ជាតិ
ឆឺតៗ! «សង្ក្រាន្តកំពង់ស្ពឺ » មានរយៈពេល៤ថ្ងៃ នៅវិមានសម្ដេចព្រះសង្ឃរាជ ជួន ណាត
×![]()
កំពង់ស្ពឺ៖ រដ្ឋបាលខេត្តកំពង់ស្ពឺ សហការជាមួយសហភាពសហព័ន្ធយុវជនកម្ពុជាខេត្តកំពង់ស្ពឺ នឹងរៀបចំព្រឹត្តិការណ៍ «សង្ក្រាន្តកំពង់ស្ពឺ » រយៈពេល ៤ថ្ងៃ ពីថ្ងៃទី១៣ ដល់ទី១៦ ខែមេសា ឆ្នាំ២០១៧ ដើម្បីអបអរពិធីបុណ្យចូលឆ្នាំថ្មី ប្រពៃណីជាតិខ្មែរ។ ព្រឹត្តិការណ៍នេះ នឹងរៀបចំឡើង នៅវិមានសម្ដេចព្រះសង្ឃរាជ ជួន ណាត នាខេត្តកំពង់ស្ពឺ។
«សង្ក្រាន្តកំពង់ស្ពឺ» គឺព្រឹត្តិការណ៍ដែលរៀបចំឡើង ដើម្បីអបអរពិធីបុណ្យចូលឆ្នាំថ្មី ប្រពៃណីជាតិខ្មែរ និងជាកម្មវិធីឲ្យពលរដ្ឋបានជួបជុំកម្សាន្តសប្បាយ។ ព្រឹត្តិការណ៍នេះ មានពិធីសាសនា ការលេងល្បែងប្រជាប្រិយជាច្រើនប្រភេទ និងការប្រគំតន្ត្រីផងដែរ។
លោក សរ សុពុត្រា អភិបាលរងខេត្ត និងជាប្រធានសហភាពសហព័ន្ធយុវជនកម្ពុជាខេត្តកំពង់ស្ដឺ បានប្រាប់សារព័ត៌មានថ្មីៗ តាមទូរសព្ទថា៖ ការរៀបចំព្រឹត្តិការណ៍ «សង្ក្រាន្តកំពង់ស្ពឺ» នេះ គឺរៀបចំដើម្បីអបអរឆ្នាំថ្មី និងផ្ដល់ភាពសប្បាយរីករាយដល់ពលរដ្ឋក្នុងខេត្តនេះ នាឱកាសចូលឆ្នាំថ្មី។ ជាពិសេស ឲ្យពួកគាត់បានយល់ដឹងពីវប្បធម៌ ប្រពៃណី និងមរតករបស់ខ្មែរ»។ លោក សរ សុពុត្រា បន្ថែមថា ក្នុងព្រឹត្តិការណ៍នេះ ក៏មានផ្សព្វផ្សាយពីយុទ្ធនាការណ៍ និងផលប៉ះពាល់របស់គ្រឿងញៀន ដល់យុវជន និងពលរដ្ឋ ឲ្យបានយល់ដឹង និងចាកឆ្ងាយពីគ្រឿងញៀនផងដែរ។
អភិបាលរងខេត្តរូបនេះ បន្តថា «សង្ក្រាន្តកំពង់ស្ពឺ» មានកម្មវិធីបែបសាសនា ការលេងល្បែងប្រជាប្រិយ និងការប្រគំតន្ត្រីកម្សាន្តសប្បាយជាដើម។ ជាមួយគ្នានេះ ព្រឹត្តិការណ៍នេះ មានរយៈពេលរហូតទៅដល់ ៤ថ្ងៃ ដោយចាប់ពីថ្ងៃទី ១៣ - ១៦ ខែមេសា ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរនេះ នៅវិមានសម្ដេចព្រះសង្ឃរាជ ជួន ណាត។
លោក សរ សុពុត្រា អះអាងថា ព្រឹត្តិការណ៍នេះ ក៏បានផ្ដល់ឱកាសដល់យុវជនទូទាំងខេត្ត បានចូលរួមធ្វើការងាររួមគ្នា ផ្ដល់ភាពកម្សាន្តសប្បាយ និងចាកឆ្ងាយពីគ្រឿងញៀន មកចូលរួមធ្វើអំពើល្អ រួមទាំងស្វែងយល់ និងថែរក្សាវប្បធម៌ខ្មែរបន្ថែមទៀត។ លោក សរ សុពុត្រា បន្ដថា «សង្ក្រាន្តកំពង់ស្ពឺ» មានយុវជនស្ម័គ្រចិត្តចូលរួមចំនួន ៥០០ នាក់ ទូទាំងខេត្តកំពង់ស្ពឺ ដើម្បីបង្កើតនិងផ្ដល់ភាពសប្បាយរីករាយដល់ប្រជាពលរដ្ឋ។
នេះជាព្រឹត្តិការណ៍ទី២ហើយ ដែលរដ្ឋបាលខេត្តកំពង់ស្ពឺ និងសហភាពសហព័ន្ធយុវជនកម្ពុជាខេត្ត បានរៀបចំកម្មវិធីនេះ ដោយកាលពីឆ្នាំ២០១៦កន្លងទៅ កម្មវិធីនេះ មានប្រជាពលរដ្ឋចូលរួមកម្សាន្តប្រមាណ ១ម៉ឺន៥ពាន់នាក់។ ទន្ទឹមនឹងនេះ លោក សរ សុពុត្រា សង្ឃឹមថា កម្មវិធីក្នុងឆ្នាំនេះ មានអ្នកចូលរួមច្រើនជាងឆ្នាំមុន ព្រោះឆ្នាំនេះ មានកម្មវិធីកម្សាន្តសប្បាយប្លែកៗ និងកាន់តែធំជាងឆ្នាំមុន៕
«សង្ក្រាន្តកំពង់ស្ពឺ» គឺព្រឹត្តិការណ៍ដែលរៀបចំឡើង ដើម្បីអបអរពិធីបុណ្យចូលឆ្នាំថ្មី ប្រពៃណីជាតិខ្មែរ និងជាកម្មវិធីឲ្យពលរដ្ឋបានជួបជុំកម្សាន្តសប្បាយ។ ព្រឹត្តិការណ៍នេះ មានពិធីសាសនា ការលេងល្បែងប្រជាប្រិយជាច្រើនប្រភេទ និងការប្រគំតន្ត្រីផងដែរ។
លោក សរ សុពុត្រា អភិបាលរងខេត្ត និងជាប្រធានសហភាពសហព័ន្ធយុវជនកម្ពុជាខេត្តកំពង់ស្ដឺ បានប្រាប់សារព័ត៌មានថ្មីៗ តាមទូរសព្ទថា៖ ការរៀបចំព្រឹត្តិការណ៍ «សង្ក្រាន្តកំពង់ស្ពឺ» នេះ គឺរៀបចំដើម្បីអបអរឆ្នាំថ្មី និងផ្ដល់ភាពសប្បាយរីករាយដល់ពលរដ្ឋក្នុងខេត្តនេះ នាឱកាសចូលឆ្នាំថ្មី។ ជាពិសេស ឲ្យពួកគាត់បានយល់ដឹងពីវប្បធម៌ ប្រពៃណី និងមរតករបស់ខ្មែរ»។ លោក សរ សុពុត្រា បន្ថែមថា ក្នុងព្រឹត្តិការណ៍នេះ ក៏មានផ្សព្វផ្សាយពីយុទ្ធនាការណ៍ និងផលប៉ះពាល់របស់គ្រឿងញៀន ដល់យុវជន និងពលរដ្ឋ ឲ្យបានយល់ដឹង និងចាកឆ្ងាយពីគ្រឿងញៀនផងដែរ។
អភិបាលរងខេត្តរូបនេះ បន្តថា «សង្ក្រាន្តកំពង់ស្ពឺ» មានកម្មវិធីបែបសាសនា ការលេងល្បែងប្រជាប្រិយ និងការប្រគំតន្ត្រីកម្សាន្តសប្បាយជាដើម។ ជាមួយគ្នានេះ ព្រឹត្តិការណ៍នេះ មានរយៈពេលរហូតទៅដល់ ៤ថ្ងៃ ដោយចាប់ពីថ្ងៃទី ១៣ - ១៦ ខែមេសា ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរនេះ នៅវិមានសម្ដេចព្រះសង្ឃរាជ ជួន ណាត។
លោក សរ សុពុត្រា អះអាងថា ព្រឹត្តិការណ៍នេះ ក៏បានផ្ដល់ឱកាសដល់យុវជនទូទាំងខេត្ត បានចូលរួមធ្វើការងាររួមគ្នា ផ្ដល់ភាពកម្សាន្តសប្បាយ និងចាកឆ្ងាយពីគ្រឿងញៀន មកចូលរួមធ្វើអំពើល្អ រួមទាំងស្វែងយល់ និងថែរក្សាវប្បធម៌ខ្មែរបន្ថែមទៀត។ លោក សរ សុពុត្រា បន្ដថា «សង្ក្រាន្តកំពង់ស្ពឺ» មានយុវជនស្ម័គ្រចិត្តចូលរួមចំនួន ៥០០ នាក់ ទូទាំងខេត្តកំពង់ស្ពឺ ដើម្បីបង្កើតនិងផ្ដល់ភាពសប្បាយរីករាយដល់ប្រជាពលរដ្ឋ។
នេះជាព្រឹត្តិការណ៍ទី២ហើយ ដែលរដ្ឋបាលខេត្តកំពង់ស្ពឺ និងសហភាពសហព័ន្ធយុវជនកម្ពុជាខេត្ត បានរៀបចំកម្មវិធីនេះ ដោយកាលពីឆ្នាំ២០១៦កន្លងទៅ កម្មវិធីនេះ មានប្រជាពលរដ្ឋចូលរួមកម្សាន្តប្រមាណ ១ម៉ឺន៥ពាន់នាក់។ ទន្ទឹមនឹងនេះ លោក សរ សុពុត្រា សង្ឃឹមថា កម្មវិធីក្នុងឆ្នាំនេះ មានអ្នកចូលរួមច្រើនជាងឆ្នាំមុន ព្រោះឆ្នាំនេះ មានកម្មវិធីកម្សាន្តសប្បាយប្លែកៗ និងកាន់តែធំជាងឆ្នាំមុន៕
Tag:
ចូលឆ្នាំថ្មី
សង្ក្រាន្ត
© រក្សាសិទ្ធិដោយ thmeythmey.com
