ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
រយៈពេល៥ឆ្នាំ អង្គរសង្ក្រាន្តបង្កើតព្រឹត្តិការណ៍យក្ស និងវត្ថុយក្សចំនួន១០
22, Apr 2017 ,
4:39 pm
រូបភាព
×
ដោយ:
ញឹក ស្រីល័ក្ខ (Nhek Sreyleak)
ភ្នំពេញ៖ ឆ្នាំ២០១៧នេះ ជាខួបទី៥ នៃព្រឹត្តិការណ៍អង្គរសង្ក្រាន្ត ដែលបានរៀបចំដោយសហភាពសហព័ន្ធយុវជនកម្ពុជា នៅលើទឹកដីខេត្តសៀមរាប។ ព្រឹត្តិការណ៍អង្គរសង្ក្រាន្តឆ្នាំ២០១៧នេះ មានវត្ថុយក្សកម្រិតជាតិចំនួន ២ ប្រភេទ បានដាក់តាំងបង្ហាញ គឺចាប៉ីដងវែងខ្នាតយក្ស និងសំបកពងមាន់យក្ស។ ដោយឡែក សម្រាប់ចាប៉ីដងវែងវិញ បានទទួលវិញ្ញាបនបត្រចំនួនពីរ ពីរដ្ឋមន្ត្រីក្រសួងវប្បធម៌ និងវិចិត្រសិល្បៈផងដែរ។
ព្រឹត្តិការណ៍អង្គរសង្ក្រាន្តរយៈពេល ៥ឆ្នាំនេះ មានវត្ថុយក្សកម្រិតជាតិ និងពិភពលោក ប្លែកៗចំនួន ១០ ប្រភេទ។ វត្ថុយក្សទាំង១០ប្រភេទនោះ រួមមាន នំអន្សមយក្ស រាំម៉ាឌីហ្សុនយក្ស មួកស្លឹកត្នោតយក្ស បំពង់ទឹកត្នោតយក្ស ទាញព្រ័ត្រយក្ស អង្រុតយក្ស កន្ត្រងប្រហុកយក្ស អុកចត្រង្គយក្ស សំបុកពងមាន់យក្ស និងចាប៉ីដងវែងខ្នាតយក្ស។
កាលពីឆ្នាំ២០១៥កន្លងទៅ វត្ថុយក្សកម្រិតពិភពលោក បានបំបែកកំណត់ត្រាពិភពលោកចំនួនពីរគឺ នំអន្សមយក្ស ទម្ងន់ ៤០៤០គីឡូក្រាម និងរាំម៉ាឌីហ្សុនយក្ស ដែលមានមនុស្សចូលរួម ចំនួន ២០១៥នាក់។ ដោយឡែក វត្ថុយក្សកម្រិតជាតិរួមមាន មួកស្លឹកត្នោតយក្ស បំពង់ទឹកត្នោតយក្ស ទាញព្រ័ត្រយក្ស អង្រុតយក្ស កន្ត្រងប្រហុកយក្ស និងអុកចត្រង្គយក្ស។ សម្រាប់ឆ្នាំ២០១៧នេះ មានចាប៉ីដងវែងខ្នាតយក្ស និងសំបុកពងមាន់យក្ស ដែលធំជាងសម្ភារធម្មតារាប់រយដង។
នៅក្នុងព្រឹត្តិការណ៍នេះ នារសៀលថ្ងៃទី១៥ មេសា ២០១៧ ចាប៉ីដងវែង បានទទួលវិញ្ញាបនបត្រចំនួនពីររួមមាន វិញ្ញាបនបត្ររបស់អង្គការយូណេស្កូ ដែលទទួលស្គាល់ចាប៉ីដងវែងខ្មែរជាសម្បត្តិបេតិកភណ្ឌរូបិយ ទៅដល់សហភាពសហព័ន្ធយុវជនកម្ពុជា និងវិញ្ញាបនបត្រទីពីរ គឺប្រគល់ជូនក្រុមការងារដំឡើងចាប៉ីដងវែងខ្នាតយក្ស។ វិញ្ញាបនបត្រទាំងពីរនេះ ផ្ដល់ដោយលោកស្រី ភឿក សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ។
គួរបញ្ជាក់ថា ព្រឹត្តិការណ៍អង្គរសង្ក្រាន្ត បានចាប់ផ្ដើមឡើងក្នុងឆ្នាំ២០១៣ ដែលរៀបចំដោយសហភាពសហព័ន្ធយុវជនកម្ពុជា រួមជាមួយស្ថាប័នពាក់ព័ន្ធ។ ព្រឹត្តិការណ៍នេះ មានការចូលរួមពីយុវជនស្ម័គ្រចិត្ត ចំនួន ៣ពាន់នាក់ផងដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ខ្នាតយក្ស
អង្គរសង្ក្រាន្ត
© រក្សាសិទ្ធិដោយ thmeythmey.com
អត្ថបទពេញនិយម
«ទាយជ្ជទាន»មានន័យដូចម្តេច?
1 សប្តាហ៍
Dave Leduc ទារថ្លៃខ្លួន១លានដុល្លារ ក្នុងការត្រឡប់មកសង្វៀនប្រដាល់ និងផ្ដួលកីឡាករមួយថៃ
1 ថ្ងៃ
«ចរិត,ចារឹក និងចារិក» មានន័យខុសគ្នាដូចម្តេច?
6 ថ្ងៃ
កាឡកិណី ឬ កាឡកណ្ណី មានន័យថា មនុស្សឥតបុណ្យ, មនុស្សចង្រៃ
5 ថ្ងៃ
អាជ្ញាធរ សម្រេចបញ្ឈប់អាជីវកម្មទូកទេសចរណ៍ បុប្ផាអង្គរ ក្រោយបោះសំរាមចូលក្នុងទន្លេ
4 ថ្ងៃ
អត្ថបទពេញនិយមបន្ថែម