ឥណ្ឌា ចំណាយប្រមាណ១២លានដុល្លារសង់អណ្តូងស្នប់ឲ្យកម្ពុជា

ជាតិ

ឥណ្ឌា ចំណាយប្រមាណ១២លានដុល្លារសង់អណ្តូងស្នប់ឲ្យកម្ពុជា

22, Apr 2017 , 7:59 pm

រូបភាព

រូបថត៖ ហ្វេសប៊ុកក្រសួងអភិវឌ្ឍន៍ជនបទ

ដោយ:

រដ្ឋាភិបាលឥណ្ឌា បានផ្តល់ជំនួយឥតសំណងដល់កម្ពុជាប្រមាណ១២លានដុល្លារអាមេរិក ដើម្បីសង់អណ្តូងស្នប់ចំនួន១,៥០០ សម្រាប់ពលរដ្ឋរស់នៅ ក្នុងខេត្តចំនួន៤ គឺខេត្តត្បូងឃ្មុំ បន្ទាយមានជ័យ កំពង់ឆ្នាំង និងខេត្តស្វាយរៀង។

បើតាមទំព័រហ្វេសប៊ុករបស់ក្រសួងអភិវឌ្ឍន៍ជនបទអណ្តូងស្នប់ទាំងនេះ ត្រូវបានសម្ពោធឲ្យប្រើប្រាស់ នៅថ្ងៃទី២០ ខែមេសា នៅទីតាំងអណ្តូងទី១ បរិវេនវត្តហត្ថិវនារាម ហៅវត្តក្តុល ស្ថិតភូមិក្តុលផ្សារ ឃុំទន្លូង ស្រុកមេម៉ត់ ខេត្តត្បូងឃ្មុំ ក្រោមវត្តមាន លោក អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ។

តាមប្រភពដដែល ខេត្តត្បូងឃ្មុំ ទទួលបានអណ្តូងស្នប់ Afridev ចំនួន ១,២៥០ ខេត្តបន្ទាយមានជ័យចំនួន១០០ ខេត្តកំពង់ឆ្នាំង ចំនួន១០០ និងខេត្តស្វាយរៀងទទួលបានអណ្តូងស្នប់ចំនួន៥០ ៕