ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
សត្វត្រដក់ធំរាប់រយក្បាល បានញាស់ចេញពីសំបុក ទៅរស់នៅតំបន់រ៉ាមសាព្រែកទាល់
27, Jul 2017 ,
7:39 pm
រូបភាព
×
ដោយ:
រំដួល ចិត្រា (Romdoul Chetra)
ភ្នំពេញ៖ សត្វត្រដក់ធំ ដែលកំពុងរងគ្រោះជិតផុតពូជ បានញាស់ចេញពីសំបុកជាច្រើនក្បាល ហើយបានទៅរស់នៅតំបន់រ៉ាមសាព្រែកទាល់ ដែលជាតំបន់អភិរក្សសត្វវិញ នៅព្រឹកថ្ងៃទី២៧ កក្កដា ។
អង្គការសមាគមន៍អភិរក្សសត្វព្រៃ (WCS) បានឲ្យដឹងថា សំបុកសត្វត្រដក់ធំនេះ ត្រូវបានក្រុមមន្ត្រីអនុរក្សក្រសួងបរិស្ថាន និងប្រជាសហគមន៍ ជួយថែរក្សាអស់រយៈពេលជាង៦ខែមកហើយ សម្រាប់ការញាស់កូនសត្វត្រដក់ធំនេះ។ អង្គការWCS ចាត់ទុកការញាស់កូននេះ គឺជាជោគជ័យដ៏ធំមួយនៃការសហការគ្នាពីគ្រប់ភាគីពាក់ព័ន្ធ ដើម្បីអភិរក្សសត្វត្រដក់ធំ ដែលកំពុងជិតផុតពូជនេះ។
កូនសត្វត្រដក់ធំ ដែលបានញាស់ចេញពីសំបុកនេះ មានចំនួនពី១៧៥ ទៅ៥០០ ក្បាល ។នេះបើតាមលោក អេង ម៉េងអ៊ី មន្ត្រីទំនាក់ទំនងអង្គការសមាគមន៍អភិរក្សសត្វព្រៃ (WCS) ដែលបញ្ជាក់ដូច្នេះ៖«កូនសត្វត្រដក់ធំ បានញាស់ចេញពីសំបុកចំនួន១៧៥ ហើយក្នុងមួយសំបុកអាចញាស់កូនពី១ទៅ៣ក្បាល ដូច្នេះយ៉ាងហោចណាស់វា អាចមានចំនួនចន្លោះពី១៧៥ទៅ៥០០ក្បាល»។
ប្រជាការពារសំបុកនៅតំបន់រ៉ាមសារព្រែកទាល់លោក ឈន ឈួម មានការត្រេកអរចំពោះវត្តមានកូនសត្វត្រដក់ធំ ដែលទើបញាស់ចេញនេះ។ លោកថា ប្រជាសហគមន៍លោក នឹងជួយអភិរក្សសត្វត្រដក់ធំ មិនឲ្យបាត់បង់ឡើយ។ «ប្រជាសហគមន៍នៅតំបន់ព្រែកទាល់នេះ យល់ដឹងពីការអភិរក្សសត្វស្លាបទឹក ព្រោះការពិតសត្វស្លាបទឹកទាំងអស់នោះ បានផ្ដល់ឲ្យពួកគាត់នូវប្រាក់ចំណូល តាមរយៈគម្រោងទេសចរណ៍ធម្មជាតិ»។ នេះបើតាមលោក ឈន ឈួម។
ជាមួយគ្នានេះប្រធានផ្នែកកម្មវិធីពិនិត្យអង្កេតតាមដាន និងសិក្សាស្រាវជ្រាវនៃក្រសួងបរិស្ថាន និងអង្គការWCS អំពាវនាវឲ្យប្រជាសហគមន៍ និងអាជ្ញាធរគ្រប់លំដាប់ថ្នាក់ រួមទាំងម្ចាស់ជំនួយទាំងអស់ បន្តសកម្មភាពអភិរក្សនៅតំបន់ព្រែកទាល់ ដើម្បីការពារសត្វស្លាបទឹក និងទីជម្រកធម្មជាតិរបស់សត្វទាំងនោះ កុំឲ្យបាត់បង់។
សត្វត្រដក់ធំ ជាប្រភេទត្រដក់មានមាឌធំជាងគេបង្អស់ ដែលមានកម្ពស់ដល់១,៥ ម៉ែត្រ។ សត្វត្រដក់ធំ ស្ថិតនៅក្នុងបញ្ជីក្រហមរបស់អង្គការ IUCN ដែលកំពុងរងគ្រោះជិតផុតពូជនៅលើពិភពលោក។ សត្វត្រដក់ធំ មានចំនួនពី៨០០ទៅ១០០០ក្បាលប៉ុណ្ណោះ ដែលកំពុងមានជីវិតនៅលើពិភពលោក។
បច្ចុប្បន្នសត្វត្រដក់ធំ កំពុងមានវត្តមាននៅប្រទេសកម្ពុជា ចំនួន១៥០ទៅ២០០គូរ រស់នៅក្នុងតំបន់អភិរក្សរ៉ាមសាព្រែកទាល់ ដែលជាបន្ទាយពងកូនចុក្រោយគេបង្អស់សម្រាប់តំបន់អាស៊ីអាគ្នេយ៍ និងធំជាងគេលំដាប់ទី២នៅលើពិភពលោក បន្ទាប់ពីតំបន់អាសាម ប្រទេសឥណ្ឌា។ ហើយក៏ជាតំបន់ដីសើមទឹកសាបសំខាន់បំផុតនៃបឹងទន្លេសាប ដែលមានការទទួលស្គាល់ផ្នែកធនធានជីវចម្រុះ សង្គម និងសេដ្ឋកិច្ច។ កាលពីឆ្នាំ២០១៥ ព្រែកទាល់ត្រូវបានគេកំណត់ទៅជាតំបន់រ៉ាមសាព្រែកទាល់ ដោយសារតែវាមានសារៈសំខាន់ជាលក្ខណៈសាកលលោកសម្រាប់ការអភិរក្សសត្វ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
សត្វត្រដក់ធំ
WCF
© រក្សាសិទ្ធិដោយ thmeythmey.com
អត្ថបទពេញនិយម
«ទាយជ្ជទាន»មានន័យដូចម្តេច?
1 សប្តាហ៍
Dave Leduc ទារថ្លៃខ្លួន១លានដុល្លារ ក្នុងការត្រឡប់មកសង្វៀនប្រដាល់ និងផ្ដួលកីឡាករមួយថៃ
2 ថ្ងៃ
«ចរិត,ចារឹក និងចារិក» មានន័យខុសគ្នាដូចម្តេច?
6 ថ្ងៃ
កាឡកិណី ឬ កាឡកណ្ណី មានន័យថា មនុស្សឥតបុណ្យ, មនុស្សចង្រៃ
5 ថ្ងៃ
អាជ្ញាធរ សម្រេចបញ្ឈប់អាជីវកម្មទូកទេសចរណ៍ បុប្ផាអង្គរ ក្រោយបោះសំរាមចូលក្នុងទន្លេ
5 ថ្ងៃ
អត្ថបទពេញនិយមបន្ថែម