ក្រោយបាក់ឌុប៖ រដ្ឋមន្ត្រីក្រសួងអប់រំ ប្រាប់ជំនាញដែលសម្បូរទីផ្សារការងារ

ជាតិ

ក្រោយបាក់ឌុប៖ រដ្ឋមន្ត្រីក្រសួងអប់រំ ប្រាប់ជំនាញដែលសម្បូរទីផ្សារការងារ

17, Sep 2016 , 4:59 pm

រូបភាព

ដោយ:

ភ្នំពេញ៖ ខណៈសិស្សកំពុងពិចារណាជ្រើសរើសជំនាញសិក្សា នៅតាមសាកលវិទ្យាល័យ ឬសាលាបណ្តុះបណ្តាលនានា លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងថា ជំនាញដែលសម្បូរទីផ្សារការងារទាំងនៅកម្ពុជា និងបណ្តាប្រទេសអាស៊ាន គឺ ជំនាញបច្ចេកទេស វិស្វកម្ម និងជំនាញផ្សេងទៀត។

រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណារ៉ុន បានប្រសាន៍ថា ជំនាញដែលសម្បូរទីផ្សារការងារនៅកម្ពុជា និងបណ្តាប្រទេសអាស៊ាន គឺមានជំនាញបច្ចេកទេស និងវិស្វកម្ម។ ថ្លែងប្រាប់ក្រុមអ្នកសារព័ត៌មាននៅថ្ងៃទី១៧ ខែកញ្ញានេះ លោករដ្ឋមន្ត្រី បានបញ្ជាក់បន្ថែមថា មានជំនាញមួយចំនួន ដែលមិនមែនជាជំនាញបច្ចេកទេស ក៏មានទីផ្សារការងារដែរ ប្រសិនបើនិស្សិតចេះជំនាញនោះច្បាស់លាស់។ ការថ្លែងនេះ គឺធ្វើឡើងក្រោយពីលោករដ្ឋមន្ត្រី បញ្ចប់សុន្ទរកថា ក្នុងសិក្ខាសាលាតម្រង់ទិសមុខជំនាញនៅថ្នាក់ឧត្តមសិក្សា សម្រាប់សិស្សជាប់បាក់ឌុប ដែលរៀបចំដោយ វិទ្យាស្ថាន CAM-ASEAN នៅមជ្ឈមណ្ឌលសហប្រតិបត្តិការកម្ពុជា-ជប៉ុន(CJCC)។

សូមអញ្ជើញស្តាប់ប្រសាសន៍របស់ លោក ហង់ ជួនណារ៉ុន ខាងក្រោមនេះ៖