កីឡាជាតិ
ជាតិ
ព្យាយាម និងមិនតក់ស្លុត ជាកត្តាដែលនាំឲ្យកីឡាការិនីប៉េតង់ អ៊ុក ស្រីមុំ ឈ្នះមេដាយមាសពិភពលោក
×![]()
កីឡាការិនីប៉េតង់ អ៊ុក ស្រីមុំ ម្ចាស់មេដាយមាសពិភពលោកពីប្រទេសបែលហ្ស៊ិកបានបញ្ជាក់ថា ការតាំងចិត្ត និងការជម្នះភាពភ័យខ្លាច និងបញ្ហាលំបាកផ្សេងៗបានជំរុញឲ្យរូបនាង ឈ្នះមេដាយមាសពិភពលោកពីព្រឹត្តិការណ៍ World Championship Petaque 2017 នៅទីក្រុង Ghent ប្រទេសបែលហ្ស៊ិក។ ទោះបីមេដាយមាសពិភពលោកជាគោលបំណងចុងក្រោយក៏ដោយ តែកីឡាការិនីរូបនេះមិនទាន់បញ្ជាក់ពីការចូលនិវត្តន៍នោះទេ លើសពីនេះថែមទាំងប្តេជ្ញាថា នឹងបន្តការខិតខំប្រឹងប្រែងហ្វឹកហាត់បន្ថែមទៀត ដើម្បីត្រៀមប្រជែងដណ្តើមជើងឯកក្នុងព្រឹត្តិការណ៍ស៊ីហ្គេមនៅប្រទេសម៉ាឡេស៊ី នាខែសីហា ខាងមុខ។
ក្រោយឈ្នះមេដាយមាសពិភពលោកពីប្រទេសបែលហ្ស៊ិក កីឡាការិនី អ៊ុក ស្រីមុំ បានប្រាប់ពីមូលហេតុនៃការឈ្នះមេដាយមាសពិភពលោកនេះថា ដោយសារការតាំងចិត្តជាមួយការកំណត់គោលដៅច្បាស់លាស់គូបផ្សំជាមួយការមិនភិតភ័យ ជាពិសេសការជម្នះនូវបញ្ហាលំបាកទាំងអាកាសធាតុ និងម្ហូបអាហារទើបធ្វើឲ្យនាងឈ្នះដូចនេះ។ «ពួកយើងបានតាំងចិត្តថា មកចូលរួមលើកនេះធ្វើយ៉ាងណាដណ្តើមមេដាយឲ្យបានទោះបីមេដាយណាក៏ដោយ ហើយពួកយើងមិនមានអារម្មណ៍ភិតភ័យនោះទេសម្រាប់ការចូលរួមលើកនេះ»។ នេះជាការបញ្ជាក់របស់កីឡាការិនី អ៊ុក ស្រីមុំ។
ក្នុងបទសម្ភាសន៍ជាមួយអ្នកសារព័ត៌មានម្ចាស់មេដាយមាសពិភពលោករូបនេះបានរៀបរាប់ពីទុក្ខលំបាក និងការតាំងចិត្តយ៉ាងដូច្នេះថា៖«យើងទៅចូលរួមចំពេលត្រជាក់ ត្រជាក់ខ្លាំងណាស់តែពួកយើងជម្នះបាន ហើយអ្វីដែលពិបាកជាងគេគឺរឿងម្ហូបអាហារព្រោះពួកគេភាគច្រើនហូបនំប៉័ង និងសាច់ជ្រូកជាមួយបាយដែលយើងមិនអាចហូបបានព្រោះវាមានរសជាតិខុសពីម្ហូបយើង។ តែយ៉ាងណា ពួកយើងព្យាយាមហូបទោះបីមិនឆ្ងាញ់ឬហូបមិនចូលក៏ដោយ»។
ទោះបីមេដាយមាសពិភពលោកជាគោលបំណងចុងក្រោយក្នុងអាជីពកីឡា និងមានអាយុច្រើនយ៉ាងណាក៏ដោយ ប៉ុន្តែម្ចាស់មេដាយមាសពិភពលោករូបនេះ មិនទាន់មានបំណងចង់ចូលនិវត្តន៍ ឬបោះបង់អាជីពជាកីឡាការិនីប៉េតង់នោះឡើយ ព្រោះនាងយល់ថា សមត្ថភាពរបស់នាងនៅអាចលេងបន្ត។ លើសពីនេះ កីឡាការិនីមកពីទីស្តីការគណៈរដ្ឋមន្ត្រីរូបនេះ ប្តេជ្ញាខិតខំហ្វឹកហាត់ពង្រឹងសមត្ថភាពបន្ថែម ដើម្បីត្រៀមដណ្តើមមេដាយពីព្រឹត្តិការណ៍ស៊ីហ្គេមនៅប្រទេសម៉ាឡេស៊ី នាខែសីហា ខាងមុខជូនជាតិមាតុភូមិ។
គួរបញ្ជាក់ថា ការប្រកួតកីឡាប៉េតង់ជ្រើសរើសជើងឯកពិភពលោកដែលប្រព្រឹត្តទៅពីថ្ងៃទី១៣ ដល់ថ្ងៃទី១៦ ខែមេសា នៅទីក្រុង Ghent ប្រទេសបែលហ្ស៊ិក កីឡាការិនី អ៊ុក ស្រីមុំ ប្រកួតលើវិញ្ញាសាឯកត្តជនដែលមានការចូលរួមពីកីឡាការិនីជាង៤០នាក់មកពីទូទាំងពិភពលោក។ នៅវគ្គជម្រុះ អ៊ុក ស្រីមុំ បានយកឈ្នះ ម៉ាដាកាស្កា ១០-៩ ឈ្នះកោះ Jersey ១៣-៧ ឈ្នះម៉ូណាកូ ៩-៨ និងឈ្នះកាណាដា ១៣-១១ ។
នៅវគ្គ១៦ក្រុមចុងក្រោយ អ៊ុក ស្រីមុំ បានយកឈ្នះកីឡាការិនីស៊ុយអែត Noon GEFFENBLAD ក្នុងលទ្ធផល ១៣-១០ ហើយបំបាក់កីឡាការិនីអេស្ប៉ាញ Rosario ÍNÉS LIZÓN ១៣-១០ នៅវគ្គ៨ក្រុមចុងក្រោយ មុននឹងយកឈ្នះកីឡាការិនីបារាំង Audrey BANDIERA ទាំងបផិតបផើយ ១៣-១២ នៅវគ្គពាក់កណ្តាលផ្តាច់ព្រ័ត្រ។ នៅវគ្គផ្តាច់ព្រ័ត្រ អ៊ុក ស្រីមុំ បានយកឈ្នះកីឡាការិនីទុយនីស៊ី Mouna BEJI ក្នុងលទ្ធផល ១៣-៧ ដើម្បីទទួលបានមេដាយមាសពិភពលោក៕
ក្រោយឈ្នះមេដាយមាសពិភពលោកពីប្រទេសបែលហ្ស៊ិក កីឡាការិនី អ៊ុក ស្រីមុំ បានប្រាប់ពីមូលហេតុនៃការឈ្នះមេដាយមាសពិភពលោកនេះថា ដោយសារការតាំងចិត្តជាមួយការកំណត់គោលដៅច្បាស់លាស់គូបផ្សំជាមួយការមិនភិតភ័យ ជាពិសេសការជម្នះនូវបញ្ហាលំបាកទាំងអាកាសធាតុ និងម្ហូបអាហារទើបធ្វើឲ្យនាងឈ្នះដូចនេះ។ «ពួកយើងបានតាំងចិត្តថា មកចូលរួមលើកនេះធ្វើយ៉ាងណាដណ្តើមមេដាយឲ្យបានទោះបីមេដាយណាក៏ដោយ ហើយពួកយើងមិនមានអារម្មណ៍ភិតភ័យនោះទេសម្រាប់ការចូលរួមលើកនេះ»។ នេះជាការបញ្ជាក់របស់កីឡាការិនី អ៊ុក ស្រីមុំ។
ក្នុងបទសម្ភាសន៍ជាមួយអ្នកសារព័ត៌មានម្ចាស់មេដាយមាសពិភពលោករូបនេះបានរៀបរាប់ពីទុក្ខលំបាក និងការតាំងចិត្តយ៉ាងដូច្នេះថា៖«យើងទៅចូលរួមចំពេលត្រជាក់ ត្រជាក់ខ្លាំងណាស់តែពួកយើងជម្នះបាន ហើយអ្វីដែលពិបាកជាងគេគឺរឿងម្ហូបអាហារព្រោះពួកគេភាគច្រើនហូបនំប៉័ង និងសាច់ជ្រូកជាមួយបាយដែលយើងមិនអាចហូបបានព្រោះវាមានរសជាតិខុសពីម្ហូបយើង។ តែយ៉ាងណា ពួកយើងព្យាយាមហូបទោះបីមិនឆ្ងាញ់ឬហូបមិនចូលក៏ដោយ»។
ទោះបីមេដាយមាសពិភពលោកជាគោលបំណងចុងក្រោយក្នុងអាជីពកីឡា និងមានអាយុច្រើនយ៉ាងណាក៏ដោយ ប៉ុន្តែម្ចាស់មេដាយមាសពិភពលោករូបនេះ មិនទាន់មានបំណងចង់ចូលនិវត្តន៍ ឬបោះបង់អាជីពជាកីឡាការិនីប៉េតង់នោះឡើយ ព្រោះនាងយល់ថា សមត្ថភាពរបស់នាងនៅអាចលេងបន្ត។ លើសពីនេះ កីឡាការិនីមកពីទីស្តីការគណៈរដ្ឋមន្ត្រីរូបនេះ ប្តេជ្ញាខិតខំហ្វឹកហាត់ពង្រឹងសមត្ថភាពបន្ថែម ដើម្បីត្រៀមដណ្តើមមេដាយពីព្រឹត្តិការណ៍ស៊ីហ្គេមនៅប្រទេសម៉ាឡេស៊ី នាខែសីហា ខាងមុខជូនជាតិមាតុភូមិ។
គួរបញ្ជាក់ថា ការប្រកួតកីឡាប៉េតង់ជ្រើសរើសជើងឯកពិភពលោកដែលប្រព្រឹត្តទៅពីថ្ងៃទី១៣ ដល់ថ្ងៃទី១៦ ខែមេសា នៅទីក្រុង Ghent ប្រទេសបែលហ្ស៊ិក កីឡាការិនី អ៊ុក ស្រីមុំ ប្រកួតលើវិញ្ញាសាឯកត្តជនដែលមានការចូលរួមពីកីឡាការិនីជាង៤០នាក់មកពីទូទាំងពិភពលោក។ នៅវគ្គជម្រុះ អ៊ុក ស្រីមុំ បានយកឈ្នះ ម៉ាដាកាស្កា ១០-៩ ឈ្នះកោះ Jersey ១៣-៧ ឈ្នះម៉ូណាកូ ៩-៨ និងឈ្នះកាណាដា ១៣-១១ ។
នៅវគ្គ១៦ក្រុមចុងក្រោយ អ៊ុក ស្រីមុំ បានយកឈ្នះកីឡាការិនីស៊ុយអែត Noon GEFFENBLAD ក្នុងលទ្ធផល ១៣-១០ ហើយបំបាក់កីឡាការិនីអេស្ប៉ាញ Rosario ÍNÉS LIZÓN ១៣-១០ នៅវគ្គ៨ក្រុមចុងក្រោយ មុននឹងយកឈ្នះកីឡាការិនីបារាំង Audrey BANDIERA ទាំងបផិតបផើយ ១៣-១២ នៅវគ្គពាក់កណ្តាលផ្តាច់ព្រ័ត្រ។ នៅវគ្គផ្តាច់ព្រ័ត្រ អ៊ុក ស្រីមុំ បានយកឈ្នះកីឡាការិនីទុយនីស៊ី Mouna BEJI ក្នុងលទ្ធផល ១៣-៧ ដើម្បីទទួលបានមេដាយមាសពិភពលោក៕
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
