្ឈត្តការអចិន្ត្រៃយ៍ ក្រុងឡាអេ នៃប្រទេសហូឡង់ បានប្រកាសសាលក្រមសមុទ្រចិនខាងត្បូងតាមបណ្តឹងរបស់រដ្ឋបាលអតីតប្រធានាធិបតីហ្វីលីពីន លោក ប៊ែរនីណូ អាហ្គីណូ ដោយបកស្រាយ ថា ការទាមទារ និងសកម្មភាពរបស់ចិននៅក្នុងសមុទ្រចិនខាងត្បូង មិនមានមូលដ្ឋានផ្នែកច្បាប់ឡើយ។ ក្រោយការប្រកាសនោះ ចិន បានប្រកាសដាច់ខាតមិនទទួលស្គាល់ទាំងយុត្តាធិការតុលាការ និងសាលក្រមនោះទេ៕
«ខ្ញុំ សង្ឃឹមថា ចិន បើកបេះដូងដោយស្វែងរកកន្លែងមួយសម្រាប់ហ្វីលីពីន។ ខ្ញុំ សង្ឃឹមថា អ្នកចាត់ទុកយើងដូចជាបងប្អូនប្រុស ដែលមិនមែនជាគូសត្រូវ ហើយអ្នកក៏គួរតែកត់សម្គាល់ពីផលលំបាករបស់យើងផងដែរ»។ នេះ គឺសេចក្តីថ្លែងការណ៍បែបតវ៉ារបស់ប្រធានាធិបតីហ្វីលីពីនលោក Rodrigo Duterte នៅចំមុខអគ្គរដ្ឋទូតចិនប្រចាំក្រុងម៉ានីលលោក Zhao Jinhua ដែលបានចូលរួមថ្ងៃរម្លឹកវីរៈបុរសហ្វីលីពីននៅថ្ងៃទី២៩ខែសីហាម្សិលមិញ ដែលបានស្រង់សម្តីដោយសារព័ត៌មាន The Jakarta Post។
នៅចំមុខមន្ត្រីការទូតជាន់ខ្ពស់នោះដែរ លោក Duterte ក៏បានបញ្ជាក់ជាថ្មីពីគោលជំហររបស់លោកក្នុងការចរចាទ្វេភាគីជាមួយនឹងចិន តែលោក មិនទាន់និយាយស៊ីជម្រៅពីសាលក្រមសមុទ្រចិនខាងត្បូងនោះទេ។ លោក សង្កត់ធ្ងន់ថា លោក មិននាំយកបញ្ហា(សាលក្រម) ដោយ លោក គិតថា វា អាចនឹងមិនល្អ និងធ្វើឲ្យការសន្ទនាជាមួយនឹងចិនជួបរឿងរកាំរកូស។
ដូចសព្វមួយដង លោកប្រធានាធិបតី ក៏បានលើកឡើងជាថ្មីថា « ខ្ញុំ មិនចង់ធ្វើសង្គ្រាមជាមួយនឹងចិននោះទេ។ តែសង្គ្រាម និងសន្តិភាព តែងតែដើរទន្ទឹមគ្នា។ ខ្ញុំ មិនទាន់ត្រៀមលក្ខណៈរួចជាស្រេចក្នុងការធ្វើសង្គ្រាមនៅឡើយនោះទេ ដូច្នេះ សន្តិភាពគឺជម្រើសតែមួយគត់»។ នេះបើយោងតាមប្រភពព័ត៌មានដដែលបានដែលបានបន្ថែមដែរថា ប្រមុខរដ្ឋហ្វីលីពីន ក៏បានឆ្លៀតនិយាយក្នុងន័យកំប្លែងពាក់ព័ន្ធនឹងសង្គ្រាមទៅកាន់មន្ត្រីទូតជាន់ខ្ពស់នោះថា «លោកអគ្គរដ្ឋទូត ខ្ញុំចង់និយាយជាមួយនឹងអ្នកបន្តិច។ សូមទុកពេលឲ្យយើងដើម្បីកសាងសមត្ថភាពសិន ព្រោះអ្នក មានប្រៀបលើយើងច្រើនណាស់»។
ជុំវិញសេចក្តីថ្លែងការណ៍នេះ លោកអគ្គរដ្ឋទូតចិន Zhao Jinhua បានថ្លែងនៅក្រៅនៃកម្មវិធីនោះថា ចិន កំពុងទន្ទឹងរង់ចាំការជជែកជាមួយនឹងហ្វីលីពីនជាលក្ខណៈទ្វេភាគីលើបញ្ហាសមុទ្រចិនខាងត្បូង តែ លោក ក៏ផ្ញើសារទៅកាន់ហ្វីលីពីនដែរថា ចិន មិនស្វាគមន៍ឡើយ បើសិនជាការចរចានោះ ភ្ជាប់ជាមួយនឹងសាលក្រមតុលាការអន្តរជាតិក្រុងឡាអេ។
សូមជម្រាបផងដែរថា នៅថ្ងៃទី១២ ខែកក្កដា កន្លងទៅ តុលាការមជ្ឈត្តការអចិន្ត្រៃយ៍ ក្រុងឡាអេ នៃប្រទេសហូឡង់ បានប្រកាសសាលក្រមសមុទ្រចិនខាងត្បូងតាមបណ្តឹងរបស់រដ្ឋបាលអតីតប្រធានាធិបតីហ្វីលីពីន លោក ប៊ែរនីណូ អាហ្គីណូ ដោយបកស្រាយ ថា ការទាមទារ និងសកម្មភាពរបស់ចិននៅក្នុងសមុទ្រចិនខាងត្បូង មិនមានមូលដ្ឋានផ្នែកច្បាប់ឡើយ។ ក្រោយការប្រកាសនោះ ចិន បានប្រកាសដាច់ខាតមិនទទួលស្គាល់ទាំងយុត្តាធិការតុលាការ និងសាលក្រមនោះទេ៕
Tag:
ហ្វីលីពីន
សមុទ្រចិនខាងត្បូង
អាស៊ាន
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
