ជាតិ
កម្ពុជាផ្សព្វផ្សាយសៀវភៅអភិបាលកិច្ចរបស់ប្រធានាធិបតីចិនជាភាសាខ្មែរ ជាលើកដំបូង
×![]()
ភ្នំពេញ៖ កម្ពុជាបានប្រកាសផ្សព្វផ្សាយសៀវភៅអភិបាលកិច្ចរបស់ប្រធានាធិបតីចិនលោក ស៊ី ជីនភីង (Xi Jinping: the Governance of China) ជាភាសាខ្មែរ ជាផ្លូវការ នៅថ្ងៃទី១១ ខែមេសានេះ នាវិមានសន្តិភាព នៃទីស្តីការគណៈរដ្ឋមន្ត្រី។
ថ្លែងក្នុងពិធីសម្ពោធសៀវភៅ«ស៊ីជីន ភីង៖ អភិបាលកិច្ចប្រទេសចិន» នៅព្រឹកនេះ លោកស្រី ខ្លូត ធីតា ប្រធានរាជបណ្ឌិត្យសភាកម្ពុជា បានឲ្យដឹងថា សៀវភៅអភិបាលកិច្ចនេះ ត្រូវបានមន្ត្រីការងារវិទ្យាស្ថាន ខុង ជី នៃរាជបណ្ឌិត្យសភាកម្ពុជាបកប្រែពីភាសាចិនជាភាសាខ្មែរ ក្រោយទទួលបានការឯកភាពពី សម្តេចនាយករដ្ឋមន្ត្រី ហ៊ុន សែន កាលពីឆ្នាំ២០១៥កន្លងទៅ។
លោកស្រីដែលមានងារជាបណ្ឌិតសភាចារ្យរូបនេះ បានរម្លឹកថា កាលពីដើមឆ្នាំ២០១៥កន្លងទៅនេះ រាជបណ្ឌិត្យសភាកម្ពុជាធ្លាប់ផ្សព្វផ្សាយសៀវភៅ ស៊ីជីន ភីង៖ អភិបាលកិច្ចប្រទេសចិន ជាភាសាអង់គ្លេស ជាលើកទីមួយ ក្រោមវត្តមានឯកអគ្គរាជទូតចិនប្រចាំកម្ពុជា អ្នកស្រាវជ្រាវ និងនិស្សិតខ្មែរមួយចំនួន។ ត្រង់នេះ លោកស្រីបញ្ជាក់ថា សៀវភៅនេះមានសារៈប្រយោជន៍ណាស់ ដែលអាចឲ្យសាធារណជនបានស្វែងយល់ពីគោលនយោបាយសេដ្ឋកិច្ច រដ្ឋាភិបាល និងទំនាក់ទំនងអន្តរជាតិក្រោមការដឹកនាំរបស់លោកប្រធានាធិបតី ស៊ី ជីនភីង។ «សៀវភៅជាពិភពលោក ពិភពលោកជាសៀវភៅ»។ នេះជាករបញ្ជាក់របស់លោកស្រី ធីតា ។
ក្រៅពីបកប្រែសៀវភៅស៊ីជីន ភីង៖ អភិបាលកិច្ចប្រទេសចិនដែលមាន ១៨ជំពូកនេះរួច មន្ត្រីរាជបណ្ឌិត្យសភាកម្ពុជា ក៏នឹងបកប្រែសៀវភៅទស្សនវិជ្ជាអ្នកប្រាជ្ញាចិន ការទំនាក់ទំនងចិន-កម្ពុជា ដើម្បីឲ្យពលរដ្ឋទាំងពីរបានដឹងពីកិច្ចសហការជាប្រវត្តិសាស្ត្ររវាងប្រទេសទាំងពីរ ដែលមានរយៈជាង២ពាន់ឆ្នាំមកនេះ ។
ជាមួយគ្នា លោក JIANG Jianguo រដ្ឋមន្ត្រីក្រុមប្រឹក្សាព័ត៌មានរបស់ចិន បានចាត់ទុកសៀវភៅរបស់លោក ស៊ី ជីនភីង ជាប្រយោជន៍សម្រាប់សាធារណជនស្វែងយល់ពីការអភិវឌ្ឍប្រទេសចិន។ «លោក ស៊ី ជីនភីង បាននិយាយថាសមិទ្ធិផលសេដ្ឋកិច្ចប្រៀបដូចនំខេក និងបែងចែកដោយយុត្តិធម៌...។ ការនិយាយដោយឥតប្រយោជន៍នឹងធ្វើឲ្យប៉ះពាល់ដល់ប្រទេសជាតិ» ។ នេះជាការលើកឡើងលោក JIANG ដែលបានយកសម្តីប្រធានាធិបតីចិន មកបញ្ជាក់នៅក្នុងពិធីផ្សព្វផ្សាយសៀវភៅនេះ។
សៀវភៅនេះមានចំនួន៧៩ អត្ថបទរបស់លោកស៊ី ជិនភីង ក្នុងចន្លោះពីខែវិច្ឆិកា ឆ្នាំ២០១២ ដល់ខែមិថុនា ឆ្នាំ២០១៤ ក្នុងនោះ រួមមានសុន្ទរកថា សេចក្តីបង្គាប់បង្ហាញ និងសារលិខិតជូនពរជាដើម។ បច្ចុប្បន្នសៀវភៅនេះ បានបកប្រែជា១៦ភាសា ព្រមទាំងបោះពុម្ពផ្សាយបានចំនួន៦លាន ២សែនក្បាលនៅលើសាកលលោកទាំងមូល។ សៀវភៅនេះត្រូវបានបោះពុម្ពជា ភាសាចិន អង់គ្លេស បារាំង រុស្ស៊ី អារ៉ាប់ អេស្ប៉ាញ ព័រទុយហ្គាល់ អាឡឺម៉ង់ និងជប៉ុន៕
ថ្លែងក្នុងពិធីសម្ពោធសៀវភៅ«ស៊ីជីន ភីង៖ អភិបាលកិច្ចប្រទេសចិន» នៅព្រឹកនេះ លោកស្រី ខ្លូត ធីតា ប្រធានរាជបណ្ឌិត្យសភាកម្ពុជា បានឲ្យដឹងថា សៀវភៅអភិបាលកិច្ចនេះ ត្រូវបានមន្ត្រីការងារវិទ្យាស្ថាន ខុង ជី នៃរាជបណ្ឌិត្យសភាកម្ពុជាបកប្រែពីភាសាចិនជាភាសាខ្មែរ ក្រោយទទួលបានការឯកភាពពី សម្តេចនាយករដ្ឋមន្ត្រី ហ៊ុន សែន កាលពីឆ្នាំ២០១៥កន្លងទៅ។
លោកស្រីដែលមានងារជាបណ្ឌិតសភាចារ្យរូបនេះ បានរម្លឹកថា កាលពីដើមឆ្នាំ២០១៥កន្លងទៅនេះ រាជបណ្ឌិត្យសភាកម្ពុជាធ្លាប់ផ្សព្វផ្សាយសៀវភៅ ស៊ីជីន ភីង៖ អភិបាលកិច្ចប្រទេសចិន ជាភាសាអង់គ្លេស ជាលើកទីមួយ ក្រោមវត្តមានឯកអគ្គរាជទូតចិនប្រចាំកម្ពុជា អ្នកស្រាវជ្រាវ និងនិស្សិតខ្មែរមួយចំនួន។ ត្រង់នេះ លោកស្រីបញ្ជាក់ថា សៀវភៅនេះមានសារៈប្រយោជន៍ណាស់ ដែលអាចឲ្យសាធារណជនបានស្វែងយល់ពីគោលនយោបាយសេដ្ឋកិច្ច រដ្ឋាភិបាល និងទំនាក់ទំនងអន្តរជាតិក្រោមការដឹកនាំរបស់លោកប្រធានាធិបតី ស៊ី ជីនភីង។ «សៀវភៅជាពិភពលោក ពិភពលោកជាសៀវភៅ»។ នេះជាករបញ្ជាក់របស់លោកស្រី ធីតា ។
ក្រៅពីបកប្រែសៀវភៅស៊ីជីន ភីង៖ អភិបាលកិច្ចប្រទេសចិនដែលមាន ១៨ជំពូកនេះរួច មន្ត្រីរាជបណ្ឌិត្យសភាកម្ពុជា ក៏នឹងបកប្រែសៀវភៅទស្សនវិជ្ជាអ្នកប្រាជ្ញាចិន ការទំនាក់ទំនងចិន-កម្ពុជា ដើម្បីឲ្យពលរដ្ឋទាំងពីរបានដឹងពីកិច្ចសហការជាប្រវត្តិសាស្ត្ររវាងប្រទេសទាំងពីរ ដែលមានរយៈជាង២ពាន់ឆ្នាំមកនេះ ។
ជាមួយគ្នា លោក JIANG Jianguo រដ្ឋមន្ត្រីក្រុមប្រឹក្សាព័ត៌មានរបស់ចិន បានចាត់ទុកសៀវភៅរបស់លោក ស៊ី ជីនភីង ជាប្រយោជន៍សម្រាប់សាធារណជនស្វែងយល់ពីការអភិវឌ្ឍប្រទេសចិន។ «លោក ស៊ី ជីនភីង បាននិយាយថាសមិទ្ធិផលសេដ្ឋកិច្ចប្រៀបដូចនំខេក និងបែងចែកដោយយុត្តិធម៌...។ ការនិយាយដោយឥតប្រយោជន៍នឹងធ្វើឲ្យប៉ះពាល់ដល់ប្រទេសជាតិ» ។ នេះជាការលើកឡើងលោក JIANG ដែលបានយកសម្តីប្រធានាធិបតីចិន មកបញ្ជាក់នៅក្នុងពិធីផ្សព្វផ្សាយសៀវភៅនេះ។
សៀវភៅនេះមានចំនួន៧៩ អត្ថបទរបស់លោកស៊ី ជិនភីង ក្នុងចន្លោះពីខែវិច្ឆិកា ឆ្នាំ២០១២ ដល់ខែមិថុនា ឆ្នាំ២០១៤ ក្នុងនោះ រួមមានសុន្ទរកថា សេចក្តីបង្គាប់បង្ហាញ និងសារលិខិតជូនពរជាដើម។ បច្ចុប្បន្នសៀវភៅនេះ បានបកប្រែជា១៦ភាសា ព្រមទាំងបោះពុម្ពផ្សាយបានចំនួន៦លាន ២សែនក្បាលនៅលើសាកលលោកទាំងមូល។ សៀវភៅនេះត្រូវបានបោះពុម្ពជា ភាសាចិន អង់គ្លេស បារាំង រុស្ស៊ី អារ៉ាប់ អេស្ប៉ាញ ព័រទុយហ្គាល់ អាឡឺម៉ង់ និងជប៉ុន៕
Tag:
ហ៊ុន សែន
ស៊ី ជីនភីង
ខ្លូត ធីតា
រាជបណ្ឌិត្យសភា
ចិន
កម្ពុជា
© រក្សាសិទ្ធិដោយ thmeythmey.com
