បឹងកេត និងណាហ្គាវើលនឹងដឹកគ្នាទៅប្រជែងក្នុងពានរង្វាន់ RHB Cup 2017 នៅសិង្ហបុរី

កីឡាជាតិ

ជាតិ

បឹងកេត និងណាហ្គាវើលនឹងដឹកគ្នាទៅប្រជែងក្នុងពានរង្វាន់ RHB Cup 2017 នៅសិង្ហបុរី

11, Apr 2017 , 9:41 am

រូបភាព

កីឡាករ ឃួន ឡាបូរ៉ាវី ប្រធានក្រុមរបស់ក្រុមបឹងកេត

ដោយ:

ក្រុមបាល់ទាត់បឹងកេតអង្គរ និងណាហ្គាវើល នឹងដៃគ្នាទៅប្រជែងក្នុងពានរង្វាន់ RHB Singapore Cup ប្រចាំឆ្នាំ២០១៧ នៅប្រទេសសិង្ហបុរី នាចុងខែឧសភា ខាងមុខនេះ។ នេះបើយោងតាមសេចក្តីជូនដំណឹងសរបស់សហព័ន្ធកីឡាបាល់ទាត់កម្ពុជា(FFC) ដែលបានចេញផ្សាយកាលពីថ្ងៃទី៥ ខែមេសា កន្លងទៅ។

សហព័ន្ធកីឡាបាល់ទាត់កម្ពុជានឹងបញ្ជូនក្រុមបាល់ទាត់ដែលកំពុងប្រកបអាជីបក្នុងលីកកំពូលកម្ពុជាចំនួន២ រួមមានបឹងកេត និងណាហ្គាវើល ដើម្បីចូលរួមប្រកួតដណ្តើមជើងឯកប្រចាំព្រឹត្តិការណ៍ពានរង្វាន់ RHB Singapore Cup ប្រចាំឆ្នាំ២០១៧។ ការប្រកួតនេះនឹងប្រព្រឹត្តទៅចាប់ពីថ្ងៃទី២៩ ខែឧសភា ឆ្នាំ២០១៧ នៅលើទឹកដីសិង្ហបុរី ខាងមុននេះ។

នេះជាលើកទី២០ហើយដែលប្រទេសសិង្ហបុរីបានរៀបចំឲ្យមានការប្រកួតពានរង្វាន់ RHB Singapore Cup តែវាលើកទី២សម្រាប់ក្រុមបឹងកេតអង្គរ និងជាលើក៣សម្រាប់ក្រុមណាហ្គាវើល។ ក្រៅពីក្រុមទាំងនេះ ព្រះខ័នរាជស្វាយរៀង និងភ្នំពេញក្រោនក៏ធ្លាប់ចូលរួមផងដែរ ក្នុងនោះស្វាយរៀងធ្លាប់ចូលរួមចំនួន២ និងភ្នំពេញក្រោនចំនួន៧ដង។

គួរបញ្ជាក់ថា កាលពីឆ្នាំ២០១៦ សហព័ន្ធកីឡាបាល់ទាត់កម្ពុជា បានបញ្ជូនក្រុមណាហ្គាវើលតែមួយប៉ុណ្ណោះឲ្យចូលរួម។ តែក្រុមតំណាងកម្ពុជាមួយនេះ បានធ្លាក់ត្រឹមវគ្គជម្រុះដំបូង ក្រោយចាញ់ក្រុម Global FC របស់ហ្វីលីពីនក្នុងលទ្ធផល ៥-០។ កាលនោះក្រុម Albirex Niigata របស់ជប៉ុនជាម្ចាស់ជើងឯក រីឯជើងឯករងបានទៅក្រុម Tampines Rovers របស់ម្ចាស់ផ្ទះសិង្ហបុរី និងលេខ៣បានទៅក្រុម Ceres-La Salle របស់ហ្វីលីពីន៕