ជាតិ
តុលាការនឹងបើកសវនាការឯ.ឧ សម រង្ស៊ី ពាក់ព័ន្ធករណីផែនទីព្រំដែន នៅថ្ងៃទី៩ ធ្នូ ![](https://image.thmeythmey.com/pictures/2016/12/08/133_20140728001_img_1854.jpg)
×![]()
ភ្នំពេញ៖ បើមិនមានអ្វីប្រែប្រួលនោះទេ តុលាការក្រុងភ្នំពេញ នឹងបើកសវនាការជំនុំជម្រះលើសំណុំរឿងឯកឧត្តម សម រង្ស៊ី និងជំនួយការពីរូបទៀត ដែលជាប់ចោទពីបទសមគំនិតក្លែងសន្ធិសញ្ញា ផែនទីព្រំដែន កម្ពុជា-វៀតណាម នៅព្រឹកថ្ងៃទី៩ ខែធ្នូ ។
ឯកឧត្តម សម រង្ស៊ី ដែលកំពុងតែរស់នៅឯបរទេស និងជំនួយការលោកពីររូបគឺលោក អ៊ឹង ជុងលាង និង សត្យា សម្បត្តិ ត្រូវបានចោទពីបទ «សមគំនិតក្នុងអំពើ ក្លែងបន្លំឯកសាធារណៈ ប្រើប្រាស់ឯកសារសាធារណៈ និងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម»។ តុលាការ ពឹងផ្អែកលើឯកសារ ពាក់ពន្ធនឹងបញ្ហាព្រំដែនកម្ពុជា-វៀតណាម ក្នុងការចោទប្រកាន់បទល្មើសខាងលើ។
ឯកសារទាំងនោះ ត្រូវបានលោក ហុង សុខហួរ សមាជិកព្រឹទ្ធសភា យកទៅបង្ហោះលើទំព័រហ្វេសប៊ុករបស់ឯកឧត្តម សម រង្ស៊ី។ ដោយសារតែការបង្ហោះឯកសារនោះឯង តុលាការ ក៏បានកាត់ទោសលោក ហុង សុខហួរ ឲ្យជាប់ពន្ធនាគាររយៈពេល៧ឆ្នាំ ពីបទ «ក្លែងឯកសារសាធារណៈ ប្រើប្រាស់ឯកសារសាធារណៈក្លែងក្លាយ និងញុះញង់ឲ្យប្រព្រឹត្តបទឧក្រិដ្ឋ»៕
Tag:
សម រង្ស៊ី
ព្រំដែន
© រក្សាសិទ្ធិដោយ thmeythmey.com