អន្តរជាតិ
ប៉ាគីស្ថានមានសាកលវិទ្យាល័យស្តង់ដាខ្ពស់លើជំនាញវិទ្យាសាស្ត្រ វេជ្ជសាស្ត្រ ក្រុមការងារដេប៉ាតឺម៉ង់រូបវិទ្យានៃសាកលវិទ្យាល័យ Quaid I Azam University
× ប៉ាគីស្ថានដែលជាប្រទេសមានផ្ទៃដីធំលំដាប់ទី៣៦លើពិភពលោក មានសកលវិទ្យាល័យចំនួន២ស្ថិតក្នុងបញ្ជី Best Global Universities សម្រាប់ជម្រើសរបស់និស្សិតនាឆ្នាំ២០១៧ ។ នេះជាការចាត់ថ្នាក់របស់ភ្នាក់ងារ U.S.News របស់អាមេរិកក្នុងចំណោមសាកលវិទ្យាល័យស្តង់កំពូលៗចំនួន១០០០លើពិភពលោក។
សាកលវិទ្យាល័យ Quaid I Azam University ស្ថិតនៅទីក្រុង Islamabad មានចំណាត់ថ្នាក់លេខ៥៣៩ និងលេខ៩៥នៅតំបន់អាស៊ី។ សាកលវិទ្យាល័យដែលដំណើរការតាំងពីឆ្នាំ១៩៦៧មកនេះ មានការទទួលស្គាល់ខ្ពស់លើការបណ្តុះបណ្តាលជំនួបរូបវិទ្យា វិស្វកម្ម វិទ្យាសាស្ត្ររុក្ខជាតិ និងសត្វ រួមទាំងជំនាញគីមីវិទ្យា។
រីឯសាកលវិទ្យាល័យ Aga Khan University ដែលស្ថិតនៅក្រុង Karachi មានចំណាត់ថ្នាក់ទី៨២៦ លើពិភពលោក និងលេខ១៨១នៅតំបន់អាស៊ី។ សាកលវិទ្យាល័យមួយនេះ មានឈ្មោះល្បីល្បាញផងដែរលើការបណ្តុះបណ្តាលជំនាញគ្លីនិកវេជ្ជសាស្ត្រ។
សាកលវិទ្យាល័យមួយទៀតរបស់ប៉ាគីស្ថាន គឺ University of Agriculture Faisalabad ដែលស្ថិតក្នុងក្រុង Faisalabad ទោះបីមិនស្ថិតក្នុងចំណោម Best Global Universities ទាំង១០០០លើពិភពលោកក៏ដោយ ប៉ុន្តែសាកលវិទ្យាល័យនេះ មានចំណាត់ថ្នាក់លេខ៩៤ក្នុងចំណោមសកលវិទ្យាល័យដែលមានគុណភាពខ្ពស់លើការបណ្តុះបណ្តាលជំនាញវិទ្យាសាស្ត្រកសិកម្ម៕
Tag:
Best Global Universities
អប់រំ
សាកលវិទ្យាល័យ
ប៉ាគីស្ថាន
© រក្សាសិទ្ធិដោយ thmeythmey.com