លោក ស៊ាង ចែត ស្នើមេដឹកនាំCNRP និងCPP ជួយអន្តរាគមន៍ឲ្យខ្លួនអាចឈរឈ្មោះជាបេក្ខជនមេឃុំវិញ

ជាតិ

នយោបាយជាតិ

លោក ស៊ាង ចែត ស្នើមេដឹកនាំCNRP និងCPP ជួយអន្តរាគមន៍ឲ្យខ្លួនអាចឈរឈ្មោះជាបេក្ខជនមេឃុំវិញ

08, Dec 2016 , 10:59 pm

រូបភាព

លោក ស៊ាង ចែត នៅខាងឆ្វេងឯកឧត្តម កឹម សុខា

ដោយ: ធឿន បញ្ញាឬទិ្ធ

ភ្នំពេញ៖ ក្រោយចេញពីពន្ធនាគារភ្លាមលោក ស៊ាង ចែត មេឃុំគណបក្សសម រង្ស៊ី បានថ្លែងអរគុណដល់សម្ដេចនាយករដ្ឋមន្ត្រី ហ៊ុន សែន ដែលបានស្នើសុំទៅព្រះមហាក្សត្រលើកលែងទោសឲ្យខ្លូន។ មេឃុំគណបក្សសម រង្ស៊ីរូបនេះ ចាត់ទុកការដោះលែងខ្លួនឲ្យមានសេរីភាពវិញ គឺជាសារដែលបង្ហាញថា គណបក្សនយោបាយមានអាសនៈក្នុងរដ្ឋសភាទាំងពីរ កំពុងតែរួបរួមគ្នា ងាកមកដោះស្រាយបញ្ហាជាតិជាធំវិញ។ ទោះជាមានអំណរក្តី តែលោក ស៊ាង ចែត ហាក់មិនសប្បាយចិត្តឡើយ ដែលខ្លួនត្រូវបាត់បង់ឈ្មោះជាមេឃុំ ដោយសាររងការចោទប្រកាន់ពីសំណាក់តុលាការ ពីបទ«សូកប៉ាន់សាក្សី» នេះ។

ថ្លែងចំពោះមុខអ្នកកាសែតមេឃុំស្រក ស្រុកកំពង់សៀម ខេត្តកំពង់ចាមរូបនេះ អំពាវនាវឲ្យមេដឹកនាំគណបក្សសង្គ្រោះជាតិ និងគណបក្សប្រជាជន ជួយអន្តរាគមន៍ទៅគណកម្មាធិការជាតិរៀបចំការបោះឆ្នោត (គ.ជ.ប) ឲ្យជួយសម្រួលឈ្មោះខ្លួន អាចឈរឈ្មោះជាបេក្ខជនមេឃុំ សម្រាប់ការបោះឆ្នោតអាណត្តិក្រោយនេះវិញផង។

សូមស្ដាប់សំឡេងរបស់លោក ស៊ាង ចែត ស្នើសុំអន្តរាគមន៍ពីមេដឹកនាំគណបក្សនយោបាយ៖