អន្តរជាតិ
Kissinger៖ កុំសង្ឃឹមថា ដូណាល់ ត្រាំ ធ្វើគ្រប់យ៉ាងតាមការសន្យាក្នុងពេលឃោសនា
×![]()
ដោយ: ថ្មីៗ
អតីតរដ្ឋមន្ត្រីការបរទេសអាមេរិកលោក Henry Kissinger បានលើកឡើងថា គ្រប់គ្នាមិនគួរសង្ឃឹមខ្លាំងថា លោក ដូណាល់ ត្រាំ អនុវត្តតាមអ្វីដែលលោកបានលើកឡើងក្នុងពេលឃោសនាឡើយ។ តែអ្នកការទូតជើងចាស់រូបនេះយល់ថា រដ្ឋបាលថ្មីត្រូវប្រឹងប្រែងអភិវឌ្ឍគោលនយោបាយនិងយុទ្ធសាស្ត្រដែលអាចឆ្លើយតបតម្រូវការប្រជាជននិងស្របតាមគោលនយោបាយការបរទេសអាមេរិកផង។
«គេមិនគួររំពឹងខ្លាំងទេថា លោក ដូណាល់ ត្រាំ នឹងធ្វើតាមអ្វីគ្រប់យ៉ាងដែលលោកបានសន្យាក្នុងពេលឃោសនា»។ នេះជាការលើកឡើងរបស់អតីតរដ្ឋមន្ត្រីការបរទេសអាមេរិកលោក Henry Kissinger ក្នុងបទសម្ភាសន៍ជាមួយសារព័ត៌មាន CNN ក្រោយពេលលោក ជួបជាមួយប្រធានាធិបតីទើបជាប់ឆ្នោតដូណាល់ ត្រាំ សប្តាហ៍មុន។
លោក Kissinger បានលើកឡើងថា៖« គេមិនគួររំពឹងថា ដូណាល់ ត្រាំនឹងរក្សាជំហរគ្រប់យ៉ាងដែលលោកលើកឡើងក្នុងពេលឃោសនាបោះឆ្នោតឡើយ»។
លោកអះអាងថា វាជារឿងខុសឆ្គង និងអាចបង្កឲ្យមានបញ្ហាផង ដែលគ្រប់គ្នាទាមទារឲ្យរដ្ឋបាលលោក ដូណាល់ ត្រាំ ធ្វើរឿងគ្រប់យ៉ាងដែលគេបានលើកឡើងក្នុងពេលឃោសនា ស្របពេលដែលបរិបទពិភពលោកមានការប្រែប្រួលខ្លាំងនោះ។
ហើយមន្ត្រីការទូតដ៏ល្បីល្បាញវ័យ ៩៣ឆ្នាំ រូបនេះក៏ផ្តល់អនុសាស្ត្រចំពោះរដ្ឋបាលលោក ដូណាល់ ត្រាំ ដែលនឹងចាប់ផ្តើមកាន់អំណាចនៅដើមឆ្នាំក្រោយដែរ។ លោកថា អ្វីដែលលោក ដូណាល់ ត្រាំ ធ្វើគឺបន្តអភិវឌ្ឍយុទ្ធសាស្ត្រនិងគោលនយោបាយរបស់ខ្លួនដែលមាននិរន្តរភាព និងអាចបំពេញតាមតម្រូវការរបស់ប្រជាជន និងអាចស្របតាមគោលការណ៍សំខាន់នៃគោលនយោបាយការបរទេសអាមេរិកនោះ។
កាលពីសប្តាហ៍មុន លោក Henry Kissinger បានជួបពិភាក្សាជាមួយលោក ដូណាល់ ត្រាំ រួចរាល់ហើយ ដោយអ្នកទាំងពីរផ្តោតការយកចិត្តទុកដាក់ចំពោះគោលនយោបាយការបរទេសអាមេរិក។ ក្រោយជំនួបនេះ លោក Kissinger បានអះអាងថា លោក ដូណាល់ ត្រាំ ជាអ្នកនយោបាយមួយរូបដែលប្លែកពីគេ ហើយប្លែកជាងអ្នកណាទាំងអស់ដែលលោកធ្លាប់ជួបដែរ។ លោក ដូណាល់ ត្រាំ ពិសេសជាងគេដោយសារលោកលោកមិនជាប់កាតព្វកិច្ចចំពោះក្រុមណាមួយ ហើយលោកឈ្នះតំណែងប្រធានាធិបតីដោយសារខ្លួនឯង និងដោយសារយុទ្ធសាស្ត្រផ្ទាល់ខ្លួននោះ។
លោក Henry Kissinger មានវ័យ ៩៣ឆ្នាំ។លោកធ្លាប់បម្រើការងារជារដ្ឋមន្ត្រីការបរទេសនិងទីប្រឹក្សាសន្តិសុខជាតិក្រោមអាណត្តិប្រធានាធិបតិ Richard Nixon និង Gerald Ford ហើយលោកឈ្នះពានរង្វល់ណូបែលសន្តិភាពនៅក្នុងឆ្នាំ ១៩៧៣ ដោយសារការប្រឹងប្រែងរបស់លោកដើម្បីបញ្ចប់សង្គ្រាមវៀតណាម។ រាល់អ្នកនយោបាយអាមេរិកដែលឡើងកាន់អំណាចសុទ្ធតែសុំប្រឹក្សាយោបល់ជាមួយលោកលើបញ្ហាយុទ្ធសាស្ត្រអន្តរជាតិនិងនយោបាយការបរទេសនោះ៕
«គេមិនគួររំពឹងខ្លាំងទេថា លោក ដូណាល់ ត្រាំ នឹងធ្វើតាមអ្វីគ្រប់យ៉ាងដែលលោកបានសន្យាក្នុងពេលឃោសនា»។ នេះជាការលើកឡើងរបស់អតីតរដ្ឋមន្ត្រីការបរទេសអាមេរិកលោក Henry Kissinger ក្នុងបទសម្ភាសន៍ជាមួយសារព័ត៌មាន CNN ក្រោយពេលលោក ជួបជាមួយប្រធានាធិបតីទើបជាប់ឆ្នោតដូណាល់ ត្រាំ សប្តាហ៍មុន។
លោក Kissinger បានលើកឡើងថា៖« គេមិនគួររំពឹងថា ដូណាល់ ត្រាំនឹងរក្សាជំហរគ្រប់យ៉ាងដែលលោកលើកឡើងក្នុងពេលឃោសនាបោះឆ្នោតឡើយ»។
លោកអះអាងថា វាជារឿងខុសឆ្គង និងអាចបង្កឲ្យមានបញ្ហាផង ដែលគ្រប់គ្នាទាមទារឲ្យរដ្ឋបាលលោក ដូណាល់ ត្រាំ ធ្វើរឿងគ្រប់យ៉ាងដែលគេបានលើកឡើងក្នុងពេលឃោសនា ស្របពេលដែលបរិបទពិភពលោកមានការប្រែប្រួលខ្លាំងនោះ។
ហើយមន្ត្រីការទូតដ៏ល្បីល្បាញវ័យ ៩៣ឆ្នាំ រូបនេះក៏ផ្តល់អនុសាស្ត្រចំពោះរដ្ឋបាលលោក ដូណាល់ ត្រាំ ដែលនឹងចាប់ផ្តើមកាន់អំណាចនៅដើមឆ្នាំក្រោយដែរ។ លោកថា អ្វីដែលលោក ដូណាល់ ត្រាំ ធ្វើគឺបន្តអភិវឌ្ឍយុទ្ធសាស្ត្រនិងគោលនយោបាយរបស់ខ្លួនដែលមាននិរន្តរភាព និងអាចបំពេញតាមតម្រូវការរបស់ប្រជាជន និងអាចស្របតាមគោលការណ៍សំខាន់នៃគោលនយោបាយការបរទេសអាមេរិកនោះ។
កាលពីសប្តាហ៍មុន លោក Henry Kissinger បានជួបពិភាក្សាជាមួយលោក ដូណាល់ ត្រាំ រួចរាល់ហើយ ដោយអ្នកទាំងពីរផ្តោតការយកចិត្តទុកដាក់ចំពោះគោលនយោបាយការបរទេសអាមេរិក។ ក្រោយជំនួបនេះ លោក Kissinger បានអះអាងថា លោក ដូណាល់ ត្រាំ ជាអ្នកនយោបាយមួយរូបដែលប្លែកពីគេ ហើយប្លែកជាងអ្នកណាទាំងអស់ដែលលោកធ្លាប់ជួបដែរ។ លោក ដូណាល់ ត្រាំ ពិសេសជាងគេដោយសារលោកលោកមិនជាប់កាតព្វកិច្ចចំពោះក្រុមណាមួយ ហើយលោកឈ្នះតំណែងប្រធានាធិបតីដោយសារខ្លួនឯង និងដោយសារយុទ្ធសាស្ត្រផ្ទាល់ខ្លួននោះ។
លោក Henry Kissinger មានវ័យ ៩៣ឆ្នាំ។លោកធ្លាប់បម្រើការងារជារដ្ឋមន្ត្រីការបរទេសនិងទីប្រឹក្សាសន្តិសុខជាតិក្រោមអាណត្តិប្រធានាធិបតិ Richard Nixon និង Gerald Ford ហើយលោកឈ្នះពានរង្វល់ណូបែលសន្តិភាពនៅក្នុងឆ្នាំ ១៩៧៣ ដោយសារការប្រឹងប្រែងរបស់លោកដើម្បីបញ្ចប់សង្គ្រាមវៀតណាម។ រាល់អ្នកនយោបាយអាមេរិកដែលឡើងកាន់អំណាចសុទ្ធតែសុំប្រឹក្សាយោបល់ជាមួយលោកលើបញ្ហាយុទ្ធសាស្ត្រអន្តរជាតិនិងនយោបាយការបរទេសនោះ៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
