ម្ចាស់ជើងឯកនិងជើងឯករងកម្ពុជាចេញទៅប្រកួតកាយវប្បកម្មពិភពលោកនៅថៃ

កីឡាជាតិ

ជាតិ

ម្ចាស់ជើងឯកនិងជើងឯករងកម្ពុជាចេញទៅប្រកួតកាយវប្បកម្មពិភពលោកនៅថៃ

29, Nov 2016 , 9:39 pm

រូបភាព

ដោយ:

កីឡាករកាយវប្បកម្មម្ចាស់មេដាយមាសអាស៊ានឆ្នាំ២០១៦ តឹក ប៊ុនវី និងម្ចាស់មេដាយប្រាក់កម្រិតអាស៊ីឆ្នាំ២០១៣ សុខ សុភ័ក្រ រួមទាំងកីឡាករកាយវប្បកម្មកម្ពុជា៤រូបផ្សេងទៀតបានចាកចេញពីកម្ពុជានៅថ្ងៃនេះ ដើម្បីចូលរួមប្រកួតជ្រើសរើសជើងឯកកីឡាកាយវប្បកម្មលំដាប់ពិភពលោកលើកទី៨នៅថៃ ចាប់ពីថ្ងៃទី២៩ ខែវិច្ឆិកា ដល់ថ្ងៃទី៥ ខែធ្នូ។

កីឡាករ តឹក ប៊ុនវី ម្ចាស់មេដាយមាសកម្រិតអាស៊ានឆ្នាំ២០១៦នៅថៃ រួមជាមួយនឹងកីឡាករ សុខ សុភ័ក្រ ម្ចាស់មេដាយប្រាក់ជើងឯកអាស៊ីលើកទី៤៧ឆ្នាំ២០១៣ នៅទីក្រុងហូជីមិញ ប្រទេសវៀតណាម បានចាកចេញពីកម្ពុជានៅថ្ងៃទី២៩ ខែវិច្ឆិកា នេះដើម្បីចូលរួមប្រកួតកីឡាកាយវប្បកម្មជ្រើសជើងឯកពិភពលោកលើកទី៨នៅទីក្រុងប៉ាតាយ៉ាប្រទេសថៃ។ ការប្រកួតនេះប្រព្រឹត្តទៅរយៈពេលមួយសប្តាហ៍ ដោយចាប់ពីថ្ងៃទី២៩ ខែវិច្ឆិកា ដល់ថ្ងៃទី៥ ខែធ្នូ ឆ្នាំ២០១៦។

បើយោងតាមលិខិតឧទ្ទេសនាមរបស់ក្រសួងអប់រំ យុវជន និងកីឡា ក្រៅពីកីឡាករទាំងពីររូបនេះគឺមានកីឡាករ គ្រូបង្វឹក និងប្រធានប្រតិភូចំនួន៦នាក់ផ្សេងទៀត ក្នុងនោះ លោក ស៊ីម សុកមង្គលរស្មី (ប្រធានប្រតិភូ), លោក នុត សុផល (គ្រូបង្វឹក), កីឡាករ សំបូរ នន់, ដុំ សារុន, ណុំ សុបិន្ត និងកីឡាករ ចាប វ៉ាននី៕