ជាតិ
ពលរដ្ឋខ្មែរ១៣នាក់ ត្រូវបានអាជ្ញាធរថៃ ដោះលែងវិញហើយ
× ភ្នំពេញ៖ ពលរដ្ឋខ្មែរចំនួន១៣នាក់ ដែលត្រូវបានអាជ្ញាធរថៃ ឃាត់ខ្លួននៅក្នុងខេត្តស្រះកែវ ពីបទស្នាក់នៅអន្តោប្រវេសន៍ខុសច្បាប់ កាលពីថ្ងៃទី២ ខែមិថុនានោះ បានដោះលែងនិងបញ្ជូនមកកម្ពុជាវិញហើយ។
មេបញ្ជាការនគរបាលការពារព្រំដែន ប្រចាំតំបន់បឹងត្រកួន លោក ឡុង សំណាង បានឲ្យដឹងថា ពលរដ្ឋខ្មែរទាំង ១៣នាក់នេះ ត្រូវបានតម្រួតថៃដឹកតាមរថយន្ត ២គ្រឿងចូលតាមច្រកតំបន់ព្រំដែនបឹងត្រកួន យកមកប្រគល់ឲ្យសាច់ញាតិនិងអាជ្ញាធរវិញ កាលពីថ្ងៃទី៧ មិថុនា ។
ជាមួយគ្នានេះ ប្រជាពលរដ្ឋនៅតំបនបឹងត្រកួននេះ ក៏បានប្រគល់រថយន្ត២៦គ្រឿង ដែលពួកគេបានឃាត់ទុកនោះ ឲ្យភាគីថៃវិញជាថ្នូរនឹងការដោះលែងពលរដ្ឋខ្មែរ១៣នាក់ តាមការសន្យាផងដែរ៕
© រក្សាសិទ្ធិដោយ thmeythmey.com