ជាតិ
រូបពីហ្វេសប៊ុកលោក អ៊ុក ហៃសិលា
×![]()
ភ្នំពេញ៖ អគ្គនាយកដ្ឋានអន្តោប្រវេសន៍ក្រសួងមហាផ្ទៃ បដិសេធថា គ្មានការចាប់ខ្លួនជនជាតិតៃវ៉ាន់ បញ្ជូនទៅចិនឡើយ។ ការអះអាងរបស់អគ្គនាយកដ្ឋានអន្តោប្រវេសន៍បែបនេះ ធ្វើឡើងក្រោយពីតៃវ៉ាន់ ចោទកម្ពុជាថា បានចាប់ខ្លួនជនជាតិតៃវ៉ាន់ចំនួន៧នាក់ ពាក់ព័ន្ធនឹងបទឧក្រិដ្ឋកម្មជំរិតទាប្រាក់ បញ្ជូនទៅប្រទេសចិន។
ប្រធានផ្នែកស៊ើបអង្កេត និងអនុវត្តន៍នីតិវិធីនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ លោក អ៊ុក ហៃសិលា បាននិយាយថា ជនល្មើសចំនួន៣១នាក់ ដែលកម្ពុជាចាប់បញ្ជូនទៅប្រទេសចិនកន្លងមកនេះ សុទ្ធតែជាជនជាតិចិន ពោលគឺគ្មានជនជាតិតៃវ៉ាន់ ដូចការចោទប្រកាន់ឡើយ។ ថ្លែងប្រាប់សារព័ត៌មានថ្មីៗ លោក អ៊ុក ហៃសិលា បានបញ្ជាក់ដូច្នេះថា៖«យើងអត់ឃើញមានជនជាតិតៃវ៉ាន់ណាម្នាក់ឡើយ ។ ហើយពេលយើងឃាត់ខ្លួនជនល្មើសនោះ គ្រាន់តែមានអ្នកខ្លះអត់មានឯកសារអត្តសញ្ញាណត្រឹមត្រូវ ប៉ុន្តែយើងបានឲ្យខាងទូតចិនមកត្រួតពិនិត្យមើល និងសាកសួរនាំ ហើយត្រូវបានខាងទូតចិនថាជាជនជាតិ ទើបបានយើងបញ្ជូនពួកគេទៅចិន»។
កាលពីសប្ដាហ៍មុន កម្ពុជា បានចាប់បញ្ជូនជនល្មើស ដែលប្រព្រឹត្តិបទឧក្រិដ្ឋជំរិតទាប្រាក់ តាមប្រព័ន្ធអ៊ីនធឺណេត ចំនួន៣១នាក់ បញ្ជូនទៅប្រទេសចិន។ តែព័ត៌មាននេះត្រូវបានភាគីតៃវ៉ាន់ តវ៉ាឲ្យកម្ពុជាត្រួតពិនិត្យឡើងវិញ ។ អ្នកនាំពាក្យការបរទេសតៃវ៉ាន់ លោកស្រី Eleanor Wang អះអាងថា ក្នុងចំណោមជនល្មើស៣១នាក់ ដែលកម្ពុជា បញ្ជូនទៅចិននោះ មានជនជាតិតៃវ៉ាន់ចំនួន៧នាក់។ លោកស្រី Eleanor Wang បានស្នើឲ្យកម្ពុជា នាំយកជនជាតិតៃវ៉ាន់ ដែលបញ្ជូនទៅចិននោះ ត្រឡប់ទៅតៃវ៉ាន់ វិញផងដែរ។
បើតាមសារព័ត៌មាន Reuter ដែលបានស្រង់សម្តីរបស់អ្នកនាំពាក្យការបរទេសតៃវ៉ាន់ លោកស្រី Eleanor Wang បានបញ្ជាក់ដូច្នេះ៖«យើងសូមសម្ដែងការព្រួយបារម្ភ និងសោកស្ដាយយ៉ាងខ្លាំង អំពីបញ្ហាជនជាតិតៃវ៉ាន់ ដែលត្រូវបានកម្ពុជាចាប់បញ្ជូនទៅចិននេះ។ យើងអំពាវនាវឲ្យកម្ពុជា ធានាដល់ដំណើការជួយសង្គ្រោះ ការផ្ដល់អត្ថប្រយោជន៍ និងគោរពសិទ្ធិជនជាតិតៃវ៉ាន់»។
តែយ៉ាងណាលោក អ៊ុក ហៃសិលា បាននិយាយថា កម្ពុជាមិនមានចំណាត់ការស៊ើបអង្កេតឡើងវិញ លើករណីជនល្មើស ដែលបញ្ជូនទៅចិននោះឡើយ។ «យើងមិនទាន់ទទួលការស្នើសុំជាផ្លូវការពីតៃវ៉ាន់នៅឡើយទេ។ ហើយយើងក៏គ្មានយន្តការអ្វីត្រូវត្រួតពិនិត្យមើលករណីនេះដែរ។ បើសិនជាតៃវ៉ាន់ អះអាងថា មានជនជាតិពួកគេមែន តៃវ៉ាន់គួរតែទាក់ទងទៅចិន ដោយផ្ទាល់ទៅ»។ នេះបើតាមការលើកឡើងរបស់លោក អ៊ុក ហៃសិលា ឆ្លើយតបនឹងការស្នើសុំរបស់តៃវ៉ាន់៕
ប្រធានផ្នែកស៊ើបអង្កេត និងអនុវត្តន៍នីតិវិធីនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ លោក អ៊ុក ហៃសិលា បាននិយាយថា ជនល្មើសចំនួន៣១នាក់ ដែលកម្ពុជាចាប់បញ្ជូនទៅប្រទេសចិនកន្លងមកនេះ សុទ្ធតែជាជនជាតិចិន ពោលគឺគ្មានជនជាតិតៃវ៉ាន់ ដូចការចោទប្រកាន់ឡើយ។ ថ្លែងប្រាប់សារព័ត៌មានថ្មីៗ លោក អ៊ុក ហៃសិលា បានបញ្ជាក់ដូច្នេះថា៖«យើងអត់ឃើញមានជនជាតិតៃវ៉ាន់ណាម្នាក់ឡើយ ។ ហើយពេលយើងឃាត់ខ្លួនជនល្មើសនោះ គ្រាន់តែមានអ្នកខ្លះអត់មានឯកសារអត្តសញ្ញាណត្រឹមត្រូវ ប៉ុន្តែយើងបានឲ្យខាងទូតចិនមកត្រួតពិនិត្យមើល និងសាកសួរនាំ ហើយត្រូវបានខាងទូតចិនថាជាជនជាតិ ទើបបានយើងបញ្ជូនពួកគេទៅចិន»។
កាលពីសប្ដាហ៍មុន កម្ពុជា បានចាប់បញ្ជូនជនល្មើស ដែលប្រព្រឹត្តិបទឧក្រិដ្ឋជំរិតទាប្រាក់ តាមប្រព័ន្ធអ៊ីនធឺណេត ចំនួន៣១នាក់ បញ្ជូនទៅប្រទេសចិន។ តែព័ត៌មាននេះត្រូវបានភាគីតៃវ៉ាន់ តវ៉ាឲ្យកម្ពុជាត្រួតពិនិត្យឡើងវិញ ។ អ្នកនាំពាក្យការបរទេសតៃវ៉ាន់ លោកស្រី Eleanor Wang អះអាងថា ក្នុងចំណោមជនល្មើស៣១នាក់ ដែលកម្ពុជា បញ្ជូនទៅចិននោះ មានជនជាតិតៃវ៉ាន់ចំនួន៧នាក់។ លោកស្រី Eleanor Wang បានស្នើឲ្យកម្ពុជា នាំយកជនជាតិតៃវ៉ាន់ ដែលបញ្ជូនទៅចិននោះ ត្រឡប់ទៅតៃវ៉ាន់ វិញផងដែរ។
បើតាមសារព័ត៌មាន Reuter ដែលបានស្រង់សម្តីរបស់អ្នកនាំពាក្យការបរទេសតៃវ៉ាន់ លោកស្រី Eleanor Wang បានបញ្ជាក់ដូច្នេះ៖«យើងសូមសម្ដែងការព្រួយបារម្ភ និងសោកស្ដាយយ៉ាងខ្លាំង អំពីបញ្ហាជនជាតិតៃវ៉ាន់ ដែលត្រូវបានកម្ពុជាចាប់បញ្ជូនទៅចិននេះ។ យើងអំពាវនាវឲ្យកម្ពុជា ធានាដល់ដំណើការជួយសង្គ្រោះ ការផ្ដល់អត្ថប្រយោជន៍ និងគោរពសិទ្ធិជនជាតិតៃវ៉ាន់»។
តែយ៉ាងណាលោក អ៊ុក ហៃសិលា បាននិយាយថា កម្ពុជាមិនមានចំណាត់ការស៊ើបអង្កេតឡើងវិញ លើករណីជនល្មើស ដែលបញ្ជូនទៅចិននោះឡើយ។ «យើងមិនទាន់ទទួលការស្នើសុំជាផ្លូវការពីតៃវ៉ាន់នៅឡើយទេ។ ហើយយើងក៏គ្មានយន្តការអ្វីត្រូវត្រួតពិនិត្យមើលករណីនេះដែរ។ បើសិនជាតៃវ៉ាន់ អះអាងថា មានជនជាតិពួកគេមែន តៃវ៉ាន់គួរតែទាក់ទងទៅចិន ដោយផ្ទាល់ទៅ»។ នេះបើតាមការលើកឡើងរបស់លោក អ៊ុក ហៃសិលា ឆ្លើយតបនឹងការស្នើសុំរបស់តៃវ៉ាន់៕
Tag:
អ៊ុក ហៃសិលា
តៃវ៉ាន់
ចិន
© រក្សាសិទ្ធិដោយ thmeythmey.com
«ទាយជ្ជទាន»មានន័យដូចម្តេច?
1 សប្តាហ៍
