អន្តរជាតិ
ខឹងរឿងគេចង់ស៊ើបអង្កេតករណីឃាតកម្ម លោក Duterte ហៅ ប្រមុខសិទ្ធិមនុស្ស UN ថា«ឆ្កួត និងដូចតារាកំប្លែង»
ប្រមុខសិទ្ធិមនុស្សអង្គការសហប្រជាជាតិ (ខាងឆ្វេង) និងប្រធានាធិបតីហ្វីលីពីន(ខាងស្តាំ)
×![]()
បន្ទាប់ពីមន្ត្រីក្រោមឱវាទចេញមុខបកស្រាយ និងការពាររឿងអធិប្បាយសម្លាប់ជនពាក់ព័ន្ធគ្រឿងញៀនហើយនោះ លោកប្រធានាធិបតីហ្វីលីពីន Rodrigo Duterte ទំនងជាមិនទាន់អស់ចិត្ត បានជះកំហឹងទៅលើប្រមុខសិទ្ធិមនុស្សអង្គការសហប្រជាជាតិដែលមានចេតនាចង់ឲ្យមានការស៊ើបអង្កេតលើលោកពីបទឃាតកម្មនោះ ជាមួយនឹងពាក្យអសុរោះ ដូចលោកបានប្រើទៅលើមេដឹកនាំ និងស្ថាប័នធំៗពីមុន។ 
លោកប្រធានាធិបតី Rodrigo Duterte នៅថ្ងៃទី២២ ធ្នូ ម្សិលមិញនេះ បានហៅឧត្តមស្នងការអង្គការសហប្រជាជាតិលោក Zeid Ra'ad Al Hussein ថា«ឆ្កួត និងដូចតារាកំប្លែង»។ ការហៅជាមួយនឹងភាសាអសុរោះនេះ ធ្វើឡើងបន្ទាប់ ប្រមុខសិទ្ធិមនុស្សអង្គការ សហប្រជាជាតិរូបនេះ បានទទូចឲ្យតុលាការហ្វីលីពីនបើកការស៊ើបអង្កេតលើករណីឃាតកម្មតាមការសារភាពរបស់លោកប្រធានាធិបតី ដោយខ្លួនឯងផ្ទាល់នោះ។
នាកម្មវិធីដែលផ្សាយផ្ទាល់តាមទូរទស្សន៍នោះ លោក Duterte ដែលគេស្គាល់ថាជាមេដឹកនាំមាត់ដាចនោះ បាននិយាយយ៉ាងដូច្នេះថា៖«បុរសនោះ(Zeid) គឺជាពិតជាឆ្កួត និងដូចជាតារាកំប្លែង។ អ្នកជាមន្ត្រីអង្គការសហប្រជាជាតិ ដែលយើងបានផ្តល់ប្រាក់ខែឲ្យ(វិភាគទានរបស់អង្គការសហប្រជាជាតិ)។ អ្នកមិនត្រូវប្រាប់ខ្ញុំ ថាត្រូវធ្វើអ្វីនោះទេ។ អ្នកពិតជាឆ្កួតមែន។ អ្នកណាឲ្យសិទ្ធិអ្នកនិយាយបែបនេះ?» នេះបើយោងតាមភ្នាក់ងារព័ត៌មាន Reuters។
លោក បន្តជះកំហឹងដាក់ប្រមុខសិទ្ធិមនុស្សអង្គការសហប្រជាជាតិដោយបានប្រាប់ឲ្យលោក Zeid ទៅចូលសាលាឡើងវិញ ហើយគួររៀនសូត្ររបៀបការទូតបន្តិចក្នុងនាមជាមន្ត្រីអង្គការសហប្រជាជាតិនោះ។
សូមរម្លឹកផងដែរថា នៅថ្ងៃទី២០ ធ្នូ ប្រធានឧត្តមស្នងការសិទ្ធិមនុស្សអង្គការសហប្រជាជាតិលោក Zeid Ra'ad Al Hussein បានទទូចឲ្យតុលាការហ្វីលីពីនបើក និងដំណើរការការស៊ើបអង្កេតមួយលើករណីរបស់លោកប្រធានាធិបតីហ្វីលីពីន Rodrigo Duterte ដែលបានសារភាពថា លោកធ្លាប់សម្លាប់ជនសង្ស័យដោយខ្លួនឯងផ្ទាល់នោះ។
តាមរយៈសេចក្តីថ្លែងការណ៍ផ្លូវការរបស់ខ្លួននោះ ប្រមុខសិទ្ធិមនុស្សអង្គការសហប្រជាជាតិ លោក Zeid Ra'ad Al Hussein បានចាត់ទុកសកម្មភាពរបស់លោកប្រធានាធិបតី Duterte ថា បានបំពាននឹងច្បាប់អន្តរជាតិហើយ។ ប្រមុខសិទ្ធិមនុស្សរូបនេះ ថែមទាំងសង្កត់ធ្ងន់ថា៖«តុលាការហ្វីលីពីន ត្រូវតែបង្ហាញពីការប្តេជ្ញាចិត្តរបស់ខ្លួនដើម្បីជាការអនុវត្តនីតិរដ្ឋ និងឯករាជ្យភាពរបស់ខ្លួនពីអង្គការនីតិបញ្ញត្តិតាមរយៈការបើកការស៊ើបអង្កេតវែកមុខឃាតករ»។
លោកបន្តទៀតថា៖«ការសម្លាប់ដែលប្រព្រឹត្តដោយលោក Duteter ដោយត្រូវបានសារភាពដោយខ្លួនលោកផ្ទាល់ ក្នុងពេលដែលលោក ធ្វើជាអភិបាលក្រុង បានបញ្ជាក់យ៉ាងច្បាស់ហើយថាលោក អាចចាត់ទុកថាជាឃាតករ»។
ឆ្លើយតបនឹងការលើកឡើងនេះ នៅថ្ងៃទី២១ ធ្នូ អ្នកនាំពាក្យប្រធានាធិបតីហ្វីលីពីន លោក Ernesto Abella បានបញ្ជាក់ថា ការសម្លាប់របស់លោក Duterte គឺជាផ្នែកមួយនៃចំណាត់ការស្របច្បាប់របស់ប៉ូលិសនោះទេ។ នេះបើយោងតាមការចុះផ្សាយរបស់សារព័ត៌មាន inquirer.net ដែលបានបន្តទៀតថា អ្នកនាំពាក្យដដែលនោះ ក៏បានសង្កត់ធ្ងន់ដែរថា៖«ការលើកឡើងពីការសម្លាប់របស់លោកប្រធានាធិបតីស្របច្បាប់ ហើយឧត្តមស្នងការសិទ្ធិមនុស្ស មានសិទ្ធិសេរីភាពក្នុងការបញ្ចេញទស្សនកិច្ចលើបញ្ហានេះ»។ លោក ថា ការលើកឡើងរបស់ប្រមុខសិទ្ធិមនុស្សអង្គការសហប្រជាជាតិ គ្មានឥទ្ធិពលអ្វីឡើយ ពោលគឺ គ្រាន់តែទស្សនមួយប៉ុណ្ណោះ។
បន្ថែមពីការបញ្ជាក់របស់អ្នកនាំពាក្យប្រធានាធិបតី លោករដ្ឋមន្ត្រីទំនាក់ទំនងហ្វីលីពីន Martin Andanar ក៏បានអះអាងក្នុងកម្មវិធីវិទ្យុហ្វីលីពីន ដោយលោក ថ្លែងថា ករណីលោក Duterte ត្រូវបានគេស៊ើបអង្កេតតាំងពីលោក កាន់អំណាចជាអភិបាលក្រុងមកម្ល៉េះ ក៏ប៉ុន្តែ មិនមានភស្តុតាងណាមួយបង្ហាញថាលោក ពាក់ព័ន្ធនឹងការសម្លាប់ក្រៅប្រព័ន្ធតុលាការឡើយ។
នៅថ្ងៃទី១៤ ធ្នូកន្លងទៅ ថ្លែងនៅចំមុខក្រុមអ្នកជំនួញក្នុងវិមានប្រធានាធិបតី លោក រ៉ូឌ្រីហ្គូ ឌើទើតេ (Rodrigo Duterte) បាននិយាយថា លោក បានសម្លាប់ជនសង្ស័យពាក់ព័ន្ធការជួញដូរគ្រឿងញៀនដោយផ្ទាល់ នៅពេលដែលលោក ធ្វើជាអភិបាលក្រុងដាវ៉ាវនោះ។ លោក បានសង្កត់ធ្ងន់ថា៖« ខ្ញុំ បានធ្វើជុំវិញក្រុងដាវ៉ាវតាមរយៈម៉ូតូ ហើយ ខ្ញុំ ក៏ឆ្លៀតល្បាតតាមដងផ្លូវ និងព្យាយាមស្វែងរកកន្លែងដែលមានបញ្ហា។ ពេលនោះ ខ្ញុំ ចង់ស្វែងរកអ្នកចង់តដៃដើម្បីសម្លាប់ណាស់។» លោកនិយាយបែបដើម្បីលើកទឹកចិត្តប៉ូលិសកុំឲ្យមានការភ័យខ្លាចក្នុងការអនុវត្តការបញ្ជារបស់លោក្នុងការបោសសម្អាតជនល្មើសគ្រឿងញៀន។ លោកថែមទាំងបញ្ជាក់នៅក្នុងកិច្ចសម្ភាសន៍ជាមួយនឹងសារព័ត៌មាន BBC ថា លោក បានសម្លាប់មនុស្សប្រហែលជា«បីនាក់»ក្នុងពេលជាអភិបាលក្រុងទៀតផង៕
លោកប្រធានាធិបតី Rodrigo Duterte នៅថ្ងៃទី២២ ធ្នូ ម្សិលមិញនេះ បានហៅឧត្តមស្នងការអង្គការសហប្រជាជាតិលោក Zeid Ra'ad Al Hussein ថា«ឆ្កួត និងដូចតារាកំប្លែង»។ ការហៅជាមួយនឹងភាសាអសុរោះនេះ ធ្វើឡើងបន្ទាប់ ប្រមុខសិទ្ធិមនុស្សអង្គការ សហប្រជាជាតិរូបនេះ បានទទូចឲ្យតុលាការហ្វីលីពីនបើកការស៊ើបអង្កេតលើករណីឃាតកម្មតាមការសារភាពរបស់លោកប្រធានាធិបតី ដោយខ្លួនឯងផ្ទាល់នោះ។
នាកម្មវិធីដែលផ្សាយផ្ទាល់តាមទូរទស្សន៍នោះ លោក Duterte ដែលគេស្គាល់ថាជាមេដឹកនាំមាត់ដាចនោះ បាននិយាយយ៉ាងដូច្នេះថា៖«បុរសនោះ(Zeid) គឺជាពិតជាឆ្កួត និងដូចជាតារាកំប្លែង។ អ្នកជាមន្ត្រីអង្គការសហប្រជាជាតិ ដែលយើងបានផ្តល់ប្រាក់ខែឲ្យ(វិភាគទានរបស់អង្គការសហប្រជាជាតិ)។ អ្នកមិនត្រូវប្រាប់ខ្ញុំ ថាត្រូវធ្វើអ្វីនោះទេ។ អ្នកពិតជាឆ្កួតមែន។ អ្នកណាឲ្យសិទ្ធិអ្នកនិយាយបែបនេះ?» នេះបើយោងតាមភ្នាក់ងារព័ត៌មាន Reuters។
លោក បន្តជះកំហឹងដាក់ប្រមុខសិទ្ធិមនុស្សអង្គការសហប្រជាជាតិដោយបានប្រាប់ឲ្យលោក Zeid ទៅចូលសាលាឡើងវិញ ហើយគួររៀនសូត្ររបៀបការទូតបន្តិចក្នុងនាមជាមន្ត្រីអង្គការសហប្រជាជាតិនោះ។
សូមរម្លឹកផងដែរថា នៅថ្ងៃទី២០ ធ្នូ ប្រធានឧត្តមស្នងការសិទ្ធិមនុស្សអង្គការសហប្រជាជាតិលោក Zeid Ra'ad Al Hussein បានទទូចឲ្យតុលាការហ្វីលីពីនបើក និងដំណើរការការស៊ើបអង្កេតមួយលើករណីរបស់លោកប្រធានាធិបតីហ្វីលីពីន Rodrigo Duterte ដែលបានសារភាពថា លោកធ្លាប់សម្លាប់ជនសង្ស័យដោយខ្លួនឯងផ្ទាល់នោះ។
តាមរយៈសេចក្តីថ្លែងការណ៍ផ្លូវការរបស់ខ្លួននោះ ប្រមុខសិទ្ធិមនុស្សអង្គការសហប្រជាជាតិ លោក Zeid Ra'ad Al Hussein បានចាត់ទុកសកម្មភាពរបស់លោកប្រធានាធិបតី Duterte ថា បានបំពាននឹងច្បាប់អន្តរជាតិហើយ។ ប្រមុខសិទ្ធិមនុស្សរូបនេះ ថែមទាំងសង្កត់ធ្ងន់ថា៖«តុលាការហ្វីលីពីន ត្រូវតែបង្ហាញពីការប្តេជ្ញាចិត្តរបស់ខ្លួនដើម្បីជាការអនុវត្តនីតិរដ្ឋ និងឯករាជ្យភាពរបស់ខ្លួនពីអង្គការនីតិបញ្ញត្តិតាមរយៈការបើកការស៊ើបអង្កេតវែកមុខឃាតករ»។
លោកបន្តទៀតថា៖«ការសម្លាប់ដែលប្រព្រឹត្តដោយលោក Duteter ដោយត្រូវបានសារភាពដោយខ្លួនលោកផ្ទាល់ ក្នុងពេលដែលលោក ធ្វើជាអភិបាលក្រុង បានបញ្ជាក់យ៉ាងច្បាស់ហើយថាលោក អាចចាត់ទុកថាជាឃាតករ»។
ឆ្លើយតបនឹងការលើកឡើងនេះ នៅថ្ងៃទី២១ ធ្នូ អ្នកនាំពាក្យប្រធានាធិបតីហ្វីលីពីន លោក Ernesto Abella បានបញ្ជាក់ថា ការសម្លាប់របស់លោក Duterte គឺជាផ្នែកមួយនៃចំណាត់ការស្របច្បាប់របស់ប៉ូលិសនោះទេ។ នេះបើយោងតាមការចុះផ្សាយរបស់សារព័ត៌មាន inquirer.net ដែលបានបន្តទៀតថា អ្នកនាំពាក្យដដែលនោះ ក៏បានសង្កត់ធ្ងន់ដែរថា៖«ការលើកឡើងពីការសម្លាប់របស់លោកប្រធានាធិបតីស្របច្បាប់ ហើយឧត្តមស្នងការសិទ្ធិមនុស្ស មានសិទ្ធិសេរីភាពក្នុងការបញ្ចេញទស្សនកិច្ចលើបញ្ហានេះ»។ លោក ថា ការលើកឡើងរបស់ប្រមុខសិទ្ធិមនុស្សអង្គការសហប្រជាជាតិ គ្មានឥទ្ធិពលអ្វីឡើយ ពោលគឺ គ្រាន់តែទស្សនមួយប៉ុណ្ណោះ។
បន្ថែមពីការបញ្ជាក់របស់អ្នកនាំពាក្យប្រធានាធិបតី លោករដ្ឋមន្ត្រីទំនាក់ទំនងហ្វីលីពីន Martin Andanar ក៏បានអះអាងក្នុងកម្មវិធីវិទ្យុហ្វីលីពីន ដោយលោក ថ្លែងថា ករណីលោក Duterte ត្រូវបានគេស៊ើបអង្កេតតាំងពីលោក កាន់អំណាចជាអភិបាលក្រុងមកម្ល៉េះ ក៏ប៉ុន្តែ មិនមានភស្តុតាងណាមួយបង្ហាញថាលោក ពាក់ព័ន្ធនឹងការសម្លាប់ក្រៅប្រព័ន្ធតុលាការឡើយ។
នៅថ្ងៃទី១៤ ធ្នូកន្លងទៅ ថ្លែងនៅចំមុខក្រុមអ្នកជំនួញក្នុងវិមានប្រធានាធិបតី លោក រ៉ូឌ្រីហ្គូ ឌើទើតេ (Rodrigo Duterte) បាននិយាយថា លោក បានសម្លាប់ជនសង្ស័យពាក់ព័ន្ធការជួញដូរគ្រឿងញៀនដោយផ្ទាល់ នៅពេលដែលលោក ធ្វើជាអភិបាលក្រុងដាវ៉ាវនោះ។ លោក បានសង្កត់ធ្ងន់ថា៖« ខ្ញុំ បានធ្វើជុំវិញក្រុងដាវ៉ាវតាមរយៈម៉ូតូ ហើយ ខ្ញុំ ក៏ឆ្លៀតល្បាតតាមដងផ្លូវ និងព្យាយាមស្វែងរកកន្លែងដែលមានបញ្ហា។ ពេលនោះ ខ្ញុំ ចង់ស្វែងរកអ្នកចង់តដៃដើម្បីសម្លាប់ណាស់។» លោកនិយាយបែបដើម្បីលើកទឹកចិត្តប៉ូលិសកុំឲ្យមានការភ័យខ្លាចក្នុងការអនុវត្តការបញ្ជារបស់លោក្នុងការបោសសម្អាតជនល្មើសគ្រឿងញៀន។ លោកថែមទាំងបញ្ជាក់នៅក្នុងកិច្ចសម្ភាសន៍ជាមួយនឹងសារព័ត៌មាន BBC ថា លោក បានសម្លាប់មនុស្សប្រហែលជា«បីនាក់»ក្នុងពេលជាអភិបាលក្រុងទៀតផង៕
Tag:
ហ្វីលីពីន
UN
អាស៊ាន
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
