អន្តរជាតិ
BRICS ប្តេជ្ញាជំរុញការបើកចំហរសេដ្ឋកិច្ច, រក្សាយុត្តិធម៌ពិភពលោក និងអភិវឌ្ឍរួមគ្នា
×![]()
ដោយ: ថ្មីៗ
ក្នុងកិច្ចប្រជុំកំពូលក្រុមប្រទេសមហាអំណាចសេដ្ឋកិច្ចថ្មី BRICS ប្រធានាធិបតីចិន អំពាវនាវឲ្យមេដឹកនាំប្រទេសជាសមាជិកផ្សេងពង្រឹងកិច្ចសហប្រតិបត្តិការរួមគ្នាដើម្បីដោះស្រាយបញ្ហាប្រឈមដែលមានសម្រាប់ប្រទេសសេដ្ឋកិច្ចថ្មីនេះ។ លោកបានស្នើផែនការប្រាំចំណុចក្នុងនោះមានការកសាងសេដ្ឋកិច្ចបើកទូលាយ, រៀបចំផែនទីអភិវឌ្ឍន៍រួមគ្នា, ការពារយុត្តិធម៌និងសមធម៌នៅក្នុងសហគមអន្តរជាតិ, ពង្រឹងភាពជាដៃគូរវាងសមាជិក BRICS និងដោះស្រាយបញ្ហាប្រឈមធំៗរបស់ពិភពលោកផងដែរ។
កិច្ចប្រជុំប្រទេស BRICS ឬកិច្ចប្រជុំកំពូលប្រទេសមហាអំណាចសេដ្ឋកិច្ចថ្មី BRICS ត្រូវបានរៀបចំឡើងនៅក្នុងរដ្ឋ Goa នៃប្រទេសឥណ្ឌាពីថ្ងៃ ១៥ ដល់ថ្ងៃ ១៦ ខែតុលាកន្លងទៅ ក្រោមប្រធានបទ « ការកសាងដំណោះស្រាយដែលប្រកបដោយការឆ្លើយតប,រួមបញ្ចូល និងសហការ»។ កិច្ចប្រជុំនេះបញ្ចប់ទៅដោយសមាជិកទាំង ៥ ប្រកាសប្តេជ្ញាចិត្តបន្តពង្រឹងកិច្ចសហប្រតិបត្តិការក្នុងចំណោមសមាជិកដើម្បីដោះស្រាយបញ្ហាពិភពលោក និងបង្កើតប្រយោជន៍រួមគ្នា។
យោងតាមទីភ្នាក់ងារព័ត៌មាន Xinhua ក្នុងកិច្ចប្រជុំនេះ ប្រធានាធិបតីចិនលោក ស៊ី ជិនពីង បានលើកឡើងថា ក្រុមប្រទេស BRICS ត្រូវបន្តពង្រឹងកិច្ចសហប្រតិបត្តិការរួមគ្នាដើម្បីធានាថា សេដ្ឋកិច្ចពិភពលោកនឹងបន្តបើកទូលាយ ហើយសហគមន៍អន្តរជាតិនេះនឹងមានសមធម៌និងយុត្តិធម៌ផងដែរ។ លោកប្រឆាំងដាច់ខាតចំពោះគោលការណ៍គាំពារនិយមក្នុងកិច្ចសហប្រតិបត្តិការសេដ្ឋកិច្ច។
លោក ស៊ី ជិនពីង ក៏បានស្នើឲ្យមានការទទួលយកផែនការ ៥ចំណុចក្នុងនោះមានដូចជា ការកសាងសេដ្ឋកិច្ចបើកទូលាយ, រៀបចំផែនទីអភិវឌ្ឍន៍រួមគ្នា, ការពារយុត្តិធម៌និងសមធម៌នៅក្នុងសហគមអន្តរជាតិ, ពង្រឹងភាពជាដៃគូរវាងសមាជិក BRICS និងដោះស្រាយបញ្ហាប្រឈមធំៗរបស់ពិភពលោកផងដែរ។
សូមបើកវង់ក្រចកបន្តិចដែរ។ គំនិតផ្តួចផ្តើមដែលស្នើឡើងដោយប្រធានាធិបតីចិនមានគោលដៅចម្បងត្រួសត្រាយផ្លូវនិងជំរុញរាល់កិច្ចសហប្រតិបត្តិការទាំងឡាយណាដែលអាចបង្កើតភាពបើកចំហរកាន់តែទូលំទូលាយផ្នែកសេដ្ឋកិច្ចក្នុងក្របខណ្ឌពិភពលោក និងការពារយុត្តិធម៌ ក៏ដូចជាសមធម៌ក្នុងសហគមន៍អន្តរជាតិទាំងមូល។ វាអាចសម្រេចបានតាមរយៈបង្កើនសំឡេងរបស់ប្រទេសមហាអំណាចសេដ្ឋកិច្ចថ្មីដោយការរៀបចំការកែទម្រង់ប្រព័ន្ធហិរញ្ញវត្ថុ និងប្រព័ន្ធគ្រប់គ្រងពិភពលោកជារួម។
មួយវិញទៀត ផែនការប្រាំចំណុចរបស់លោក ស៊ី ជិនពីង ក៏ផ្តោតសំខាន់លើការជំរុញរាល់កិច្ចសហប្រតិបត្តិការកម្រិតពិភពលោកឲ្យកាន់តែស៊ីជម្រៅនិងជិតស្និទ្ធជាងមុនលើវិស័យមួយចំនួនមាន សេដ្ឋកិច្ច, ពាណិជ្ជកម្ម,ហិរញ្ញវត្ថុ, កសិកម្ម, នគរូបនីយកម្ម, ហេដ្ឋារចនាសម្ព័ន្ធ និងសន្តិសុខផងដែរ។ ការពង្រឹងទំនាក់ទំនងរវាងប្រទេសនិងប្រទេសនេះនឹងរួមចំណែកសំខាន់ក្នុងការដោះស្រាយបញ្ហាសំខាន់ដែលពិភពលោកកំពុងជួបប្រទះឲ្យកាន់តែមានប្រសិទ្ធភាពថែមទៀត។
ដោយឡែកពាក់ព័ន្ធការបង្កើនកិច្ចសហប្រតិបត្តិការប្រទេស BRICS លោក វ្ល៉ាឌីមៀ ពូទីន ប្រធានាធិបតីរុស្ស៊ីបានកត់សម្គាល់ថា កិច្ចសហប្រតិបត្តិការរវាងសមាជិកទាំងអស់បានរួមចំណែកសំខាន់ក្នុងការសម្របសម្រួលដល់ការងើបឡើងវិញនៃសេដ្ឋកិច្ចពិភពលោក ហើយលោកក៏អំពាវនាវឲ្យសមាជិកទាំង ៥ បន្តអនុវត្តផែនការយុទ្ធសាស្ត្រ «ភាពជាដៃគូសេដ្ឋកិច្ច BRICS »ដែលត្រូវបានអនុម័តឡើងកាលពីឆ្នាំមុននៅសន្និសីទកំពូល Ufa ផងដែរ។
ចំណែកប្រធានាធិបតីអាហ្វ្រិកខាងត្បូងលោក Jacob Zuma បានលើកឡើងផងដែរថា ប្រទេសរបស់លោកសង្ឃឹមថាវានឹងមានការពង្រឹងកិច្ចសហប្រតិបត្តិការក្នុងងវិស័យចម្បងៗជាច្រើនមានដូចជាការគ្រប់គ្រងធនធានទឹក, សេដ្ឋកិច្ចឌីជីថល, វិនិយោគទុន និងហិរញ្ញវត្ថុ, ការចៃ្នប្រឌិត, សហគ្រាសធុនតូចនិងមធ្យម, ការស្រាវជ្រាវនិងកិច្ចសហប្រតិបត្តិការលំហអាកាស, មហាសមុទ្រ, និងទំនាក់ទំនងរវាងប្រជាជននិងប្រជាជនជាដើម។ ហើយលោកអំពាវនាវឲ្យសមាជិកទាំងអស់បន្តការសហការគ្នាដើម្បីគាំទ្រសហគមន៍អន្តរជាតិដែលកំពុងដោះស្រាយបញ្ហាប្រឈមធំៗនោះ។
ឯប្រធានាធិបតីប្រេស៊ីលលោក Michel Temer បានលើកឡើងស្រដៀងគ្នាថា ប្រទេស BRICS គួរតែសាមគ្គីគ្នាជាធ្លុងមួយដើម្បីលើកស្ទួយភាពជាដៃគូសេដ្ឋកិច្ច ពាណិជ្ជកម្ម វិទ្យាសាស្ត្រ បរិស្ថាន វប្បធម៌ និងវិស័យផ្សេងទៀតដើម្បីទទួលប្រយោជន៍រួមគ្នា។លោកអះអាងថាមានតែការសហការគ្នាឲ្យកាន់តែជិតស្និទ្ធប៉ុណ្ណោះទើបអាចជួយឲ្យក្រុម BRICS ដោះស្រាយបញ្ហាប្រឈមបានស្រួលនិងមានប្រសិទ្ធភាព។
ចុងក្រោយ នាយករដ្ឋមន្ត្រីឥណ្ឌាលោក Narendra Modi បានដង្ហើយដោយមេដឹកនាំប្រទេសទាំងប្រាំបន្តតួនាទីចម្បងរបស់ខ្លួនក្នុងក្របខណ្ឌនៃវេទិកាក្រុមប្រទេស ២០ និង អង្គការពាណិជ្ជកម្មពិភពលោកជាដើម។ ហើយការពង្រឹងទំនាក់ទំនងផ្ទៃក្នុងទាំងពាណិជ្ជកម្ម, សេដ្ឋកិច្ច, កសិកម្ម, ហេដ្ឋារចនាសម្ព័ន្ធ និងសន្តិសុខ សុទ្ធសឹងតែជាអ្វីដែលប្រទេសទាំងប្រាំត្រូវផ្តោតការយកចិត្តទុកដាក់។
សូមបញ្ជាក់ថា ក្រុម BRICS តំណាងឲ្យមហាអំណាចសេដ្ឋកិច្ចថ្មី ចំនួន៥ ក្នុងនោះមានប្រស៊ីល,រុស្ស៊ី,ឥណ្ឌា, ចិន និងអាហ្វ្រិកខាងត្បូងផងដែរ។ ក្រុមប្រទេសនេះចាប់ផ្តើមកិច្ចប្រជុំរបស់ខ្លួនជាបន្តបន្ទាប់ចាប់ពីឆ្នាំ ២០០៦ ហើយមកឆ្នាំ ២០០៩ ទើបមានបណ្តាប្រទេសទាំងនេះរៀបចំកិច្ចប្រជុំកំពូលតែម្តង៕
កិច្ចប្រជុំប្រទេស BRICS ឬកិច្ចប្រជុំកំពូលប្រទេសមហាអំណាចសេដ្ឋកិច្ចថ្មី BRICS ត្រូវបានរៀបចំឡើងនៅក្នុងរដ្ឋ Goa នៃប្រទេសឥណ្ឌាពីថ្ងៃ ១៥ ដល់ថ្ងៃ ១៦ ខែតុលាកន្លងទៅ ក្រោមប្រធានបទ « ការកសាងដំណោះស្រាយដែលប្រកបដោយការឆ្លើយតប,រួមបញ្ចូល និងសហការ»។ កិច្ចប្រជុំនេះបញ្ចប់ទៅដោយសមាជិកទាំង ៥ ប្រកាសប្តេជ្ញាចិត្តបន្តពង្រឹងកិច្ចសហប្រតិបត្តិការក្នុងចំណោមសមាជិកដើម្បីដោះស្រាយបញ្ហាពិភពលោក និងបង្កើតប្រយោជន៍រួមគ្នា។
យោងតាមទីភ្នាក់ងារព័ត៌មាន Xinhua ក្នុងកិច្ចប្រជុំនេះ ប្រធានាធិបតីចិនលោក ស៊ី ជិនពីង បានលើកឡើងថា ក្រុមប្រទេស BRICS ត្រូវបន្តពង្រឹងកិច្ចសហប្រតិបត្តិការរួមគ្នាដើម្បីធានាថា សេដ្ឋកិច្ចពិភពលោកនឹងបន្តបើកទូលាយ ហើយសហគមន៍អន្តរជាតិនេះនឹងមានសមធម៌និងយុត្តិធម៌ផងដែរ។ លោកប្រឆាំងដាច់ខាតចំពោះគោលការណ៍គាំពារនិយមក្នុងកិច្ចសហប្រតិបត្តិការសេដ្ឋកិច្ច។
លោក ស៊ី ជិនពីង ក៏បានស្នើឲ្យមានការទទួលយកផែនការ ៥ចំណុចក្នុងនោះមានដូចជា ការកសាងសេដ្ឋកិច្ចបើកទូលាយ, រៀបចំផែនទីអភិវឌ្ឍន៍រួមគ្នា, ការពារយុត្តិធម៌និងសមធម៌នៅក្នុងសហគមអន្តរជាតិ, ពង្រឹងភាពជាដៃគូរវាងសមាជិក BRICS និងដោះស្រាយបញ្ហាប្រឈមធំៗរបស់ពិភពលោកផងដែរ។
សូមបើកវង់ក្រចកបន្តិចដែរ។ គំនិតផ្តួចផ្តើមដែលស្នើឡើងដោយប្រធានាធិបតីចិនមានគោលដៅចម្បងត្រួសត្រាយផ្លូវនិងជំរុញរាល់កិច្ចសហប្រតិបត្តិការទាំងឡាយណាដែលអាចបង្កើតភាពបើកចំហរកាន់តែទូលំទូលាយផ្នែកសេដ្ឋកិច្ចក្នុងក្របខណ្ឌពិភពលោក និងការពារយុត្តិធម៌ ក៏ដូចជាសមធម៌ក្នុងសហគមន៍អន្តរជាតិទាំងមូល។ វាអាចសម្រេចបានតាមរយៈបង្កើនសំឡេងរបស់ប្រទេសមហាអំណាចសេដ្ឋកិច្ចថ្មីដោយការរៀបចំការកែទម្រង់ប្រព័ន្ធហិរញ្ញវត្ថុ និងប្រព័ន្ធគ្រប់គ្រងពិភពលោកជារួម។
មួយវិញទៀត ផែនការប្រាំចំណុចរបស់លោក ស៊ី ជិនពីង ក៏ផ្តោតសំខាន់លើការជំរុញរាល់កិច្ចសហប្រតិបត្តិការកម្រិតពិភពលោកឲ្យកាន់តែស៊ីជម្រៅនិងជិតស្និទ្ធជាងមុនលើវិស័យមួយចំនួនមាន សេដ្ឋកិច្ច, ពាណិជ្ជកម្ម,ហិរញ្ញវត្ថុ, កសិកម្ម, នគរូបនីយកម្ម, ហេដ្ឋារចនាសម្ព័ន្ធ និងសន្តិសុខផងដែរ។ ការពង្រឹងទំនាក់ទំនងរវាងប្រទេសនិងប្រទេសនេះនឹងរួមចំណែកសំខាន់ក្នុងការដោះស្រាយបញ្ហាសំខាន់ដែលពិភពលោកកំពុងជួបប្រទះឲ្យកាន់តែមានប្រសិទ្ធភាពថែមទៀត។
ដោយឡែកពាក់ព័ន្ធការបង្កើនកិច្ចសហប្រតិបត្តិការប្រទេស BRICS លោក វ្ល៉ាឌីមៀ ពូទីន ប្រធានាធិបតីរុស្ស៊ីបានកត់សម្គាល់ថា កិច្ចសហប្រតិបត្តិការរវាងសមាជិកទាំងអស់បានរួមចំណែកសំខាន់ក្នុងការសម្របសម្រួលដល់ការងើបឡើងវិញនៃសេដ្ឋកិច្ចពិភពលោក ហើយលោកក៏អំពាវនាវឲ្យសមាជិកទាំង ៥ បន្តអនុវត្តផែនការយុទ្ធសាស្ត្រ «ភាពជាដៃគូសេដ្ឋកិច្ច BRICS »ដែលត្រូវបានអនុម័តឡើងកាលពីឆ្នាំមុននៅសន្និសីទកំពូល Ufa ផងដែរ។
ចំណែកប្រធានាធិបតីអាហ្វ្រិកខាងត្បូងលោក Jacob Zuma បានលើកឡើងផងដែរថា ប្រទេសរបស់លោកសង្ឃឹមថាវានឹងមានការពង្រឹងកិច្ចសហប្រតិបត្តិការក្នុងងវិស័យចម្បងៗជាច្រើនមានដូចជាការគ្រប់គ្រងធនធានទឹក, សេដ្ឋកិច្ចឌីជីថល, វិនិយោគទុន និងហិរញ្ញវត្ថុ, ការចៃ្នប្រឌិត, សហគ្រាសធុនតូចនិងមធ្យម, ការស្រាវជ្រាវនិងកិច្ចសហប្រតិបត្តិការលំហអាកាស, មហាសមុទ្រ, និងទំនាក់ទំនងរវាងប្រជាជននិងប្រជាជនជាដើម។ ហើយលោកអំពាវនាវឲ្យសមាជិកទាំងអស់បន្តការសហការគ្នាដើម្បីគាំទ្រសហគមន៍អន្តរជាតិដែលកំពុងដោះស្រាយបញ្ហាប្រឈមធំៗនោះ។
ឯប្រធានាធិបតីប្រេស៊ីលលោក Michel Temer បានលើកឡើងស្រដៀងគ្នាថា ប្រទេស BRICS គួរតែសាមគ្គីគ្នាជាធ្លុងមួយដើម្បីលើកស្ទួយភាពជាដៃគូសេដ្ឋកិច្ច ពាណិជ្ជកម្ម វិទ្យាសាស្ត្រ បរិស្ថាន វប្បធម៌ និងវិស័យផ្សេងទៀតដើម្បីទទួលប្រយោជន៍រួមគ្នា។លោកអះអាងថាមានតែការសហការគ្នាឲ្យកាន់តែជិតស្និទ្ធប៉ុណ្ណោះទើបអាចជួយឲ្យក្រុម BRICS ដោះស្រាយបញ្ហាប្រឈមបានស្រួលនិងមានប្រសិទ្ធភាព។
ចុងក្រោយ នាយករដ្ឋមន្ត្រីឥណ្ឌាលោក Narendra Modi បានដង្ហើយដោយមេដឹកនាំប្រទេសទាំងប្រាំបន្តតួនាទីចម្បងរបស់ខ្លួនក្នុងក្របខណ្ឌនៃវេទិកាក្រុមប្រទេស ២០ និង អង្គការពាណិជ្ជកម្មពិភពលោកជាដើម។ ហើយការពង្រឹងទំនាក់ទំនងផ្ទៃក្នុងទាំងពាណិជ្ជកម្ម, សេដ្ឋកិច្ច, កសិកម្ម, ហេដ្ឋារចនាសម្ព័ន្ធ និងសន្តិសុខ សុទ្ធសឹងតែជាអ្វីដែលប្រទេសទាំងប្រាំត្រូវផ្តោតការយកចិត្តទុកដាក់។
សូមបញ្ជាក់ថា ក្រុម BRICS តំណាងឲ្យមហាអំណាចសេដ្ឋកិច្ចថ្មី ចំនួន៥ ក្នុងនោះមានប្រស៊ីល,រុស្ស៊ី,ឥណ្ឌា, ចិន និងអាហ្វ្រិកខាងត្បូងផងដែរ។ ក្រុមប្រទេសនេះចាប់ផ្តើមកិច្ចប្រជុំរបស់ខ្លួនជាបន្តបន្ទាប់ចាប់ពីឆ្នាំ ២០០៦ ហើយមកឆ្នាំ ២០០៩ ទើបមានបណ្តាប្រទេសទាំងនេះរៀបចំកិច្ចប្រជុំកំពូលតែម្តង៕
© រក្សាសិទ្ធិដោយ thmeythmey.com
