ជាតិ
×![]()
ដោយ: រួបរួម
លោក ឃួន ឃុននាយ អតីតអគ្គនាយករងអាជ្ញាធរអប្សរា បានទទួលមរណភាពដោយរោគាពាធ កាលពីយប់ថ្ងៃទី២៤ ខែមករា ក្នុងអាយុ៧៩ឆ្នាំ នៅប្រទេសកាណាដា។ មរណភាពស្ថាបត្យករ និងជានគរូបនីយករដ៏ឆ្នើមរបស់កម្ពុជា ក៏ត្រូវបានប្រកាសឡើងផងដែរនាពិធីបើកកិច្ចប្រជុំពេញអង្គរ ICC-Angkor លើកទី២៣ នៅព្រឹកថ្ងៃទី២៥ មករា នៅខេត្តសៀមរាប។
លោក ឃួន ឃុននាយ ត្រូវបានចាត់ទុកជាធនធានដ៏សំខាន់មួយរូបលើជំនាញស្ថាបត្យកម្ម និងនគរូបនីយកម្មនៅក្នុងប្រទេសកម្ពុជា។ លោកត្រូវបានគេចាត់ទុកថា ជាដៃស្តាំរបស់ព្រឹទ្ធាចារ្យ វណ្ណ មូលីវណ្ណ ស្ថាបត្យករដ៏កំពូលរបស់កម្ពុជាផងដែរ។ តាមរយៈបទសម្ភាសមួយក្នុងឯកសារ The Man Who Built Cambodia លោក ឃួន ឃុននាយ បានបង្ហាញពីមោទកភាពរបស់ខ្លួនដែលបានរួមការងារ និងទទួលបានចំណេះដឹងពីលោក វណ្ណ មូលីវណ្ណ ដែលចាត់ទុកថា ជា គ្រូដ៏អស្ចារ្យម្នាក់។
ក្នុងលិខិតចែករំលែកទុក្ខ លោក ស៊ុំ ម៉ាប់ អគ្គនាយកអាជ្ញាធរជាតិអប្សរា បានលើកឡើងថា លោក ឃួន ឃុននាយ ជាអ្នកមានស្នាដៃមួយរូបដែលធ្លាប់បានលះបង់កម្លាំងកាយចិត្ត និងប្រាជ្ញាស្មារតីដើម្បីបំពេញតួនាទីយ៉ាងល្អក្នុងការងារអភិរក្ស និងអភិវឌ្ឍន៍តំបន់រមណីយដ្ឋានអង្គរឲ្យទទួលបានកេរ្តិ៍ឈ្មោះយ៉ាងល្បីរន្ទឺជាបន្តបន្ទាប់។
«គំរូវីរភាព និងស្នាដៃរបស់ឯកឧត្តម ឃួន ឃុននាយ ដែលបានរួមចំណែកក្នុងកិច្ចការអង្គរ ក៏ដូចជាការងារសង្គមផ្សេងៗទៀត គឺជាការចងចាំដែលមិនអាចបំភ្លេចបានចំពោះគុណតម្លៃដ៏ធំធេងចំពោះជាតិ និងមាតុភូមិ»។ នេះបើតាមការផ្សាយរបស់គេហទំព័ររបស់ទីស្តីការគណៈរដ្ឋមន្ត្រី Press OCM។
លោក ឃួន ឃុននាយ ទទួលបានសញ្ញាបត្រអនុបណ្ឌិតផ្នែកស្ថាបត្យកម្មនៅសាកលវិទ្យាល័យ Kiev ប្រទេសអ៊ុយក្រែន នៅឆ្នាំ១៩៦៦ អនុបណ្ឌិតផ្នែកច្បាប់នៅទីក្រុងភ្នំពេញឆ្នាំ ១៩៧២ ផ្នែកគម្រោងអភិវឌ្ឍន៍ពីទីក្រុងឡុងដ៍នាឆ្នាំ ១៩៧២ និងផ្នែកវិទ្យាសាស្ត្រនយោបាយនៅឆ្នាំ១៩៨៧ ពីប្រទេសកាណាដា។
នៅចន្លោះឆ្នាំ១៩៦៦ដល់ឆ្នាំ១៩៧១ លោក ឃួន ឃុននាយ ក៏ជាស្ថាបត្យករនៅការិយាល័យស្ថាបត្យកម្មឯកជនរបស់លោកវណ្ណ មូលីវណ្ណ ផងដែរ។
បើតាមឯកសាររបស់ទីស្តីការគណៈរដ្ឋមន្ត្រី បន្ទាប់ពីបានរស់នៅកាណាដា អស់រយៈពេលប្រមាណ៣០ឆ្នាំ ពោលគឺចាប់តាំងពីឆ្នាំ១៩៧៧ លោក ឃួន ឃុននាយ បានវិលត្រឡប់មកកម្ពុជាវិញនៅឆ្នាំ២០០៤ ដោយចូលបម្រើការងារនៅអាជ្ញាធរអប្សរា។ ចាប់តាំងពីឆ្នាំ២០០៨មក លោកបានក្លាយជាអគ្គនាយករងអាជ្ញាធរអប្សរា ទទួលបន្ទុកនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរ។
ការងារសំខាន់ៗសំខាន់របស់លោករួមមាន ព្រឹទ្ធបុរសមហាវិទ្យាល័យស្ថាបត្យកម្ម និងនគរោបនីយវិទ្យានៃសាកលវិទ្យាល័យភូមិន្ទ និងវិចិត្រសិល្បៈ ពីឆ្នាំ១៩៦៨ ដល់ឆ្នាំ១៩៧៥ នាយករងនៃមជ្ឈមណ្ឌល Southeast Asian Applied Research Centre for Archaeology and Fine Arts (ARCAFA-SEAMEO) ពីឆ្នាំ១៩៧២ ដល់ឆ្នាំ១៩៧៥ អគ្គនាយកក្រសួងវប្បធម៌កម្ពុជា (ឆ្នាំ១៩៧៥)។
លោកធ្លាប់មានតំណែងជាស្ថាបត្យករជាន់ខ្ពស់នៃក្រសួងសាធារណការ និងក្រសួងអប់រំនៃរដ្ឋាភិបាលកេប៊ិច ប្រទេសកាណាដា ពីឆ្នាំ១៩៧៧ ដល់ឆ្នាំ២០០៤ ។ លោកក៏ធ្លាប់ជាទីប្រឹក្សាអង្គការ UNDP នៅឆ្នាំ១៩៩៤) និងធនាគារអភិវឌ្ឍន៍អាស៊ី (ADB) នៅឆ្នាំ២០០៤ ផងដែរ។
ក្នុងនាមជាស្ថាបត្យករ និងនគរូបនីយករ លោក ឃួន ឃុននាយ បានធ្វើបទបង្ហាញ និងបើកសិក្ខាសាលជាច្រើនទាក់ទងនឹងការគ្រប់គ្រងទីរមណីដ្ឋានបេតិកភណ្ឌ។ បន្ថែមពីលើនេះ លោកបានបន្សល់ទុកស្នាដៃបោះពុម្ព និងស្រាវជ្រាវជាច្រើន ដូចជា Tani Ceramics Museum, Run Ta-Ek Eco village for Sustainable Development, Angkor Site Management and Local Communities និង A Commitment to Community Engagement ជាដើម៕
លោក ឃួន ឃុននាយ ត្រូវបានចាត់ទុកជាធនធានដ៏សំខាន់មួយរូបលើជំនាញស្ថាបត្យកម្ម និងនគរូបនីយកម្មនៅក្នុងប្រទេសកម្ពុជា។ លោកត្រូវបានគេចាត់ទុកថា ជាដៃស្តាំរបស់ព្រឹទ្ធាចារ្យ វណ្ណ មូលីវណ្ណ ស្ថាបត្យករដ៏កំពូលរបស់កម្ពុជាផងដែរ។ តាមរយៈបទសម្ភាសមួយក្នុងឯកសារ The Man Who Built Cambodia លោក ឃួន ឃុននាយ បានបង្ហាញពីមោទកភាពរបស់ខ្លួនដែលបានរួមការងារ និងទទួលបានចំណេះដឹងពីលោក វណ្ណ មូលីវណ្ណ ដែលចាត់ទុកថា ជា គ្រូដ៏អស្ចារ្យម្នាក់។
ក្នុងលិខិតចែករំលែកទុក្ខ លោក ស៊ុំ ម៉ាប់ អគ្គនាយកអាជ្ញាធរជាតិអប្សរា បានលើកឡើងថា លោក ឃួន ឃុននាយ ជាអ្នកមានស្នាដៃមួយរូបដែលធ្លាប់បានលះបង់កម្លាំងកាយចិត្ត និងប្រាជ្ញាស្មារតីដើម្បីបំពេញតួនាទីយ៉ាងល្អក្នុងការងារអភិរក្ស និងអភិវឌ្ឍន៍តំបន់រមណីយដ្ឋានអង្គរឲ្យទទួលបានកេរ្តិ៍ឈ្មោះយ៉ាងល្បីរន្ទឺជាបន្តបន្ទាប់។
«គំរូវីរភាព និងស្នាដៃរបស់ឯកឧត្តម ឃួន ឃុននាយ ដែលបានរួមចំណែកក្នុងកិច្ចការអង្គរ ក៏ដូចជាការងារសង្គមផ្សេងៗទៀត គឺជាការចងចាំដែលមិនអាចបំភ្លេចបានចំពោះគុណតម្លៃដ៏ធំធេងចំពោះជាតិ និងមាតុភូមិ»។ នេះបើតាមការផ្សាយរបស់គេហទំព័ររបស់ទីស្តីការគណៈរដ្ឋមន្ត្រី Press OCM។
លោក ឃួន ឃុននាយ ទទួលបានសញ្ញាបត្រអនុបណ្ឌិតផ្នែកស្ថាបត្យកម្មនៅសាកលវិទ្យាល័យ Kiev ប្រទេសអ៊ុយក្រែន នៅឆ្នាំ១៩៦៦ អនុបណ្ឌិតផ្នែកច្បាប់នៅទីក្រុងភ្នំពេញឆ្នាំ ១៩៧២ ផ្នែកគម្រោងអភិវឌ្ឍន៍ពីទីក្រុងឡុងដ៍នាឆ្នាំ ១៩៧២ និងផ្នែកវិទ្យាសាស្ត្រនយោបាយនៅឆ្នាំ១៩៨៧ ពីប្រទេសកាណាដា។
នៅចន្លោះឆ្នាំ១៩៦៦ដល់ឆ្នាំ១៩៧១ លោក ឃួន ឃុននាយ ក៏ជាស្ថាបត្យករនៅការិយាល័យស្ថាបត្យកម្មឯកជនរបស់លោកវណ្ណ មូលីវណ្ណ ផងដែរ។
បើតាមឯកសាររបស់ទីស្តីការគណៈរដ្ឋមន្ត្រី បន្ទាប់ពីបានរស់នៅកាណាដា អស់រយៈពេលប្រមាណ៣០ឆ្នាំ ពោលគឺចាប់តាំងពីឆ្នាំ១៩៧៧ លោក ឃួន ឃុននាយ បានវិលត្រឡប់មកកម្ពុជាវិញនៅឆ្នាំ២០០៤ ដោយចូលបម្រើការងារនៅអាជ្ញាធរអប្សរា។ ចាប់តាំងពីឆ្នាំ២០០៨មក លោកបានក្លាយជាអគ្គនាយករងអាជ្ញាធរអប្សរា ទទួលបន្ទុកនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរ។
ការងារសំខាន់ៗសំខាន់របស់លោករួមមាន ព្រឹទ្ធបុរសមហាវិទ្យាល័យស្ថាបត្យកម្ម និងនគរោបនីយវិទ្យានៃសាកលវិទ្យាល័យភូមិន្ទ និងវិចិត្រសិល្បៈ ពីឆ្នាំ១៩៦៨ ដល់ឆ្នាំ១៩៧៥ នាយករងនៃមជ្ឈមណ្ឌល Southeast Asian Applied Research Centre for Archaeology and Fine Arts (ARCAFA-SEAMEO) ពីឆ្នាំ១៩៧២ ដល់ឆ្នាំ១៩៧៥ អគ្គនាយកក្រសួងវប្បធម៌កម្ពុជា (ឆ្នាំ១៩៧៥)។
លោកធ្លាប់មានតំណែងជាស្ថាបត្យករជាន់ខ្ពស់នៃក្រសួងសាធារណការ និងក្រសួងអប់រំនៃរដ្ឋាភិបាលកេប៊ិច ប្រទេសកាណាដា ពីឆ្នាំ១៩៧៧ ដល់ឆ្នាំ២០០៤ ។ លោកក៏ធ្លាប់ជាទីប្រឹក្សាអង្គការ UNDP នៅឆ្នាំ១៩៩៤) និងធនាគារអភិវឌ្ឍន៍អាស៊ី (ADB) នៅឆ្នាំ២០០៤ ផងដែរ។
ក្នុងនាមជាស្ថាបត្យករ និងនគរូបនីយករ លោក ឃួន ឃុននាយ បានធ្វើបទបង្ហាញ និងបើកសិក្ខាសាលជាច្រើនទាក់ទងនឹងការគ្រប់គ្រងទីរមណីដ្ឋានបេតិកភណ្ឌ។ បន្ថែមពីលើនេះ លោកបានបន្សល់ទុកស្នាដៃបោះពុម្ព និងស្រាវជ្រាវជាច្រើន ដូចជា Tani Ceramics Museum, Run Ta-Ek Eco village for Sustainable Development, Angkor Site Management and Local Communities និង A Commitment to Community Engagement ជាដើម៕
Tag:
ស្ថាបត្យកម្ម
ឃួន ឃុននាយ
អប្សរា
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
