ជាតិ
សិល្បះ
×![]()
ដោយ: ថ្មីៗ
ពលរដ្ឋខ្មែរត្រៀមខ្លួនរួចជាស្រេចក្នុងការរាំលេងកម្សាន្តនៅភូមិកំណើត និងទីវត្តអារាមនានា ក្នុងឱកាសអបអរពិធីបុណ្យចូលឆ្នាំថ្មី ឆ្នាំរកា នព្វស័ក ពុទ្ធសករាជ២៥៦១ ដែលប្រព្រឹត្តទៅពីថ្ងៃទី១៤ ដល់ថ្ងៃទី១៦ ខែមេសា។ បទប្រពៃណី បទ Remix ឬបទមរតកដើម ជាច្រើនបទត្រូវបានផលិតដើម្បីកំដរបរិយាកាសដ៏រីករាយនាពិធីបុណ្យចូលឆ្នាំថ្មី។
សារព័ត៌មានថ្មីៗ សូមលើកយកបទចំនួន៥ដែលកំពុងលេចធ្លោ ដោយបទខ្លះទទួលបាននូវការគាំទ្រយ៉ាងពេញទំហឹង ហើយបទខ្លះទទួលរងនូវការរិះគន់។ បទទាំងនោះរួមមាន៖
«រាំបទយើង» ច្រៀងដោយ ដួង សុខគា-ខាត់ សុឃីម
ផលិតកម្មរស្មីហង្សមាស ទើបតែចេញផ្សាយបទចង្វាក់ខ្មែរនេះនៅយប់ថ្ងៃទី១១ ខែមេសា ប៉ុន្តែទទួលបានការគាំទ្រយ៉ាងច្រើន។ «រាំបទយើង» និពន្ធទំនុកច្រៀងដោយលោក ដួង សុខគា និងរៀបរៀងបទភ្លេងដោយស្គរដី និងស្គរឆៃយ៉ាំង ដោយក្រុមត្រកូល ខាត់។
«រាំអ៊ីចេះ» ច្រៀងដោយ ព្រាប សុវត្ថិ-ឱក សុគន្ធកញ្ញា
«រាំអ៊ីចេះ» ជាបទ Remix ដែលនិពន្ធទំនុកច្រៀង និង Melody ដោយ DJ ក្តិប រួមទាំងការនិពន្ធបទភ្លេង និងសម្រួលតន្ត្រីដោយ DJ Funta។ បទដែលច្រៀងដោយកំពូលតារាប្រចាំផលិតកម្មរស្មីហង្សមាសនេះ ក៏ជាបទដែលសម្តេចនាយករដ្ឋមន្ត្រី ហ៊ុន សែន ចូលចិត្ត និងអំពាវនាវឲ្យពលរដ្ឋចូលរួមរាំទាំងអស់គ្នានាឱកាសបុណ្យចូលឆ្នាំថ្មីផងដែរ។
«ឆ្កែរាំបុកប៉ោត» ច្រៀងដោយ ពេជ្រ សោភា
បទនេះ ឡើងកូតខ្លាំង បន្ទាប់ពីសម្តេចនាយករដ្ឋមន្ត្រី ហ៊ុន សែន បាននិយាយសរសើរជាប់ៗគ្នាក្នុងពិធីសម្ពោធផ្លូវ និងពិធីជួបជុំកីឡាករកន្លងមក។ «ឆ្កែរាំបុកប៉ោត» ច្រៀង និងនិពន្ធទំនុកច្រៀងដោយ ពេជ្រ សោភា ផ្ទាល់ ហើយលោក សួន ពិសិដ្ឋ ជាអ្នកនិពន្ធបទភ្លេងដែលបញ្ចូលជាមួយស្គរឆៃយ៉ាំ។
«កកក៏បាយ មេម៉ាយក៏ស្រី» ច្រៀងដោយ ឃុង ឃុយ និង ចេនសាយចៃ
វត្តមានរបស់តារាចម្រៀងខ្មែរ-សុរិន្ទ ឃុង ឃុយ និង ចេន សាយចៃ បានធ្វើឲ្យបទមរតកដើម «កកក៏បាយ មេម៉ាយក៏ស្រី» កាន់តែទទួលបាននូវប្រជាប្រិយភាពនាពិធីបុណ្យចូលឆ្នាំ។ បទចង្វាក់រាំវង់នេះ ជាបទដើមរបស់អធិរាជសំនៀងមាស ស៊ីន ស៊ីសាមុត និង រាជនីសំនៀងមាស រស់ សេរីសុទ្ធា ហើយត្រូវបានផលិតកម្ម Town រៀបចំផលិតសារជាថ្មី។
«ចាក់ទឹកដូង» ច្រៀងដោយ យូរី និង Bmo
ជាប្រភេទបទ Remix ហើយផលិតកម្មសាន់ដេ ផលិតបទនេះ ដើម្បីរំលឹកដល់ការជួបជុំគ្នាដ៏រីករាយរបស់ក្រុមយុវជន នាឱកាសបុណ្យចូលឆ្នាំថ្មី ជាពិសេសការលេងល្បែងចាក់ទឹកដូង។ បច្ចុប្បន្ន គេនិយមយកបទនេះ មកច្រៀង អមដោយកាយវិការបែបលេងសើចសប្បាយ។
សារព័ត៌មានថ្មីៗ សូមលើកយកបទចំនួន៥ដែលកំពុងលេចធ្លោ ដោយបទខ្លះទទួលបាននូវការគាំទ្រយ៉ាងពេញទំហឹង ហើយបទខ្លះទទួលរងនូវការរិះគន់។ បទទាំងនោះរួមមាន៖
«រាំបទយើង» ច្រៀងដោយ ដួង សុខគា-ខាត់ សុឃីម
ផលិតកម្មរស្មីហង្សមាស ទើបតែចេញផ្សាយបទចង្វាក់ខ្មែរនេះនៅយប់ថ្ងៃទី១១ ខែមេសា ប៉ុន្តែទទួលបានការគាំទ្រយ៉ាងច្រើន។ «រាំបទយើង» និពន្ធទំនុកច្រៀងដោយលោក ដួង សុខគា និងរៀបរៀងបទភ្លេងដោយស្គរដី និងស្គរឆៃយ៉ាំង ដោយក្រុមត្រកូល ខាត់។
«រាំអ៊ីចេះ» ច្រៀងដោយ ព្រាប សុវត្ថិ-ឱក សុគន្ធកញ្ញា
«រាំអ៊ីចេះ» ជាបទ Remix ដែលនិពន្ធទំនុកច្រៀង និង Melody ដោយ DJ ក្តិប រួមទាំងការនិពន្ធបទភ្លេង និងសម្រួលតន្ត្រីដោយ DJ Funta។ បទដែលច្រៀងដោយកំពូលតារាប្រចាំផលិតកម្មរស្មីហង្សមាសនេះ ក៏ជាបទដែលសម្តេចនាយករដ្ឋមន្ត្រី ហ៊ុន សែន ចូលចិត្ត និងអំពាវនាវឲ្យពលរដ្ឋចូលរួមរាំទាំងអស់គ្នានាឱកាសបុណ្យចូលឆ្នាំថ្មីផងដែរ។
«ឆ្កែរាំបុកប៉ោត» ច្រៀងដោយ ពេជ្រ សោភា
បទនេះ ឡើងកូតខ្លាំង បន្ទាប់ពីសម្តេចនាយករដ្ឋមន្ត្រី ហ៊ុន សែន បាននិយាយសរសើរជាប់ៗគ្នាក្នុងពិធីសម្ពោធផ្លូវ និងពិធីជួបជុំកីឡាករកន្លងមក។ «ឆ្កែរាំបុកប៉ោត» ច្រៀង និងនិពន្ធទំនុកច្រៀងដោយ ពេជ្រ សោភា ផ្ទាល់ ហើយលោក សួន ពិសិដ្ឋ ជាអ្នកនិពន្ធបទភ្លេងដែលបញ្ចូលជាមួយស្គរឆៃយ៉ាំ។
«កកក៏បាយ មេម៉ាយក៏ស្រី» ច្រៀងដោយ ឃុង ឃុយ និង ចេនសាយចៃ
វត្តមានរបស់តារាចម្រៀងខ្មែរ-សុរិន្ទ ឃុង ឃុយ និង ចេន សាយចៃ បានធ្វើឲ្យបទមរតកដើម «កកក៏បាយ មេម៉ាយក៏ស្រី» កាន់តែទទួលបាននូវប្រជាប្រិយភាពនាពិធីបុណ្យចូលឆ្នាំ។ បទចង្វាក់រាំវង់នេះ ជាបទដើមរបស់អធិរាជសំនៀងមាស ស៊ីន ស៊ីសាមុត និង រាជនីសំនៀងមាស រស់ សេរីសុទ្ធា ហើយត្រូវបានផលិតកម្ម Town រៀបចំផលិតសារជាថ្មី។
«ចាក់ទឹកដូង» ច្រៀងដោយ យូរី និង Bmo
ជាប្រភេទបទ Remix ហើយផលិតកម្មសាន់ដេ ផលិតបទនេះ ដើម្បីរំលឹកដល់ការជួបជុំគ្នាដ៏រីករាយរបស់ក្រុមយុវជន នាឱកាសបុណ្យចូលឆ្នាំថ្មី ជាពិសេសការលេងល្បែងចាក់ទឹកដូង។ បច្ចុប្បន្ន គេនិយមយកបទនេះ មកច្រៀង អមដោយកាយវិការបែបលេងសើចសប្បាយ។
Tag:
បទចម្រៀង
© រក្សាសិទ្ធិដោយ thmeythmey.com
