កីឡាជាតិ
ជាតិ
U16 កម្ពុជាប៉ះវៀតណាម អូស្ត្រាលី និងម្ចាស់ផ្ទះម៉ុងហ្គោលីក្នុងព្រឹត្តិការណ៍ AFC U16 Championship
× ក្រុមបាល់ទាត់ជម្រើសជាតិអាយុក្រោម១៦ឆ្នាំកម្ពុជាត្រូវប្រជែងជាមួយជើងខ្លាំង វៀតណាម អូស្ត្រាលី និងម៉ុងហ្គោលីក្នុងវគជម្រុះពូល I នៃពានរង្វាន់ AFC U16 Championship 2018 នាខែកញ្ញា ខាងមុខនេះនៅលើទឹកដីម៉ុងហ្គោលី។ ព្រឹត្តិការណ៍នេះមាន៤៥ប្រទេសចូលរួមដោយបែងចែកជា១០ពូល(A-J)។
ព្រឹត្តិការណ៍ប្រកួតបាល់ទាត់ដណ្តើមពានរង្វាន់ AFC U16 Championship 2018 ក្រុមជម្រើសជាតិអាយុក្រោម១៦ឆ្នាំកម្ពុជាដែលស្ថិតនៅក្នុងពូល I ត្រូវប្រជែងជាមួយជើងខ្លាំងវៀតណាម អូស្ត្រាលី និងម៉ុងហ្គោលី ក្នុងវគ្គជម្រុះសន្សំពិន្ទុចាប់ពីថ្ងៃទី២២ ដល់ថ្ងៃទី២៤ ខែកញ្ញា ឆ្នាំ២០១៧ ដែលប្រទេសម៉ុងហ្គោលីជាម្ចាស់ផ្ទះនៃវគ្គជម្រុះពូល I នេះ។
ក្រុម U16 កម្ពុជាត្រូវប្រឈមជាមួយក្រុម U16 វៀតណាមក្នុងជំនួបបើកឆាកនាថ្ងៃទី២០ ខែកញ្ញា មុនប៉ះក្រុមអូស្ត្រាលី និងក្រុមម្ចាស់ផ្ទះម៉ុងហ្គោលីក្នុងជំនួបបន្ទាប់ និងជំនួបចុងក្រោយនៅថ្ងៃទី២២ និងថ្ងៃទី២៤ ខែកញ្ញា។ ក្រៅពីការប្រកួតក្នុងពូល I ក៏មានការប្រកួត៩ពូលផ្សេងទៀតផងដែរ។
ក្នុងនោះពូល A មានម្ចាស់ផ្ទះអារ៉ាប៊ីសាអូឌីត ហ្ស៊កដានី អ៊ូសបេគីស្ថាន ស្រីលង្កា និងបារ៉ែន, ពូល B មានម្ចាស់ផ្ទះតាហ្ស៊ីគីស្ថាន អូម៉ង់ ស៊ីរី ម៉ាល់ឌីវ និងតួកម៉េនីស្ថាន, ពូល C មានម្ចាស់ផ្ទះអ៊ីរ៉ង់ កៀហ្ស៊ីស៊ីស្ថាន អាហ្វហ្គានីស្ថាន ប៊ូតង់ និងលីបង់, ពូល D មានម្ចាស់ផ្ទះនេប៉ាល់ អ៊ីរ៉ាក់ ឥណ្ឌា និងប៉ាឡេស្ទីន, ពូល E មានម្ចាស់ផ្ទះកាតា អេមីរ៉ាតអារ៉ាប់រួម យេម៉ែន និងបង់ក្លដែស។
ពូល F មានកូរ៉េខាងជើង ហុងកុង ឆាយនីសតៃប៉ិ ម៉ាកាវ និងព្រុយណេ, ពូល G មានម្ចាស់ផ្ទះថៃ ឡាវ ទីម័រខាងកើត ឥណ្ឌូនេស៊ី និង Northern Mariana Islands, ពូល H មានកូរ៉េខាងត្បូង ចិន មីយ៉ាន់ម៉ា និងហ្វីលីពីន, ពូល I មានកម្ពុជា វៀតណាម អូស្ត្រាលី និងម៉ុងហ្គោលី និងពូល J មានម្ចាស់ផ្ទះជប៉ុន ម៉ាឡេស៊ី សិង្ហបុរី និងហ្គាម៕
Tag:
U16 កម្ពុជា
AFC U16 Championship 2018
© រក្សាសិទ្ធិដោយ thmeythmey.com