ជាតិ
EDC ផ្អាកផ្គត់ផ្គង់អគ្គិសនីរយៈពេល៤ថ្ងៃ នៅតំបន់មួយចំនួនក្នុងរាជធានីភ្នំពេញ ![](https://image.thmeythmey.com/pictures/2016/12/08/edc-credit.jpg)
×![]()
ភ្នំពេញ៖ អគ្គិសនីកម្ពុជា បានចេញសេចក្ដីជូនដំណឹងស្ដីពីការផ្អាកផ្គត់ផ្គង់ចរន្តអគ្គិសនី រយៈពេល៤ថ្ងៃ ចាប់ពីថ្ងៃទី០៨ដល់ថ្ងៃទី១១ ខែធ្នូនេះ។ ការផ្អាកផ្គត់ផ្គង់ចរន្តអគ្គិសនី ដោយសារការជួសជុល ផ្លាស់ប្ដូរ តម្លើងបរិក្ខារ និងរុះរើគន្លងខ្សែបណ្ដាញដែលបង្កលក្ខណៈដល់ការដ្ឋានពង្រីកផ្លូវ។ នេះបើតាមសេចក្ដីជូនដំណឹងរបស់អគ្គិសនីកម្ពុជា។
បើផ្អែកតាមសេចក្ដីជូនដំណឹងរបស់អគ្គិសនីកម្ពុជា ចាប់ពីម៉ោង៩ព្រឹក ដល់៥ល្ងាច នាថ្ងៃទី ០៨ ធ្នូនេះ អគ្គិសនីកម្ពុជា បានផ្អាកផ្គត់ផ្គង់ចរន្តអគ្គិសនីនៅរាជធានីភ្នំពេញ តាមតំបន់មួយចំនួនដូចជា តំបន់ភ្លើងលេខ PT៤០៤ ស្ថិតនៅក្នុងសង្កាត់អូរឡាំពិក ខណ្ឌចំការមន។ តំបន់ភ្លើងមួយចំនួនដែលស្ថិតនៅភូមិ១ ភូមិ២ ភូមិ៣ ក្នុងសង្កាត់ច្រាំងចំរេះទី១ ភូមិក ភូមិខ ក្នុងសង្កាត់ច្រាំងចំរេះទី២ ខណ្ឌឫស្សីកែវ។
បន្ថែមលើនេះ តំបន់ភ្លើងមួយចំនួនដែលស្ថិតនៅភូមិដំណាក់ ភូមិរោងចក្រ ភូមិត្រពាំងស្វាយ ភូមិគោកឃ្លាង ក្នុងសង្កាត់គោកឃ្លាង ខណ្ឌសែនសុខ និងភូមិកាកាប ភូមិតាងួន ខណ្ឌពោធិ៍សែនជ័យ។ ដោយឡែក តំបន់ភ្លើងមួយចំនួនស្ថិតនៅភូមិសំរោង ភូមិចែងម៉ែង ភូមិស្រែរាជ្ជៈ ភូមិត្រពាំងធ្នង់ ភូមិត្រពាំងក្រសាំង ភូមិជង្រុក ក្នុងខណ្ឌពោធិ៍សែនជ័យ រាជធានីភ្នំពេញ។
សម្រាប់ថ្ងៃទី ០៩ ខែធ្នូ EDC បានផ្អាកផ្គត់ផ្គង់ចរន្តអគ្គិសនីចាប់ពីម៉ោង៩ព្រឹក ដល់៥ល្ងាច នៅតំបន់ភ្លើងលេខ P០៥២, P១២៤៩ ស្ថិតនៅភូមិទួលគោក ក្នុងសង្កាត់ទួលសង្កែ ខណ្ឌឫស្សីកែវ និងតំបន់ភ្លើងលេខ P១០៦៦ ស្ថិតនៅភូមិស្លែងរលើង សង្កាត់អូរបែកក្អម។ តំបន់ភ្លើងលេខ P១០៦៨ ភូមិបាយ៉ាប សង្កាត់ភ្នំពេញថ្មី, តំបន់ភ្លើងលេខP១៣០៥ ស្ថិតនៅភូមិទឹកថ្លា សង្កាត់ទឹកថ្លា និងតំបន់ភ្លើងមួយចំនួនស្ថិតនៅភូមិឫស្សី ភូមិដំណាក់ធំ សង្កាត់ស្ទឹងមានជ័យទី២ ខណ្ឌមានជ័យ។ លើសពីនេះ ភូមិទួលពង្រ ភូមិត្រពាំងរំចេក ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
អគ្គិសនីកម្ពុជា បានបន្ថែមទៀតថា នៅថ្ងៃទី១០ ខែធ្នូ ឆ្នាំ ២០១៦ ចាប់ពីម៉ោង៩ព្រឹក ដល់៣ល្ងាច EDC នឹងផ្អាកការផ្គត់ផ្គង់នៅតំបន់ភ្លើងមួយចំនួនដែលស្ថិតនៅភូមិទួលគោក ក្នុងសង្កាត់ទួលសង្កែ ភូមិក្រោលគោ ភូមិបឹងឈូក ក្នុងសង្កាត់គីឡូម៉ែត្រលេខ៦ ខណ្ឌឫស្សីកែវ។ ចំណែកតំបន់ភ្លើងមួយចំនួនដែលស្ថិតនៅភូមិព្រៃល្វា ភូមិព្រៃសណ្ដែក ភូមិព្រៃស្ពឺ ភូមិចោមចៅ ភូមិគោកចំបក់ ភូមិថ្មគោល ក្នុងសង្កាត់ចោមចៅទី២ ភូមិកន្ទោក ភូមិអង្គត្រគៀត ភូមិត្រាំស្លឹក ភូមិអង្គកែវ ភូមិព្រៃបឹង ក្នុងសង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ។
សូមបញ្ជាក់ថា នៅថ្ងៃអាទិត្យទី១១ ខែធ្នូ ចាប់ពីម៉ោង៩ព្រឹក ដល់៥ល្ងាច នឹងផ្អាកការផ្គត់ផ្គង់នៅតំបន់ភ្លើងលេខ P០៩៣, P៥១៤ ស្ថិតនៅទួលសង្កែ ខណ្ឌឫស្សីកែវ និងតំបន់ភ្លើងលេខP១៤១២, P១៤១៣ ស្ថិតនៅភូមិត្រពាំងគល់ សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ។ នេះបើយោងតាមសេចក្ដីជូនដំណឹងដដែល៕
© រក្សាសិទ្ធិដោយ thmeythmey.com